أخيرا سمعت صوت زقزقة العصافير

فى الأوان الأخيرة شعرت  بالحزن والأسى

 باختفاء صوت العصافير بينما كنت اتمشي و أتأمل الشمس المشرقة و كنت أرى العصافير بألونها الجميلة فوق الأغصان ولكن لماذا كل هذا الصمت . لماذا لم تعد فرحانه 

اين فرحتها لماذا لا تسعد وتمرح أثناء تنقلها من غصن إلى غصن قد قرأت قد يكون هذا بسبب الموجات المنتشرة بكثافة فى الجو لأجهزة المحمول وكانت فرحتى بزقزقتها لاتوصف ولا يعبر عنها بكلمات و مدى السرور الذى يملأنى عند سماعها 

حتى أدركت السبب الحقيقى لعدم  سماعى صوت زقزقة العصافير انى أصبت بالطرش الجزئ 

لقد كانت المشكلة لدى وليس فى العصافير أو الموجات أو اى سبب اخر  مازالت العصافير تزقزق ولكن أنا لا أقدر أن اسمعها 

حتى اشتريت سماعه جديدة وقد تمكنت من سماع صوت العصافير وفرح قلبى وتهلل فؤادى بها.كم أناس مننا يملكون كل العطايا ولكن لا يقدرونها ولا يستمتعوا بالحياة 

قف قليلا واشكر الله على كل  نعمه 

مازالت العصافير تزقزق يا أخى استمتع 

اسامه فل 16-3-2024

شياطين النت (9) مدمن انترنت

 

(9) مدمن انترنت

 

لم يتخيل نفسه انطون انه سوف يذهب إلى دكتور نفسي للعلاج من إدمان الانترنت فهو لا يستطيع أن يبطل النت فأثر ذلك على المذاكرة فرسب وأثر على علاقته بالأخرين فانعزل ورفضوه فصار وحيداً مع الانترنت فهو ينتقل من الشات إلى الفيس إلى الألعاب إلى المواقع المختلفة والتويتر واليوتيوب مع أنه يشعر بالتعب والإنهاك والأرهاق لكنه يكمل بحث ولعب والتنقل بين المواقف المختلفة غالباً بينام وأمامه الشاشة مفتوحة سواء اللاب توب أو الموبايل إلى أن زادت كهرباء مخه وزاد النشاط العصبي وصار يتشنج ويقع على الأرض ويفقد الوعي وصار من سيء لاسوء فهو لم يستطع أن يمتنع رغم تحذيرات الأستاذ رفعت أبوه له المتكررة ولكن لم يستطع وانتهى الأمر إلى الدكتور النفسي .

فقد قالت كيمبرلي يونج عالمة النفس الأمريكية "إذا تعدى استخدام الانترنت 38 ساعة في الأسبوع يكون مدمناً " فقد كان استخدام انطون حوالي 50 ساعة وأكثر من سبع ساعات يومياً وظهرت عليه أعراض من الجلوس لساعات طويلة والشعور بالقلق والاضطراب فور انقطاع الاتصال بالشبكة وكل حديثه الشخصي على الانترنت وما يتعلق به وعدم الاهتمام بالواجبات اليومية والاجتماعية واضطراب النوم والاستيقاظ بشكل متقطع وإهمال الهوايات والانطوائية

فابتدأ انطون بعد جرعات الدواء الخاصة بالكهرباء مع الدكتور المختص ابتدأ يحارب إدمانه للنت من انقطاع وممارسة الهوايات وتنظيم الوقت وتحديد وقت لا يتعداه.

+++++++++++

قال لصديقه عماد : أنا ما بقتش أنا بقيت مهمل وتعبان دايماً مرهق ومضطرب أنا زعلان من نفسي بس مش قادر .

عماد : العلاج النفسي جاب نتيجة؟

انطون : جاب ولكن نتيجة ضعيفة .

عماد : طيب ما ترجع تلعب كورة زي زمان .

انطون: امتى ومع مين ؟

عماد : معانا دا أحنا بنتجمع كل سبت الصبح ونحجز ونلعب من 9الى 10 صباحاً فقط.

انطون: من امتى الكلام ده ؟

عماد : من سنة تقريباً بس أنت مش مهتم ومركز في النت.

انطون: السبت القادم معاكم .

++++++++++++++++

كان وقت اللعب جميل جداً شاف أصدقائه القدامى وشعر بالحماس والإثارة والطاقة والنشاط بيجروا في عروقه رغم هزيمة فريقه ولكن كان فرحان جداً وهم مروحين .

عماد : ايه رأيك قاعدة النت ولا القاعدة معانا واللعب معانا .

انطون : قاعدتكم طبعاً ده أنا كنت باحسب نفسي بأنفتح على العالم ولكن هو ده الانفتاح الحقيقي وأنا كمان اتقدمت قوي بأقلل سرعات النت دلوقتي 4 ساعات بعد 7 ساعات وبأتقدم ومواقع كثيرة مالهاش لزمة مابقتشي بفتحها . والأجمل ! مش أنا رجعت أرسم.

