توضيح
الأناجيل أربعة أما الإنجيل الخامس ذلك
الانجيل الذي يخص كل واحد مننا ، تلك الأيات التي خططنا عليها وقمنا بتلوينها
وكتبناها ، تلك الأيات التي عجبتنا أو تمس احتياجاتنا أو تؤكد صورة الله اللي
جوانا .... ولكن ....!
ليس ها الإنجيل كله
مع واقع الحياة نكتشف إن أنجيلنا ناقص ما
خططنا عليه لا يكفي لمواجهة الواقع ، والله الذي تصورناه في إنجيلنا مختلف في
الواقع ، قد نصدم قد نفشل قد نتعثر ولكن يبقى الإنجيل هو الإنجيل والله هو الله.
مقدمة:-
تتناول الروايات قصص مختلفة لأشخاص مختلفة
وكل واحد من هؤلاء:
له إنجيل خاص به
وسأوضح خطورة ذلك بمواقف وجزء من حياتهم.
فإنتبه !!! فأنت قد تكون واحد من هؤلاء.
(1)إنجيل هاني
(إنجيل بلا أعمال)
"لأنكم بالنعمة مخلصون بالإيمان وذلك ليس منكم بل
عطية الله ليس من أعمال كي لا يفتخر أحد " (اف 8:2) (إنجيل هاني 7:4)
إنجيل هاني ليس فيه الجزء الخاص مخلوقين في المسيح يسوع
لأعمال صالحة قد سبق الله فأعدها لكي نسلك فيها " (لم يخطط عليه) (أف10:2)
فهو مؤمن وهذا يكفي ولكن أين الأعمال التي تظهر إيمانك
يا أستاذ هاني ؟!
تعالى نقلب في إنجيل هاني
هاني لم يضع خط على إيمان بدون أعمال ميت ولم يخطط تحت
اصحاح الأول من تيطس أخر أعداد "بالأعمال ينكرونه" (تيطس 16:1) ، فهو
خطط على رومية 4 عندما قال عن ابراهيم بالإيمان حسب له براً.
1)لقاء كاشف:-
بعد شغل مرهق يأتي هاني إلى البيت من الساعة الخامسة
وتنحصر حياته ما بين التلفزيون والموبيل ولو وراه مشاوير بعد الظهر ينام ساعة زمن
وينزل وأوقات كثيرة يطلع عند أخوه عماد في الدور اللي فوقه ويلعب بلاي ستيشن ،
فزوجته وابنه الذي لم يتعدى سنه الأربع سنوات لم يؤثر عليهما روتينه اليومي.
حتى قايل هاني عم جاد ، كان في اتوبيس وركب عم جاد وهو
رجل كبير في السن في السبعينات من عمره فقام هاني من أجله فجلس عم جاد ووقف هاني
جنبه وكان عم جاد محمل بشنط محملة بأكل مطبوخ رائحته شهية جداً.
وعندما جلس عم جاد وضع الشنط تحت قدميه فسأله هاني من
باب حب الفضول الأكل ده اشتريته منين ؟
رد عليه عم جاد : ده أنا عامله يابني أنا من صغري طباخ
شاطر واشتغلت في فنادق ومطاعم كتير.
رد عليه هاني : ودي زيارة لأولادك ياعم .............
عم جاد : اسمي جاد وحرتك ؟
هاني: اسمي هاني جرجس
جاد : لا يا أستاذ هاني ده رايح أوديه لدار مسنين بيحبوا
أكلي جداً ،أنا باقدمه ليهم خدمة.
هاني: مع احترامي لحضرتك حضرتك محتاج حد يخدمك.
ضحك عم جاد : عندك حق بس يابني أنا عندي موهبة ووزنة
أخذتها يجب أن افيد بها الأخرين وأعمل أعمال بر وإلا هاقول ايه عند مجيئه وساعتها
أخجل منه.
هاني: ما أنا بار بالإيمان ولا أعمل أي أعمال زي دي
جاد: أرني إيمانك بأعمالك
هاني : بالإيمان ابراهيم تبرر
جاد: يابني كلامك صح ولكن عندما نقابل الرب سيسألنا
:انكم لم تفعلوا بي شيء
هاني : ازاي ؟
جاد : الرب قال : كنت عطشان ولم تسقوني ، كنت جوعان ولم
تأكلوني وكنت مريضاً ولم تزوروني وكنت محبوسا ولم تأتوا إلي وكنت غريباً ولم تآوني
. هكذا كل أعمال الرحمة عملت منها ايه يا أستاذ هاني؟
فكر هاني فهو لم يعمل أي حاجة فالأيات التي تعبر عن هذا
لم تكن تستهويه.
هاني: أليس إيماني كفاية ؟
جاد: ما أدراك قد يكون إيمانك ميت فالإيمان بدون أعمال
ميت وقد يكون قلبك خالي من الحب للأخرين أليس مكتوب الإيمان العامل بالمحبة إن كنت
تحب الأخرين فكيف لا تعمل من أجلهم إن كنت تحب الرب فكيف لا تعمل من أجله؟
هاني: يعني كده أنا مش داخل الملكوت؟
جاد: لا أنا أقصد أن دخول الملكوت يكون على أساس عمل المسيح وليس على
أساس أعمالك ولكن لما تطلع هتقوله عملت ايه بعد إيمانك؟
هاني: حضرتك نازل فين؟
جاد : نازل المحطة اللي بعد اللي جاية
هاني: أنا كمان نازل نفس المحطة تحب أشيل معاك وأوصلك؟
جاد : كتر خيرك مش عايز اتعبك
ولما أتت المحطة نزل عم جاد ونزل معاه هاني حاملاً معه
المأكولات
وقال له عم جاد
:ما تيجي معايا
فكر هاني وقال له أجي معاك النهاردة أجازة وكنت رايح عند
واحد صاحبي نلعب بلاي ستيشن وعنده شاشة كبيرة وحلوة قوي.
