لو حاسس إنك متأخر عن الناس... استنى شوية، وركز معايا:
في معلومة مهمة يمكن تغيّر نظرتك لنفسك بالكامل:
الدماغ البشرية ما بتكتملش نموها غير بعد سن الـ25.
يعني اللي فات كان مجرد إعداد... مجرد تجارب بتشكّلك، مش النهاية!
كل قرار خدته في السابق يمكن كان نتيجة رغبة أو اندفاع، مش وعي ناضج.
وده طبيعي.
إنت لسه بتبدأ تسوق عربية حياتك دلوقتي... ولسه الطريق قدامك طويل ومليان فرص!
متخليش نظرتك تتقارن بحد تاني، لأن:
أينشتاين اتقال عليه فاشل في المدرسة.
ستيف جوبز اطّرد من الشركة اللي هو أسسها!
جي كي رولينج كانت مفلسة قبل ما تكتب "هاري بوتر" وتغيّر عالم الأدب للأبد.
فـ متتخدعش بالمظاهر...
الناجح مش اللي بدأ بدري، الناجح هو اللي كمل.
هو اللي وقع وقام، هو اللي صدّق في نفسه حتى لو الكل شكك فيه.
هو اللي قرر يركز على نفسه... مش على غيره.
حاسس إنك متأخر؟ لا يا بطل، إنت بالظبط في معادك.
أيامك لسه جاية، والفرصة لسه بتخبط على بابك... افتح لها!
وما تضيّعش لحظة في الندم على اللي راح.
ولو سنك كبر شوية وقالولك "القطر فاتك"
ابتسم وقولهم:
"مافيش قطر واحد بس في الحياة... واللي فاتني هلحق اللي بعده،
وإن فاتني كمان... هاتشعبط في آخر عربية وأوصل برضه!"
العبرة مش بإنك تركب بدري، العبرة إنك تكمّل للآخر.
ناس كتير بدأوا حياتهم بعد سن الستين، وبقوا من أصحاب الملايين!
ما توقفش تعلم، ما توقفش تطوير...
لأن الحياة الحقيقية هي اللي فيها سعي،
أما غير كده... فده اسمه موت ببطء وانت لسه على قيد الحياة.
⬅️ من كتابي: "قم، اقفز، امسك النجوم!"
ليست هناك تعليقات:
إرسال تعليق