عماد: ياه فين أيام الرسم ده أنت كنت موهوب .

انطون: هتشوف هأبقى أحسن من الأول .

عماد : بس في جانب أنت هامله الجانب الروحي ، أنت كسرت الوصية.

انطون : وصية ايه !!

عماد : إنك تحب الرب إلهك مش الانترنت من كل قلبك ومن كل فكرك ومن كل قدرتك يعني من الأخر الانترنت صار مثل الأصنام لك .

انطون : ياه تخيل أنا ما بصتش على الموضوع من الزاوية دي.

عماد: أرجع إلى الرب وتب وأطلب معونة منه وبركة ونعمة لكي تتعالج من الإدمان ده . خصوصاً أنت عندك نية لكده .

انطون : ازاي؟

عماد : تحب نصلي مع بعض ؟

ذهب عماد مع انطون إلى المنزل وصلوا :

"يارب يسوع المسيح سامحني إني أحببت الانترنت أكثر منك ، أعطيني معونة ونعمة وقوة حتى أتغلب على إدماني للانترنت أنا ضعيف سامحنى ، حررني وسامحني على كل موقع لا يليق أو شات أو محادثة لا تمجدك أو أي استخدام للانترنت فيه خطية أو شبه خطية .

طهرني بدمك الكريم وسامحني وطهرني.                     آمين

شعر انطون براحة غير عادية وفرح عظيم وشعر أن الرب نظر إليه واستجاب له .

+++++++++++++++++++

في الليل فتح انطون اللاب توب ما كملش ربع ساعة قرر أن يقبل التحدي وقفل اللاب توب وقفل الموبايل وركع بجوار السرير وهو مضطرب فحواسه وجسده تريد الانترنت ولكن هو قرر أن لا يكون عبد عند الانترنت وأخذ يصلي ويبكي ويبكي معترفاً بكل خطاياه وتقصيراته وقدم توبة حقيقية وقرر أن يرجع لأنشطة الكنيسة  ويتناول ويقرأ الكتاب المقدس والكتب الروحية حتى يتقوى ويقول للانترنت لالالا

 

شياطين النت (8) عقاب مهين

 

(8) عقاب مهين

شيء واحد ملأ قلب وفكر عادل هو الانتقام من منال حبيبة عمره التي لم يحب سواها أنه يستغرب من نفسه كيف تحول الحب إلى كراهية وإلى السعي في تدمير الآخر والانتقام منه ... هل كان حبه حقيقي أم حب امتلاك عندما تقدم لها بعد إتمام تعليمه تحججت بالشقة أن مكانها شعبي وعاوزة حد يطلعها من المستوى اللي هي فيه لمستوى أعلى شوية . وعندما اجتهد وربنا كرمه رفضته باعتباره مش بتاع كنائس ، بيحضر قليل وهي عايزة واحد روحانياته عالية يدفع حياتها الروحية ويشجعها ، أخذ يفكر "أترمي في الكنيسة ليل نهار واشتغل وأجيب الشقة وأكون نفسي وأحضر القداس حتى خدمتي مع أخوة الرب ما أهملتهاش . هي عاوزة ايه بالضبط ولا هي مش عارفة هي عاوزة ايه ولاهي مضبطة مع واحد تاني "

حتى شاف على الفيس دعوة خطوبتها في كنيسة مارجرجس هليوبوليس وكان يوم عيد ميلاده مش عارف هي صدفة ولا مقصودة . هي الحياة قاسية عليه ولا هو غلطان أنه أحبها وركز عليها السنين اللي فاتت ، هو مش عارف خطيبها يطلع منين مش من كنيستهم خالص .

عموماً هو قرر أن ينتقم ، استغل صورها من على الفيس والانستجرام التي لا تحصى ولا تعد والتي تحكي كل تحركاتها ومواقفها من أول ما تصحى من النوم حتى تنام ، فاستخدم برنامج الفوتوشوب الذي يعمل عليه باحتراف وركب صورها على فتيات بورنو فتيات عاريات وفي أوضاع لا تليق وكانت صور في غاية الإتقان والروعة وعمل ملف كامل لها وأرسله إلى خطيبها على الفيس بوك بعد ما عمل أكونت مختلف وغير آي دي فظهر أنه من دولة أخرى وحط صور لا تدل على أي شخصية. وأرسل نفس الملف إلى منال بدون تهديد أو تعليق وجعلها في حيرة وأنتظر ماذا يكون رد الفعل .

ظهر له أنهما شافوا الملف ولكن مر يوم وأثنين وأسبوع كأنه لم يكن . استغرب جداً ، لادفاع عن النفس ولا شتيمة ولا أي حاجة !! وصورهم على الفيس معاً عادي خارجين آكلين شاربين مبسوطين ولا أيتها تأثير.