اتبسط هاني من الزيارة وفرح المسنين بعم جاد وبأكله
الشهي ودعوتهم له. وأخر الزيارة قال
عم جاد: فاكر الرسائل للكنائس السبعة في سفر الرؤيا
هاني: آه فاكرها
عم جاد: لما تروح اقرأها كويس شوف المسيح كان عارف ايه
وكان بيعاتب على ايه.
تركه هاني ولم يذهب لصديقه رجع المنزل وهو يفكر ومتحير
وقد اكتشف انه محتاج ان يشتري ثياب جديدة لانه عريان هي ثياب البر العملي
لقاء مغير:-
دخل منزله وذهب وحضن ابنه الصغير وقبل زوجته
زوجته : لحقت تروح لصاحبك وتيجي بسرعة
هاني : انا مارحتش
زوجته : خير في حاجة
هاني: لا مافيش عايز اقعد مع نفسي شوية واقرأ الانجيل هو
الانجيل فين ؟
زوجته : على الكومدينو جنب السرير
جلس هاني لوحده وفتح سفر الرؤيا .ولأول مرة اكتشف سبع
مرات الرب يقول أنا عارف أعمالك ولا مرة قال أنا عارف إيمانك وسأل نفسه يارب أنت
عارف أعمالي وسكت وقال : ولكن أنا ليس لي أعمال فإذا قال الرب له أنا عارف أعمالك
فهي لا شيء فلا توجد أعمال ، اتكلت على اني بار في المسيح وكل أيام راحتي أقضيها
فيما لا يليق أو في لعب البلاي استيشن.
مسك هاني كتابه وخطط على كل الايات التي لم يخطط تحتها
من قبل ولفت نظره أن الرب سيجازي كل واحد منا حسب أعماله وكان يظن الأعمال الحسنة
أن لا يكذب لا يحلف لا يشتم ويذهب للكنيسة ولكن الأعمال الايجابية فعل الخير
والتوزيع . نورت عينيه وانفتح قلبه وصلى وطلب المعونة من الرب وأن يغيره .
وتغير فقد كان لقائه مع الرب والكلمة المغيرة
لقاء متجدد:-
تحول كسل هاني إلى نشاط وفي البحث عن الفرص لعمل الخير
من اشتراك في خدمة المرضى وتطوع من دار المسنين يذهب ليساعد الكبار في السن يساعد
الواحد للذهاب للحمام واخر يأكله أو يقوم بإعطائهم حمام فكان فرحه عظيم وكل شيء
كان يعمله كان يتخيل المسيح مكانهم .
وفي ذات يوم دخل دار المسنين وكان سرير في حجرة من
الحجرات التي فيها ثلاثة معاً وجد رجل كبير في السن وكان جديد بالنسبة له ومتعب
جداً فقام بقلبه على السرير واعطاه الأدوية وأكله وقام بإعطائه حمام وعمل له مساج
لظهره لأن ظهره كان يتعبه جداً .
فخرج للمسئول عن الدار يستفسر عن النزيل الجديد من هو
فهو قليل الكلام .
فقال له مسئول الدار لا يوجد نزلاء جدد وأخر واحد جاء من
ستة شهور وأنت عارفهم كلهم
وقال له هاني :
الثالث في الحجرة الفلانية .
رد عليه المسئول
: لا يوجد ثالث والاثنين الاخرين جالسين في الشمس والحجرة فارغة
فقال هاني : تعالى اريك اياه ده مش عارف يمشي اكيد مش
هايتحرك .
ذهب معه مسئول الدار وفتح الغرفة لم يجد احد بالغرفة
فقال هاني :
ازاي ده كان هنا وفجأة اشتم رائحة البخور الجميلة في
الغرفة وسمع صوت بأذنه يقول له انا عارف اعمالك فعلم هاني كل شئ وفهم وتغير
تماماً.
(2) انجيل ايريني
(انجيل بلا نعمة)
"لم تقاوموا بعد حتى الدم مجاهدين ضد الخطية "
(عب4:12) (ايريني7:1)
ايريني الشابة التي تريد خلاص نفسها هذه من أهم الأيات
المقتبسة من انجيلها وهي تضع أمامها باستمرار " تمموا خلاصكم بخوف ورعدة
" (في12:2) وبدأت حربها ضد الخطية منذ سن اعدادي كانت تحاول أن تبطل الغضب
والنرفزة وكانت لا تقدر وفي سن المراهقة كان بداخلها صراع في التغلب على الشهوة
والعواطف والشتيمة والكذب والافتخار بالذات مع الغضب والادانة والنميمة . قررت أن
تخلص من كل هذه الخطايا فهي تريد ان يكون لها نصيب في ملكوت السموات
قائمة الجهاد :-
قرأت ايريني عن راهبة كاثولكية كانت تصعد مدرجات كنيسة
الفاتيكان على ركبتيها حتى يغفر لها الله خطاياها وكانت تتألم وتدمى ركبتيها
وبالنسبة لها ولا حاجة
قررت ايريني أن تبدأ حربها وكتبت قائمة بالخطايا
والممنوعات وسوف تمتنع عن كل خطية واحدة واحدة كل يوم خطية وكتبت القائمة:-
1)التقصير في قراءة الكتاب المقدس والصلاة
2) الشتيمة 3) الكذب 4) النرفزة
5) الادانة والنميمة مع سلوى سأقلل في الكلام معها
6) التفكير في امور رومانسية وشهوانية بتكتر في جلستي مع
مروة قبل وبعد درس الفيزياء سابتعد عن مروة ومغامراتها العاطفية والرومانسية
7) عدم الغفران 8) الانانية والطمع أنا
اولاً
9) علاقتي مع سامح ( يجب ان يكون لها حدود واضحة وان لم
توجد حدود فاقطع العلاقة)
10) عدم الامانة في المذاكرة
___________________
وبدأت الحرب:-
قابلتها ميس ميرنا في حوش الكنيسة
ميرنا : مالك يا ايريني شكلك حزينة ومش فرحانة
ايريني : اصل النهاردة اخر يوم لي في الكنيسة ومع ربنا
ومن بكرة هابدأ اعيش حياتي واعيش زي ما أهل العالم عايشين
ميرنا : ايه الكلام الغريب ده ، ده انت بنت ملتزمة وحلوة
وبتحبي ربنا
ايريني : مش عارفة اعيش له ، كتبت قائمة بأبرز عشر خطايا
وكنت كل يوم ابطل خطية وامتنع عنها ، كنت امسك لساني حتى لا اشتم ، وكنت امسك
اعصابي فلا اتنرفز ، امتنعت على مشاهدة المسلسلات اللي بتضيع وقت ربنا وتثير في
العواطف والمشاعر والشهوة ، صمت الاربع والجمعة بدون طعام نهائي حتى المغرب ومع
الوقت كنت اصوم اربع وخميس وجمعة واقضي ليلة الخميس في الصلاة سهرانة وامتنعت عن
الاغاني العاطفية تماماً
ميرنا : شاطورة انت شاطرة قوي ده انا مش بعمل زيك
ايريني : وياريته جاب نتيجة
ميرنا : ازاي فهميني
ايريني : بعد ما خلصت القائمة واخذت قرارات حاسمة في
حاجات كثيرة وقعت في كل الخطايا اللي فيها في يوم واحد فأنا تعبت وبقى لي شهور
باعمل كده وابدأ من جديد وافشل . وانا مش باعرف امسك العصايا من النص اما ان اعيش
لربنا بالكامل او اعيش لنفسي والعالم علشان كده ما دام فشلت في طريق ربنا هابدأ
اعيش حياتي بلا صلاة وصوم وقداسات وتناول واجتماعات مالهوش لازمة مش بتغير
ميرنا : ابدأي من جديد والرب يعينك بس انت مش ملاحظة
حاجة
ايريني : ايه هي؟
ميرنا: كلامك شكله حلو ولكن بدون المسيح اللي يقويك
ويبطل فيك الحاجات دي ، جهاد بلا نعمة جهاد بلا ثمر فكل الاديان تجاهد لكي يخلصوا
من خطاياهم ولكن خلاص بدون مسيح بدون ذبيحة للخطية وانت بتتبعي نفس الاسلوب
ايريني : يعني ما اجاهد في شئ؟
ميرنا : لا . تجاهدي ولكن باعتدال وتحت ارشاد انت عليك
دور وربنا عليه دور زي الفلاح بيحرث الارض ويبذر البذار ويضع الاسمدة ويحميها من
الآفات ولكن بدون المطر بتاع ربنا وبدون الرب لا شئ لانه هو الذي ينمي. لو ربنا
امطر على ارض بور ومافيهاش بذار مش هيطلع زرع
ايريني : فهمت . بعد اذنك عندي درس وانصرفت وهي تفكر
___________
لقاء في اوبر:-
طلبت اوبر فالدرس في سنتر في مدينة نصر وهي في الزيتون ،
جلست وحددت هي رايحة فين واخذت تفكر في كلام ميس ميرنا وقالت في نفسها : النتيجة النهائية للي عملته
اني حاسة اني وحشة قوي وكلي خطية وماقدرتش اخلص نفسي وزعلانة قوي من نفسي ومابقتش
فرحانة ودايماً مهمومة . خلاص هاكمل وحاشة بوحاشة هي زي ما هي ، هاكلم سامح هاخليه
ييجي لي بعد السنتر وهاقعد مع مروة كلامها وحشني واتسلى مع سلوى ما هي مسيحية برضه
وبتاعة كنائس وزي الفل بس انا اللي محبكاها حبتين . ما انا زبالة وماستحقش اعيش مع
ربنا ولا استحق انه يغفر لي خطاياي وعدته كتير وبارجع واعملها .
وفيما هي تفكر والمحلات تمر من امامها وفجأة لمحت محل
اسمه "الماحي" ووجدت الرب يكلمها في قلبها : "انا انا هو الماحي
ذنوبك لاجل نفسي وخطاياك لا اعود اذكرها " وشعرت انها هي والرب فقط في
العربية وقال لها : يا ايريني انا احبك وانا هامحي كل ذنوبك لاجل نفسي لا لاجل
جهادك وتعبك وكل خطاياك قد غفرتها لاجل دمي المسفوك علشانك.