++++++++++++++++++++

وذات يوم وهو في مول سيتي ستارز بمدينة نصر وجد علياء زميلته في الكلية ماشفهاش من حوالي سبع سنين ، سلمت عليه علياء بحرارة وسألها : ايه يابنتي مش كنتي اتجوزتي ورحتي أمريكا ؟ ردت : ما أنا في زيارة لمصر لمدة شهر ، كويس اني قابلتك كنت عاوزاك في موضوع مهم كنت ها أكلمك على الواتساب . فاضي شوية تعالى نقعد في أي كافيه .

قعدوا في كافيه في المول

علياء: أولاً : أنت ارتبطت بالبنت اللي كنت داوشنا بيها دي اللي جبتها معاك هي وأخوها كام رحلة تبع الكلية ؟

عادل: لا رفضتني واتخطبت لواحد غيري من عشرة أيام .

علياء : الحمد لله كنت هاتدبس يا معلم .

عادل : ليه ؟

علياء : وصلتني صور ليها من على النت باين حد مهكر حسابها وهي عريانة وأوقات مش ولا بد .

عادل: ضحك يخرب بيتك . أنا قلت حاجة جامدة وخطيرة ما أنا اللي مركب الصور دي علشان أهينها وأنتقم منها علشان رفضتني مرتين .

علياء : يا ابن الأيه ده أنت زعلك وحش وأنتقامك صعب ما أعرفش أنك يطلع منك كده ، بس حرام عليك ده أنت شاطر قوي ، ده شغلك وصلنا أمريكا .

عادل: أي خدمة أتقي شر الحليم إذا غضب .

علياء: بس ازاي ركبت الفيديو ؟

عادل: مستغرباً فيديو ايه ؟ طيب وريني الصور دي معاك على الموبايل.

علياء : سهلة أشوفها لك ولو مالقيتهاش أنا عارفة الموقع . فتحت الموبايل وبسهولة طلعت الصور ووريتها له .

لما شافها عادل صعق جداً من الصور . كانت صور غير اللي ركبها كانت صور حقيقية لمنال هي بعينها بجمالها ولون شعرها وهي عارية وفي أوضاع أصعب من اللي ركبها.

علياء : سكت ليه شكلك مستغرب

عادل : لا مافيش بس شعرت بالندم أني عملت كده وما توقعتش أن الموضوع يوصل لأمريكا .

كان عادل مش عارف ليه كذب عليها وعلياء ذكية جداً لم تحرجه ولم تسأله على الفيديو الذي أرسلته هو والصور على الواتساب حالاً له وتركته علشان جوزها زمانه جه برة هيفوت عليها بالعربية وسابته في حيرة حقيقية ومش عارف ومش فاهم حاجة خالص.

+++++++++++++++++++++

هل يفضحها بجد على الانترنت وفي الكنيسة ولا يستر عليها ؟ هل هي فتاة بورنو وبتشتغل في الحاجات دي وخدعتهم كلهم ولا دي برضه صور متركبة بإحتراف ؟ حتى الفيديو ممكن يكون في برامج مونتاج تعمل كده ؟ هو بيبرر موقفها ليه ؟ هو لسه بيحبها ولا بيثبت لنفسه أنه ما اتخدعش ولا ايه ؟ أنا مش فاهم حاجة .

++++++++++++++++++++++

رن تليفون عادل برقم غريب قال له أنه خطيب منال وعاوز يقابله وحدد المكان والزمان وقابله في الكاتدرائية بجوار شغله في العباسية وكان اسمه أشرف.

أشرف : من غير لف ودوران أنت جبت الصور اللي بعتها منين ؟

عادل : صور ايه وبتاع ايه ؟

أشرف : ما تلفش وتدور علي أنا ومنال عارفين أنك اللي بعت الصور مافيش حد غيرك يعمل كده ولديك دوافعك .

عادل ... بعد ما أتأكد أنه لا مفر للكذب غير أنه يجد فرصة لإذلاله .

قال : أنا ركبتها على الفوتوشوب.

أشرف : يعني أنت مصدرها الحمد لله . بعتها لحد تاني غيري أنا ومنال ؟

عادل : لا مافيش غيرها .  واستغرب عادل لرد فعل أشرف فقصد يحرجه أكثر فأخرج الفيديو والصور التي أرسلتها له علياء .

أشرف : هي دي هي لسه موجودة ده أنا عملت (ريبورت) وبعت لكل المواقع واليوتيوب علشان تحذف .

عادل : أنا مش فاهم حاجة يعني حضرتك عندك علم أنها فتاة بورنو وكانت بتبيع جسدها ومع ذلك خطبتها ازاي!!