فبكت ايريني بكاء حب للرب اللي عايزة تسيبه بس هو بيدور
عليها وعايزها وبيحبها رغم وحشتها ورغم خطاياها .
لاحظ السائق دموعها وبكائها وسألها : حضرتك في حاجة
ايريني : لو سمحت ممكن ارجع تاني الزيتون . فرجع السواق
بها وهو مستغرب
_____________________
صعدت الى شقتهم في البرج المجاور لكنيسة العذراء
بالزيتون فوجدت الشقة فاضية افتكرت ان باباها في الشغل واخواتها في الكنيسة
والدروس ومامتها عند خالتها المريضة في عين شمس
دخلت حجرتها وفتحت كتابها وفتحت اصحاحها (عب12) الاصحاح
اللي بتحبه واخذت تقرأ وتبحث عن يسوع ومش بتبحث عن دورها اللي هي عارفاه كويس وجدت
الآيات التي لم تخطط عليها خططت " ولنحاضر بالصبر في الجهاد الموضوع امامنا
" (عدد 1) ولم تخطط على "لنطرح كل ثقل والخطية المحيطة بنا بسهولة"
ولم تخطط على "ناظرين الى رئيس الايمان ومكمله" ولم تفكر في عدد 3"
ففكروا في (اي المسيح) الذي احتمل من الخطاة مقاومة لنفسه لئلا تكلوا وتخوروا في
نفوسكم" - فهمت لانها لم تضع يسوع
امامها فكلت وخارت في نفسها ولم تنظر الى رئيس الايمان ومكمله وعمله لاجلها قبل ما
تنظر الى نفسها وعملها لاجله.
ركعت بجوار سريرها معترفة بخطاياها طالبة النعمة ومساندة
روحه القدوس فهي خاطئة جداً فطلبت بره وقداسته وغفرانه لخطاياها لا لاجل جهادها
ولكن لاجل نفسه لاجل عمله على الصليب لاجل دمه المسفوك لا لاجل عملها بل عمله.
شعرت بفرح عظيم يملأ كيانها وسلام الله الذي يفوق كل عقل
يغمرها وقامت منتصرة بانتصار يسوع ومبتهجة بعمل يسوع
___________________
تغير ملحوظ:-
لاتستطيع ايريني ان تفسر ما حدث لها سوى انها قابلت الرب
يسوع فكانت تسير في الكنيسة بتتنطط من الفرح والضحكة تملأ وجهها قابلت احدى
صديقاتها فقالت لها : النهاردة شكلك حلو ردت عليها : ربنا يخليك . قالت صديقتها :
على فكرة ميس ميرنا بتدور عليك وهي في المكتبة دلوقتي . ذهبت ايريني مسرعة الى
المكتبة فوجدت ميس ميرنا واول ما لاقيتها قالت لها ميرنا خير شكلك حلو وفرحانه ايه
اللي حصل
حكت لها ايريني كل اللي حصل
ميرنا : يعني كده خلصنا جهاد؟
ايريني : لا زودنا الجهاد وبقى اكتر
ميرنا : ازاي
ايريني : الاول جهاد علشان ابطل خطية ولكن الان جهاد
علشان اعرف يسوع اكتر وعشان اكتسب فضائل ، جهاد ايجابي جهاد مفرح
ميرنا : طيب وخطاياك والامور اللي بتحاربي عشانها؟
ايريني : مش عارفة راحت فين بس مش قادرة اشتم ولا قادرة
اكذب قلبي بيوجعني قوي ولا طايقة اي كلام نجس او شهوة ومش عايزة اي علاقات تافهة
حاسة اني شعبانة ومش عايزة حاجة تعكر صفو حياتي او تمنع عني البركة او تسرق مني
فرحتي وسلامي وانطلاقي فبقيت اجاهد اكثر حباً وشوقاً يسوع غيرني بجد.
تعرفي يا ميس ميرنا عارفة ايه كانت مشكلتي
ميرنا : ايه
ايريني : انا انجيلي كان ناقص كنت عايشة بانجيل على
مزاجي واعلاناته عن المسيح ماكنتش واضحة . الكتاب المقدس صار لي كتاب جديد ليس
كتاب اوامر وجهاد بل صار كتاب حب
(3)
انجيل اشرف
(انجيل بلا قداسة)
اشرف اياته التي يخطط عليها في انجيله (محبة ابدية
احببتك من اجل ذلك ادمت لك الرحمة)
ولون باللون الفسفوري الجميل (صرت عزيزاً في عيني وانا
قد احببتك)
الرب رحيم ورؤوف الرب طويل الروح فهو يفرق محبة الله
ويجعل محبة الله ستره للاثم ورحمة الله تتجاوز عن شهواته المكبوتة ونجاسته فهو دون
ان يدري (حولوا نعمة ربنا الى دعارة) فهو لا يخطط على (الشهوات الشبابية اهرب
منها) (اتبعوا القداسة التي بدونها لن يرى احد الله) (الله لم يدعونا الى النجاسة
بل الى القداسة ) ولم يعرف نعمة ربنا يسوع المسيح التي تعلمنا ان ننكر الشهوات
والفجور العالمية ولم تلفت نظره الاية التي تقول (كونوا قديسين لاني انا قدوس)
____________
ادمان العادة السرية :-
قال اشرف لصديقه عماد : عادي انا باعمل العادة السرية كل
يوم وفي ايام اعملها اكثر من مرة ماهو كل الشباب بتعمل كده ، يابني كل شباب
الكنيسة بتعمل كده اسالني انا عارفهم كلهم وانت بتانب نفسك عشان عملت مرة واحدة
عماد: لا مش عادي ، دي نجاسة انا هيكل الرب فلا اجعل
هيكل الرب نجس وجسدي ليس ملك لي بل ملك للرب وانت بتشوف حاجات تثيرك ده في حد ذاته
شهوة وتميم الشهوة زنى بدأ بالفعل وفي القلب . انا مش عارف ازاي انت خادم في مدارس
الاحد!