أشرف : عاوز أصحح معلوماتك هي كانت وتابت ، هي معايا في الشغل ، قربت منها وقررت أرتبط بيها وهي وافقت فأنا مادياً هانقلها وشقتي في مكان محترم . لكن قبل ما أتقدم رسمي قالت لي عنك وعرفت رفضتك ليه مرتين مع أنها بتعزك جداً وبتحترمك جداً وأنت غالي جداً عليها ولكن مارضيتش تخدعك وتعيش معاك في خداع واتفقنا أقولك السر .

منال وهي في الفرقة الثانية في الكلية عرض عليها شخص أنها تشتغل في التمثيل وتعمل فيلم شبابي حيث أنها جميلة وقوامها جذاب في مقابل خمسين ألف جنيه وأعطاها المبلغ مقدماً ووافقت وأخذت المبلغ وأعطته كله لأبوها حيث أنه كان مريض بالقلب وكانت عملية كبيرة وفي وقتها كانت تكلف حوالي خمسين ألف جنيه ولم يكونوا يعرفوا أنه كان ممكن يعملها على نفقة الدولة ولكن كان سيدخل في قوائم إنتظار وحالته لا تسمح . وعمل العملية ونجحت وخف وبقى كويس جداً حتى حضرتك جيت زرته في المستشفى واتأخر ميعاد تصوير الفيلم والفلوس اتصرفت وكانت خايفة الفيلم يتلغي .

ولما جه التصوير وكان اللوكيشن شقة كبيرة في المعادي في منطقة هادية ولما طلعت الشقة لقيت المخرج وآلات التصوير وكل شغل السيما وكان كل التصوير على السرير وطلب منها أن تبدأ تمثل وحاولت تهرب ولكن أمسكوها وقالوا لها أنت رايحة فين هاتي الفلوس وكمان أنت خايفة ليه ده فيلم هيتعرض في أمريكا مش مصر ومش ها يمس شرفك قبلات وأحضان بس رفضت بشدة ولكن غصبوها ومثلت الفيلم بمرارة وكرهت جسدها ونفسها وصورها بملابس عارية وملابس مثيرة ، كان الأمر بالنسبة لها شغل ولا ثمن لجسدها !

خلصت وروحت ولم تفقد شرفها بل فقدت كرامتها وإنسانيتها وقالت إذا أرتبطت بك لازم كانت تقول لك وهي عارفة طبعك حامي كنت فضحتها في كل الكنيسة وهو اللي حصل لما رفضتك.

حكت لي الموضوع وقالت لي القرار قرارك وهي هاتسيب الشغل وأنا أخذت قراري وقررت اني ارتبط بها واسترها وصدقت كل كلمة قالتها فالمحبة تصدق والمحبة تستر .

عادل : أنا ماكنتش عارف حاجة خالص كنت ظالمها وأنا فرحان إنها ارتبطت بإنسان عاقل ومحترم زيك وبيحبها بجد . سامحني وأنا كمان قدرت ظروفها بس أنت تستحقها أنت عرفت تحب بجد وأنا ماحبتهاش بجد كنت بحب نفسي أكثر .

وأنت بتحكي معايا وكلك ثقة فيها وليس لديك ذرة شك . حقيقي أنت عظيم وسلم لي عليها وسوف أحضر فرحكم . هامسح الفيديو والصور من عندي ومن أي حتة اشوفه فيها .

حقيقي المحبة تستر

 

 

 

 

 

شياطين النت (7) النار هاتطولك!!

 

(7) النار هاتطولك!!

لم يكن حسام المعروف لدى الجماعة المتطرفة (أبو مصعب) أن يبحث على الانترنت كيفية عمل قنبلة ، كيفية عمل متفجرات وهو الذي كان يبحث عن أخبار الممثلات وأجمل عشرة ممثلات وملكة جمال الكون وفضايح المشاهير .

 صار من الصعب دخول المتفجرات عن طريق العريش أو ليبيا أو السودان مع إحكام القبضة الأمنية ، تلقى عبر رسالة مشفرة من قيادات داعش أن يقوم بعملية تفجير للكنيسة المجاورة لمنزله وأرسلوا له الأموال اللازمة للتدبير وإعداد المتفجرات لقتل الذين يظنهم كفار من المسيحين.

أخذ شهادة بكالويوس التجارة ولم يعمل بها ، فتح محل موبايلات من ورث من المرحوم أبوه الحاج علي .

++++++++++++++++++++

ذات يوم وهو في المحل دخل صديق عمره وجاره مايكل المهاجر لأمريكا من سنوات ، لما رآه قام بسرعة وأخذه بالحضن فقد كان مشتاق إليه ونسى إلتزامه وأخذوا يحكوا عن ذكريات ابتدائي ومغامرات إعدادي وشقاوة ثانوي. وضحكوا وضحكوا والضحكة عليت سمعوها المارة وبكوا من كثرة الضحك .

وفجأة قال له مايكل : ايه يابني اللي عامله في نفسك ده مربي ذقنك ولابس جلابية بيضاء ده أنا ماعرفتكش . واستيقظ حسام من حلم جميل وكأنه فاق كيف سلمت عليه وحكيت معاه وهو كافر

كافر بس مايكل مش كافر ده شخص مؤدب ومحترم ومش بتطلع منه العيبة وأنا بحبه ده أنا نسيت نفسي ورجعت لنفسي وكنت على طبيعتي معاه .

رد على مايكل : شوية إلتزام ديني ، عملنا كتير لدنيتنا نعمل شوية لآخرتنا .

مايكل : بارك الله فيك الإلتزام شيء جميل ولكن إياك والتطرف وتقلب إرهابي .

حسام: إرهابي ايه يا عم احنا عاوزين نأكل عيش . أنت عاوز حاجة لو عايز حاجة قول.

مايكل : لا شكراً ( وتركه في داخله علامات استفهام وعلامات تعجب وليس إجابات)

++++++++++++++++++++

 في اليوم التالي نزل مايكل ليشتري موبايل لأخته هدية فقيمة الدولار عالية بالنسبة للجنيه فنزل هو وأخته واشترى لها الموبايل حسب ذوقها وطلعت بالموبايل .

قال حسام لمايكل عاوز أسألك شوية أسئلة .

مايكل: أسأل يا حسام .

حسام: هو الناس الكويسين منكم لما يموتوا يروحوا فين ؟

مايكل : أكيد في فردوس النعيم مع الرب يسوع المسيح .

حسام: يعني مش عندكم جنة زينا وحور عين وجنات تجري من تحتها الأنهار وهكذا.

مايكل : لا طبعاً احنا لا نؤمن بذلك ليست فقط لأسباب دينية ولكن لأسباب عقلية منطقية.

حسام : ازاي يعني؟

مايكل : أقول لك بصراحة ماتزعلش .

حسام: قول ياعم الغلباوي طول عمرك كده.

مايكل: أولاً : الواحد بعد ما يموت بيكون روح ولا جسد.

حسام : بيكون روح والجسد يتعفن في التراب.

مايكل: ازاي هيمارس الجنس مع حور العين الجمال بروحه بدون جسد .

لم يفكر حسام من قبل في ذلك .

حسام : وايه كمان .

مايكل : الواحد بعد ما يأكل ويشرب لامؤاخذة مش محتاج يعمل حمام ؟

حسام : ايوه طبعاً علشان يصرف اللي أكله وشربه .

مايكل: بعد ما نأكل ونشرب في الجنة هنصرف فين هو فيها صرف صحي.

حسام سكت مفكراً وليس لديه إجابات .

مايكل: وكمان مافيش عدل في المكافأة للرجل والمرأة .

حسام : ازاي يعني ؟

مايكل : الستات ليس لهم رجال حسان حور عين للمتعة الجسدية .

حسام: لهم أزواجهم تكون قوة الرجل كقوة عشر رجال.

مايكل: كلام كويس بس البنات اللي لم تتجوز مصيرهم ايه.

حسام سكت مرة أخرى وليس لديه رد .

مايكل: الأهم من ده كله الجنة بتاعة الإسلام لا تشدني .

حسام : ليه يعني ؟

مايكل : أنا شخصياً لي زوجتي ست جميلة ولكن ليس كل متعتي في الجنس ، متعتي في حبها والوجود معها نخرج معاً نفكر ونحلم معاً ، الواحد بيمارس الجنس مع مراته ساعة زمن أو أقل ولكن يعمل ايه في 23ساعة الباقية من اليوم أنا أتعامل مع إنسانة مش أنثى ، فمتعتي مش في الجنس ، ومش بحب شرب اللبن بيتعب معدتي من صغري وكده كده مش بشرب خمر بتاتاً هنا أشربه هناك ومش بحب لبس الدهب أنا لابس الدبلة بالعافية ولا بألبس خواتم ولا انسيالات ولا أي حاجة فيها دهب مع أن ربنا مديني من وسع وقليل أكل الفاكهة ودايماً مراتي وقبل كده أمي تتخانق معايا علشان أكل فاكهة يعني من الأخر (الجنة بتاعتكم مش منسباني خالص)

حسام استغرب لما يقوله مايكل فهو لا يفكر فيما يؤمن به كمسلمات وهو يعرف مايكل هو حقيقي اللي بيقوله مش بيكذب .

حسام : شكراً يا عم مايكل على التوضيح لكم دينكم ولي ديني.

مايكل: اللي مزعلني اللي بيفجروا نفسهم ويفجروا في الكنايس ويقتلوا الناس الأبرياء مع أنه في مقولة أو آية عندكم من قتل نفس واحدة فقد قتل الناس جميعاً ومن أحيا نفس واحدة فقد أحيا الناس جميعا  .  مش فاهم ازاي يعمل كده.

دخل زبون يطلب يشوف موبايل وانشغل حسام معه فاستئذن مايكل ومشي وقال اسيبك تشوف شغلك وللحديث بقية . باي

حسام: عليكم السلام ورحمة الله وبركاته.