اشرف : عادي فالرب رحيم ورؤوف فانا كل ما اخطئ اقول
سامحني يارب انا الخاطئ فيسامحني اليس مكتوب "ان اعترفنا بخطايانا فهو امين
وعادل حتى يغفر لنا خطايانا ويطهرنا من كل اثم" فانا اعترف وهو يغفر ،
والصديق يسقط سبع مرات ويقوم ما دام باقوم خلاص واروح اتناول عادي .
عماد : انت بتخدع نفسك انت بتحزن روح الله الذي فيك وفين
حياة التوبة اي الندم على الخطية ولا اعود اليها والرب قال "ان لم تتوبوا
فجميعكم كذلك تهلكون" واين حياة القداسة التي بدونها لن يرى احد الله .
عموما انا مش هاتفرج على الحاجات دي تاني ولا هاعمل تلك
العادة الرديئة دي تاني انا مش عايز ابقى زيك مدمن . وتركه عماد وانصرف
فضيحة :-
لم يشعر اشرف بأبوه استاذ نسيم امين الخدمة في الكنيسة
وهو يستيقظ ليشرب ميه ليلاً ، فوجد نور حجرته منور وهو قاعد على اللاب والباب
مفتوح وكان بيتفرج على فيلم من الافلام التي لا تليق مع انه حريص كل الحرص فلا
يدري كيف لم يشعر به ووقف من خلفه ورأى ما يراه فصعق فاحس به اشرف واسرع يقفل غطاء
الىب توب فقال له استاذ نسيم :
اقفل اللاب توب وتعالى عايز اتكلم معاك شوية . هو ايه
اللي بتشوفه ده يابني ازاي تلوث عينيك وجسمك فانت شخص بار . لوط كان يعذب نفسه
البارة بالافعال الاثيمة التي كانوا يعملوها اهل سدوم وعمورة.
اشرف : انت افتكرت ايه مافيش حاجة ده فيلم عادي بس
المشهد ده خارج شوية
نسيم : وكمان بتكذب انا حزين عليك انك وصلت للمستوى ده
من النجاسة.
اشرف : سامحني وماتزعلش ومش هاعمل كده تاني
نسيم: ماتقولش الكلام ده لي قوله للرب علشان يسامحك وتوب
عن الخطية دي . بس انت موقوف عن الخدمة لمدة شهر ولما تنظف تخدم.
اشرف : يعني ما اجيش الخدمة ؟
نسيم : تيجي بس لا تنطق بكلام الرب وتكلم الاطفال وانت
نجس احنا مش بنمثل يابني ولا معلمين دروس احنا مخلصين نفوس. بص اولا لخلاص نفسك
حتى تستطيع ان تخلص الاخرين.
وتركه الاب وذهب لينام
موقف اب بيعلم:-
بدأ الاستاذ نسيم يتجاهل اشرف في المعاملات اليومية
وانقطعت الاحاديث الحبية واوقات الدلع والاهتمام الشخصي.
لاحظت الام ذلك وقالت له انت مزعل ابوك في ايه يا اشرف
شكله متغير معاك عملت ايه يابني فكان اشرف لا يرد ويتركها ويمشي.
جلس اشرف في الكافتيريا الخاصة بالكلية على منضدة منعزلة
واخذ يشرب في النسكافيه بهدوء واخذ يفكر. دخلوا كل اصحابه المحاضرة وهو لم يدخل هو
عايز يقعد لوحده ويعيد حساباته ويفكر في نفسه : اذا كان ابويا الارضي زعلان مني
كده مع انه سامحني ولكن علاقتي معاه مارجعتش زي الاول يبقى ابويا السماوي بيبص لي
ازاي هو اكيد بيحبني ورحيم ولكن هو قدوس فالملائكة لم تنطق وتقول لما راته محب محب
محب او رحيم رحيم رحيم بل قدوس قدوس قدوس.
فانا اخذت محبة الله واهملت قداسته ومطالبته بحياة
القداسة والتوبة فانا لم ارى الله اهملت حياتي الروحية لو رايته لكنت خفته.
اتفاجأ اشرف بدخول ابوه الكافتيريا يبحث عنه وجاء سحب
كرسي وجلس معه
نسيم: اتفاجأت ليه انت ناسي اني شغال في الكلية موظف من
قبل ما تتولد
اشرف: عارف ولكن اول مرة تيجي الكافتيريا وتيجي تقعد
معايا
نسيم: عايز اقعد معاك بعيد عن البيت عايز اوضح لك حاجة.
اولاً اعزمني على قهوة سكر زيادة
قام اشرف وطلب القهوة وجاء بها الى والده اتفضل يا استاذ
نسيم خلى المعاملة رسمي مش انت عايز كده
نسيم : لا انت اللي اجبرتني على كده في فرق يابني بين
العلاقة والشركة في علاقتنا مع ربنا حبيت اوضحه لك في الكام يوم اللي فاتوا . انت
لما تعمل خطية علاقتك بربنا مش بتتغير بيفضل هو ابوك وانت ابنه فانت مازلت اسمك
اشرف نسيم اسمك على اسمي رغم اي حاجة عملتها ولكن الخطية بتقطع الشركة مع ربنا
بتقطع حضوره الذي يعيد الشركة والتوبة ليست مجرد الاعتراف بالخطية الله يرى القلب
انه غير تائب وغير منكسر امامه وعارف انك عايز تعملها تاني وهاتعملها تاني فيعطيك
القفا لا الوجه وتنقطع التعزيات والافراح السماوية . هكذا كنت عايز اوضح لك اني
سامحتك ولكن مش معنى كده اني موافق على اسلوب حياتك واذا كانت دي مقاييسي فكم
بالحري مقاييس الله خلي بالك انت بتدمر حياتك وبتشوه نفسك وتنجس روحك وتتعب جسدك .
اياك تقول القول الساذج ايه يعني اغلط واعترف وربنا يسامحني . ينفع يابني واحد ابوه
في المطافي وكل يوم يولع في بيتهم ويقول ابويا يطفي النار
ضحك اشرف لا ماينفعش ده غبي قوي .
الاب: احنا بنعمل كده مع ربنا بنولع في انفسنا ونقول
ابونا السماوي يطفيها . فهمت ؟
اشرف: فهمت بس انا عايز اعرف انت ليه ما ضربتنيش؟
الاب: اللي عملته اقوى من الضرب
اشرف ضاحكاً: عندك حق يابابا
الاب: عموماً شكراً على القهوة بس قهوة امك احلى
ضحكا الاثنان سوياً وتعلم اشرف الدرس وهو ماشي سأل الاب
: ارجع الخدمة خلاص ؟
بص له وقال له برضه بعد شهر لما تتوب . المعرفة حاجة
والتنفيذ حاجة لما نروح اقولك تدريبات روحية علشان تقدر تبطل الامور دي فوافق
اشرف.
(4) انجيل انطون
(انجيل بلا ايمان)
انطون ابو قلم اصفر فسفوري دايما بيستعمله في تلوين
الايات "ابي اعظم مني " (يو 28:14) "لماذا تدعوني صالحاً ليس احد
صالح الا واحد وهو الله " (مت17:19) "لا احد يعرف تلك الساعة لا
الملائكة ولا الابن الا الاب " (مر32:13) "المسيح
وهو عمل انجيل خاص به انجيل انطون ولم يخطط ويلون الايات
التي تتكلم عن لاهوت المسيح ويشكك في كون المسيح هو الله واعتقاده ان المسيح مخلوق
واقل من الله هو شخص عظيم ونبي قدير ولكنه ليس الله !
1)من لا يرى الشمس:-
خرج انطون من مركز صيانة السيارات الذي يعمل فيه مهندس
سيارات بسيارته الى طريق الاسماعيلية ذاهبا الى بيته في شبرا عند الدوران وعند اول
الطريق توقف لنشوى زميلته في العمل قائلاً : اركبي يا باشمهندسة نشوى . ركبت نشوى
معه السيارة
انطون : انت لسه ما استلمتيش السيارة؟
نشوى : الموديل اللي انا عاوزاه مافيش منه لون احمر
دلوقتي.
انطون : لازم احمر يعني ؟
نشوى : اه لازم احمر بحبه وكمان انا اهلاوية
ضحك انطون وقال : كمان بتشجعي الكورة وشكلك مستعجلة
ماستنتيش عربية الشغل
نشوى : عايزة اروح اغير هدومي واتغدى عشان الحق الاجتماع
في الكنيسة اللي باخدم فيه.
انطون : بتخدمي كمان اعتقد انك ساكنة في جزيرة بدران؟
نشوى : صح وراء محكمة الزنانيري
انطون : انا ساكن في الدوران
نشوى : وحضرتك بتروح كنيسة ايه ؟
انطون : انا بطلت اروح كنيسة عندي مشكلة مع ربنا
نشوى : مشكلة ايه ده ربنا حنين حد يزعل منه
انطون : مش مشكلة زعل مشكلة عدم ايمان او عدم فهم
نشوى : عدم ايمان بايه ؟
انطون : انا اقرأ الكتاب المقدس وعامة انا بحب القراءة
مشكلتي اني مش مقتنع ان يسوع المسيح هو الله.
نشوى : انت بتتبع شهود يهوة ؟
انطون : ولا شهود يهوة ولا يحزنون هي بس بعض الايات
الكتابية مش لاقي لها تفسير يقنعني
نشوى : قولها لي يمكن اساعدك .