مايكل خرج مستغرب وهو بيقوله باي وهو يقول عليكم السلام . ماعلينا !

+++++++++++++++++++++++++++

لقد قرر حسام أنه لا يقوم بعملية تفجير الكنيسة ولكن بماذا سيرد على القادة لماذا لم يعمل وقد استلم فلوس العملية ممكن يبعتوا حد يقتله هو شخصياً فكان في حيرة عظيمة .

ولم يدرك حسام أن مايكل أخذ في الصلاة بحرارة للرب يسوع المسيح لأجل حسام فلبسه وأسألته حيرته وقلقته عليه فقرر الصلاة لأجله .

++++++++++++++++++++++

حلق حسام ذقنه وعمل شعره ولبس بنطلون وتي شيرت وحط المتفجرات في شنطة ظهر ومشي متبختر للكنيسة ليحضر قداس الأحد القداس الأول من الساعة السادسة صباحاً واستغل عدم التشديد على التفتيش في الساعات المبكرة كان التفجير بعد الظهر أنسب بحيث يكون العدد كبير .

جلس في الخلف وكان يقف مع الواقفين ويجلس مع الجالسين وفي جيبه ريموت التفجير فهو يريد أن يتركها ولما يخرج يفجرها .

عرف أغلبية الموجودين جيرانه وزباين له وبعض من عيلة مايكل فمايكل وزوجته عند حماته من كام يوم فقد عرف من أخته لما كانت جاية تشحن الموبايل .

ونظر للناحية المقابلة وجد الستات وأغلبهم كبار في السن وبعض الشابات وأغلبيتهم لابسين أسود فافتكر صح النهاردة الأربعين بتاع عم شنودة اللي ساكن أول الشارع علشان كده في ناس مش عارفهم مش من المنطقة أكيد جايين يعزوا ويمكن هم سمحوا له يدخل علشان كده هو شكله اتغير تماما بعد الحلق والبنطلون والقميص .

وفجأة لمح مامته مع الستات في الصفوف الأخيرة بتطبطب على امرأة شنودة وافتكر أنها قالت له من كام يوم إن أمرأة عم شنودة منهارة ، الراجل مات فجأة وساب لها كومة عيال ولازم تكون جنبها وتواسيها دي عشرة عمر من أيام الدبلوم .

فارتبك ماذا يفعل ومامته هنا لو فجر نفسه النار هتطوله هو وأهله بس هو ده نفس الدافع هو بعت لهم ايميل يوضح أنه مش هايعمل العملية .

هددوه أنه سوف يقتلونه وسوف يقتلون والدته أولاً

والأن يقوم بالعملية ومامته برضه موجودة فالنار وراه وراه هتطوله إن عمل العملية أو إن لم يعملها . وفجأة انفصل عن الناس الموجودة وشعر كأنه لوحده ورأى المسيح مليان نور وحب وحنان ويقول له يا حسام يا حسام أنا المسيح عيسى ابن مريم لماذا تفجرني وتولع في كنيستي النار هاتطولك يابني هنا وهناك .

أتسمر مكانه بعد الرؤيا ولم يفعل شيء وبعد القداس أخذ أمه فقالت له : ياه أنت جيت فيك الخير وهو بيخرج بيها استوقفته قالت له لسه يابني ده أختك الكبيرة هنا دي جات علشان بنت شنودة صاحبتها هي كانت قاعدة قدام جنبها نستناها تخرج .

قال حسام في نفسه كان ممكن النهاردة تبقى المصيبة مصيبة كبيرة على أسرته وعلى أصحابه مش عارف ايه اللي حصل له لما شاف المسيح بقى يحب الناس دي مش حاسس بكراهية ناحيتهم

قالت له امه : شكلك حلو خليك كده .

لم يرد وقرر قرار عجيب.

++++++++++++++++++++++++++++++

لم يعرف أهل الحي لماذا باع حسام محله وباع شقة أمه ونقل لفين ماحدش عارف ونمرته مش بترد ولانمرة حد من أهله واختفى من على وسائل الاتصال الأجتماعي.

قالوا نقل إلى مصر القديمة عند القلعة وناس قالوا نقل إلى مصر الجديدة في شارع النزهة وناس قالت أنه راح هو وأسرته للحج أو عايش مع أهل أبوه في قنا . وناس قالت سافروا برة عند قرايبهم في الإمارات وناس قالت أنه بقى نصراني وشافوا واحد شبهه في كنيسة في المعادي وبقى اسمه جورج وناس قالت ده أتجوز واحدة اسمها ماري . في ناس قالوا وقالوا وقالوا ومحدش عارف الحقيقة التي لايعلمها إلا الله وحده .

++++++++++++++++++++

كان عقاب لوسيفر لشيطان التفجير والتدمير شديد لأنه لم يجند أرواح كافية للضغط على حسام وأن التهديد يجب أن يكون أقوى ولكن حجتهم كانت في صلوات مايكل التي قلبت الموازين وانقذت حسام وجعلته منهم وأنقذت أرواح أبرياء مش عارفين مين اللي جابوا من أمريكا في الوقت ده.