انطون : على فكرة احنا نازلين النفق بتاع احمد بدوي
ودقايق وهنكون وصلنا الطريق كان فاضي
نشوى : يمكن عشان النهاردة ليلة عيد الاضحى
انطون : قصدك ليلة الوقفة
نشوى : عموما عايزة اقولك حاجة لحد ما نتقابل تبقى الشمس
هي الشمس بنورها وقوتها ومن لا يراها لا يمنع وجودها او انها شمس بل يعني شيء واحد
انه اعمى
انطون : ضاحكا شكرا على التشبيه فهمت يا استاذة نشوى
نشوى : ماقصدش دي حقيقة
انطون : كمان بتكمليها انزلي انزلي محطتك جت انا داخل
الترعة كملي بقى لوحدك ولا انزل اعديك الشارع
نشوى : لا شكرا انا كبرت وبعرف اعدي لوحدي باي
2) حالة ميئوس منها :-
دخل انطون بيته وفتحت له والدته فقال لها انطون : مالك
شكلك تعبانة في ايه ؟
الام : مش عارفة اتنفس باتنفس بصعوبة وابوك لسه ماجاش
واختك في الكنيسة
انطون : البسي بسرعة نروح اي مستشفى قبل ما يدخل العيد
ونلاقي مستشفيات ودكاترة بصعوبة.
اتصل انطون بوالده الاستاذ لمعي وذهبوا كلهم على اقرب
مستشفى . دخلوا الطوارئ وطلبوا تحاليل واشعة فورا وحطوها على ماسك اوكسجين وبعد
ساعتين جاءت التحاليل وقال الدكتور ان دلالات الاورام عالية ونريد ان نعمل اشعة
رنين مغناطيسي على الرئة ، انصحكم تحولوها على معهد ناصر في هناك رنين مغناطيسي .
اخذوها بالاسعاف الى معهد ناصر
اتصل انطون بنشوى وردت عليه :
نشوى : انت لسه ما وصلتش ولا ايه ؟
انطون : مامتي تعبانة واحنا في الاسعاف رايحين معهد ناصر
مش حضرتك مامتك دكتورة وبتشتغل هناك؟
نشوى : ايوه وعندها نوبتجية النهاردة هاتصل بها حالا بس
قولي اسم والدتك بالكامل .
قال لها اسم والدته بالكامل وعندما وصلوا وجد والدتها
تنتظرهم وكانت شبه ابنتها جدا كأنها نشوى على كبير . استقبلتهم بحرارة وقالت :
حظكم حلو قبل الاعياد في ناس كتير بتسيب سرايرها والمستشفى عشان تعيد مع اهلها .
فرغ مكان في المستشفى وضعتها الدكتورة على جهاز ماسك
اوكسجين وقالت لهم : بكرة وهي صايمة نعمل لها رنين مغناطيسي ممكن تروحوا دلوقت .
قالت اخت انطون التي سبقتهم على المستشفى : انا سوف ابيت
معها
_________________
نشوى لمامتها : اتاخرتي النهاردة
الام : ماردتش امشي لحد ما اطمئن على والدة انطون
نشوى : اخبارها ايه ؟
الام : ورم كبير جدا في الرئة اليمنى وعملوا منظار رئوي
واخذوا عينة طلع ورم خبيث الست دي مش هاتعيش دي حالة ميئوس منها
نشوى : قلت لهم الكلام ده ؟
الام : اكيد لازم يعرفوا دول كمان روحوا البيت
نشوى : ازاي روحوا مش دي تعبانة ؟
الام : يا بنتي دي بتموت دي حالة ميئوس منها الورم متشعب
جداً . انا مش عارفة مستحملة الالم ده ازاي او ازاي لم تشتكي ! ربنا يشفيها
نشوى : ممكن ازورها ؟
الام : طبعا يا بنتي
اتصلت نشوى وذهبت هي واخوها اخر النهار الى منزل انطون
انطون : شكرا جدا تعبنا مامتك معانا
نشوى : لا ابدا ممكن اشوفها ؟ هي بتتكلم ؟
دخلت وقابلتها
مامة انطون : انا عارفة ان عندي المرض الوحش ولكني لن
اموت بل احيا واخبر بعجائب الرب يسوع هو هو امس واليوم والى الابد هو هايشفيني
عشان يصدق انطون ان يسوع حي وانه الله الذي يقيم من الاموات مش مجرد شخص عادي .
انا باصلي له حتى يفتح الرب يسوع عينه فيعرفه ويتقابل معه.
خرجت نشوى واتعزت جدا من ايمان والدة انطون
قال انطون : ماما لسه عايشة في الخرافات بالمنطق والعقل
1+1=2
ورم خبيث متشعب في الرئة = موت اكيد
نشوى : لكن ممكن نكتب المعادلة كده ورم خبيث متشعب في الرئة
+ يسوع الحي =حياة وشفاء اكيد
انطون : دي عايزة رئة جديدة الرئة الدكتور بيقول بقيت
عاملة زي الليفة تقريبا دي ساعات وتتكل
نشوى : خلاص دي شغلة يسوع هو الله وهو يخلق رئة جديدة .
تعالى نصلي عشانها جمع كل اللي في البيت ونصلي
انطون : صلوا انتم انا مش مصدق في الكلام ده وكل الحركات
دي مالهاش لزمة
اجتمعت الاسرة معا وصلوا بحرارة لاجلها ليشفيها الرب
يسوع واستغربوا من موقف انطون اللي وقف بعيد ولم يشارك وكان يتفرج عليهم.