شياطين النت 6) أما تقدرون أن تسهروا معي ساعة واحدة !!

 

6) أما تقدرون أن تسهروا معي ساعة واحدة !!

كانت أول ليلة لمودي في القاهرة منذ أن دخل الجامعة الخاصة في مدينة 6 أكتوبر كلية الصيدلة وقرر أبوه وعمه أن يقيم مع عمه في شقة عمه في المهندسين حيث أن كل بنات عمه اتجوزوا والشقة فاضية ما فيهاش إلا مارتن أبن عمه اللي معاه في نفس الجامعة ولكن كلية علاج طبيعي وهو في الفرقة الثالثة . وكان مودي محبوب جداً لعمه وأهلهم لبشاشته وأخلاقه ويشعروا أنه بركة في البيت .

قال مارتن : النهاردة السهرة في الدور الثاني عند مراد في حتة فيلم منزله من على اليوتيوب فيلم أكشن هيعجبك أخر فيلم أمريكي عملته هوليود فيه أكثر من نجم من نجوم المصارعة .

مودي : أنتم بتسهروا كده على طول ؟

مارتن : هو احنا ورانا ايه احنا لسه أول سبتمبر وناقص على الكلية أسبوعين ممكن نروح خلال الأسبوعين مرة أو أثنين نضبط المصاريف ونعرف المواد والجداول .

مودي : كل يوم سهر ؟ !

مارتن : كل يوم في بيت واحد شكل العمارة دي فيها 48 شقة 12 دور كل دور 4 شقق أنا مصاحب شباب في حوالي حاجة وعشرين شقة .

مودي : فيهم ناس مسيحين ؟

مارتن : دي عمارة المعلم جرجس مش بيسكن إلا النصارى مش شايف صورة مارجرجس الكبيرة التي في مدخل العمارة .

مودي : بس أنا سهري غير سهرك أنا عامة مش بأسهر علشان صحتي ولو سهرت يبقى علشان أصلي.

مارتن : تسهر تصلي ! حلوة دي ده عندكم في سوهاج مش في المهندسين .

مودي : عموماً أنا هأحضر معاكم النهاردة مش هانام بدري.

مارتن : هو ده الكلام هتتبسط قوي .

+++++++++++++++++++

اجتمع حوالي ثمانية شباب في شقة محب في الدور الثاني عنده شاشة كبيرة جداً تحتل تقريباً الحيطة كلها كأنها سينما.

عملت مامة محب فيشار للشباب ودخلت تنام في حجرتها كانت الشقة كبيرة وحجرات النوم منعزلة عن المكان الموجودين فيه ، كان الجو مبهر والقاعدة حلوة والفيلم قصة وأكشن واتسحب كل واحد على شقته حوالي الساعة 4 فجراً.

عندما جلس مودي في حجرته على الفجر كان النوم يداعب أجفانه فهو غير معتاد على السهر هكذا.

استيقظ للإفطار حوالي الساعة الثانية عشر ظهراً.

مارتن : صباح الخير يا مودي.

مودي: صباح النور ، صباح ايه قول مساء الخير ده احنا على الميعاد ده في سوهاج بنستعد للغذاء خصوصاً في قريتنا.

مارتن : ده في القرية أنت في مصر أم الدنيا.

مودي: بس جسمي مكسر ومش فايق كأني مضروب علقة سخنة وكمان نمت من التعب وماصلتشي ولا قريت في الأنجيل .

مارتن : هتتعود

مودي: لا يا عم دي عادة وحشة خالص مش عاوزها. هو النهاردة ها تسهروا تاني ؟

مارتن : لا النهاردة هنريح ومافيش فيلم حلو .

مودي : الحمد لله . يبقى النهاردة صلاة .

مارتن : يامودي ده الشات والفيس والتويتر بيحلى باليل كله بيفتح بعد منتصف الليل ونقعد على الشات للفجر .

مودي : يعني الليل كله في الأجازات من بين أفلام وشات وفيس بوك ؟

مارتن: مش كله ممكن خروجات وكافيهات أو سينمات ونرجع برضه الفجر .

مودي : امال أنتم بتمارسوا قانونكم الروحي امتى من صلوات ومطانيات وقراءة الكتاب المقدس .

سكت مارتن فليس عنده إجابة.

وبدأ العام الدراسي وأصبحت السهرات مرة أو أثنين في الأسبوع أيام الأجازات . وسافر مودي قضى رأس السنة مع أهله ورجع بسرعة لأجل الإمتحانات حتى يوم 25 يناير الذي كان يوافق عيد الشرطة وأجازة رسمي ، انقلبت الأوضاع في مصر وانفتحت السجون وهجوم على الأقسام والبلطجية في الشوارع ونهب المحلات والحرائق .

واجتمع أغلبية رجال البيت وشبابه على مداخل العمارة وفي الشارع حماية من البلطجية خصوصاً أنهم سمعوا أن محلات نهبت والمول المجاور لهم نهب واقفلت الشقق.

 مارتن مفزوع ألحق يا مودي ثلاثة من أصحابنا في المول اللي بيتنهب كلموني على الموبايل هم في أخر دور في المول مستخبين في محل والنهب شغال في أول دورين وهيكملوا ولو شافوهم ممكن يموتوهم ، في ناس كتيرة هربت وناس ماتت .

واجتمع الشباب في شقة من الشقق وهم في خوف عظيم مش عارفين يخرجوا ومش عارفين يبلغوا الشرطة علشان مافيش شرطة ولا أقسام .

قال مودي : نصلي معاً وكانت الساعة الواحدة ليلاً.

وامتلأ البيت بالصلاة واجتمع الشبابل لأول مرة من سنين وصلوا لأجل أوضاع مصر ولأجل الأمان ولأجل أصدقائهم الذين في المول .

وكانوا يصرخون يارب أرحم أرحمنا يارب وانقذنا وبين كل فترة كان أحد يرنم فيشتركوا في الترانيم أو يقرأ جزء كتابي فيتشجعوا وفي حوالي الساعة الثالثة والنصف سمعوا خبط على الباب فارتعبوا وبصوا في العين السحرية وجدوا أصحابهم الثلاثة أمامهم وفرحوا جداً بهم وحضنوهم واشتركوا معهم في الصلاة والشكر لله وحكوا ما حدث لهم .

لما كنا في المول في أخر دور وكنا نقدر نكلمكم قبل أن تنقطع الشبكة تماماً في كل تليفوناتنا ورأينا في تليفزيون في المحل أن البلطجية هجموا على المول اللي احنا فيه وسمعنا ضرب نار وناس بتصرخ وخوفنا وقعدنا نصلي ومش عارفين نعمل ايه وفجأة جه حد شاور لنا وقلنا تعالوا ومشينا وراه وشاور على سلم وقال اطلعوا على السطح وأهربوا فصعدنا وأخذنا ننط من مبنى لمبنى وكلهم تقريباً متقاربين في الارتفاع حتى وصلنا قبل عمارتنا بعمارتين وجدنا شباب على السطح ثبتونا ومعاهم عصيان وسكاكين وقعدوا يقولوا عنا أننا حرامية وبلطجية فحكينا ليهم احنا جيرانكم ومش حرامية فربطونا وقالوا هننده أهاليهم . فضلنا ولا ساعة مربوطين حتى صعد على السطح أحمد اللي معانا في نادي الصيد وقال لهم دول مش حرامية دول أصحابي من النادي ففكونا وحكينا لأحمد اللي حصل وقال لنا مش هاينفع تنزلوا الشارع الدنيا صعبة وفي ضرب نار وبلطجية وحرامية ونطينا على سطح العمارة التي بجوارنا ولكن هي عشر أدوار واحنا 12 دور كان فرق دورين هنطلعهم ازاي .

رجعنا لسطح عمارة أحمد لأننا لمحنا سلم كبير فوق العمارة وقلنا له فساعدونا الشباب وحملوا السلم الكبير وصعدنا على سطح العمارة ونزلنا على السلالم وهم أخذوا السلم ومشيوا .

وجدنا عم جرجس صاحب العمارة ومعاه شوية رجالة في الطرقة في أخر دور وقال لنا أن الشباب هنا فجينا على طول.اكملوا الشباب صلاة وحمد حتى امتلأ قلبهمأ بالسلام والفرح والاطمئنان .

قال مودي : ما أنتم تعرفوا تسهروا تصلوا أهو ، هو ايه أحسن نتجمع نشوف فيلم ولا نصلي ، عمركم ما اختبرتوا حلاوة السهر في الصلاة زي كده ؟

اجمعوا أنهم مقصرين وكانوا يجتمعوا للصلاة ودرس الكتاب في نهاية الأسبوع وأحيانا كانوا بيسمعوا فيلم لطيف . ولكن متعتهم كانت في تجمعهم ملبين طلب المسيح:

" أما تقدرون أن تسهروا معي ساعة واحدة " فكان رد قلوبهم : نعم نقدر.

كان شيطان التسلية متغاظ جداً من مودي ، كان قد أحكم الفخ البرئ على الشباب لإضعاف حياتهم الروحية وبسهولة يسقطون في الخطية فيزداد سيطرته عليهم أكثر فهو يعلم المكتوب :

"واظبوا على الصلاة ساهرين فيها بالشكر"

فهو يريد أن يملك الليل بكل الأشياء المبهرة الممتعة ما عدا الصلاة . فهو يعلم إن هم أدمنوا الصلاة صارت لهم أكثر إمتاعاً وتشويقاً وإثارة وإشباعاً لنفوسهم .