خرجت نشوى واخوها وخرج انطون معهم ليوصلهم وعندما وصلهم
قال لنشوى :
عارفة انا رايح فين دلوقت
نشوى : رايح فين ؟
انطون : رايح احجز صندوق وكفن يا بتاعة الايمان وتركها
ومشى
3) تحدي الايمان :-
قام انطون ليلا ليشرب ودخل حجرة والدته يطمئن عليها
وجدها مستيقظة وتصلي بالدموع ولما دخل سمع صلاتها (يارب يسوع المسيح ملكي والهي
انا مش فارق معايا اموت ولا اعيش لاني ان مت هاكون معاك وان عشت هاكون معاك ولكن
لاجل اسمك القدوس اشفيني حتى يؤمن انطون ابني انك حي وخلص نفسه واملأ قلبه
بالايمان)
سمع انطون الصلاة وتاثر جدا من ايمان امه وفجأة اشرق نور
في الحجرة ورأه كان يسوع بمجد ظهر للحظة ثم اختفى . وقامت مامته فرحة وقالت يسوع ،
فدخل انطون الحجرة فقالت له :
يسوع كان هنا انا شفته
انطون : انا شفت نور بس ما كملش لحظة
الام : لحظة مش معقول ده اتكلم معايا وقال لي هاشفيك
وهاباركك لاجل صلاتك ولاجل انطون ابنك وحكى لي عن حاجات كتير ده قعد ما يقرب من
ربع ساعة
تعجب انطون مما قالت له مامته وتوقف وقال : بس انت يا
ماما بتتكلمي كويس ونفسك حلو وكأنك طبيعية جدا
الام : يابني يسوع حي وشفاني
___________________
بعد هذا اليوم عملوا تحاليل وعملوا رنين وجدوا الورم
اختفى تماما والرئة كانت رئة جديدة
وفي البرجولة الموجودة في كنيسة الملاك بطوسون قالت نشوى
لانطون :
مين يعمل كده غير ربنا ياعم انطون؟
انطون : قلبي يؤمن ان يسوع هو الله ولكن عقلي متحير من
الايات
نشوى : هات كتابك وتعالى نناقش الايات دي بسرعة
انطون : ماشي ياست نشوى
نشوى : انسة ياباشمهندس
انطون : (ابي اعظم مني ) يو28:14
نشوى : انت بتقرأ الكتاب على مزاجك اقرأ الاية كاملة يا
استاذ انطون "لوكنتم تحبونني لكنتم تفرحون لاني قلت امضي الى الاب لان ابي
اعظم مني"
انطون : يعني ايه يافلحوصة ؟
نشوى : ده المسيح بيتكلم باعتباره انسان حسب الناسوت
وليس باعتباره الله فمن الذي يمضي الى الاب هل اللاهوت ترك الابن ويحتاج يمضي الى
الاب ! كلا لاهوته لم يفارق الاب قط لان اللاهوت غير محدود فهو هنا يتكلم كانسان .
والاية التانية ياعم انطون ؟
انطون : مت17:19لماذا تدعوني صالحا ليس احد صالح الا
واحد هو الله
نشوى : فيها ايه دي ده تاكيد على انه هو الله ، ازاي ؟
هو لم يقل للرجل لاتدعني صالحا بل لماذا تدعوني صالحا وهناك فرق بين القولين ان
هذا الشاب سال الرب عن الصلاح المطلوب منه عمله فرد عليه الرب بما معناه لماذا
تدعوني صالحاً؟ هل تظن ان الصلاح موجود في اي واحد من البشر ! هذا الرجل لم يعرف
انه لايوجد انسان صالح وهذا هو سبب قول المسيح "لماذا تدعوني صالحاً "
فالمسيح لم ينكر اللاهوت عن نفسه بل انكر الصلاح في البشر فهو صالح فقد قال عن
نفسه "انا هو الراعي الصالح" يو 11:10 – فايمانه ان يسوع هو انسان صالح
لا يكفي فالمسيح كان يريد ان يؤمن هذا الشخص انه هو الله الصالح
انطون : يعني افهم من الكلام الكبير ده اللي انت قولتيه
ان المسيح لم يقبل قوله انه معلم صالح بل اعظم فهو الله الصالح
نشوى : تقريباً صح
انطون : طيب الاية الصعبة اللي بتقول "واما تلك
اليوم ولا تلك الساعة فلا يعلم بهما احد ولا الملائكة الذين في السماء ولا الابن
الا الاب " (مرقس 32:13)- ازاي الابن لا يعلم يوم القيامة
نشوى : يا انطون الاية دي لم تذكر الا في انجيل واحد هو
انجيل مرقس وفي انجيل متى لم يذكر عبارة ولا الابن (مت36:24) لان انجيل مرقس يتكلم
عن المسيح كعبد والعبد لا يعلم ما يعمل سيده (يو15:15) فا المسيح اخذ صورة عبد
صائراً في شبه الناس لذلك لا يعلم بوضح فكرة الناسوت ليس فقط كانسان بل كعبد
انطون : (كو15:1) ما معنى اية بكر كل خليقة اليس معناها
انه اول المخلوقين
نشوى : ليس معنى بكراً هنا الاولوية زمناً بل الاولوية
مقاماً فالاسباط الاثنى عشر كان البكر راوبين ولكن يوسف اخذ البكورية فلما قال عنه
داود في (مز27:89) قال انه جعله بكراً (وشرح معناها) اعلى من ملوك الارض .
نشوى : يا انطون الايات اللي قبلها وبعدها بتقول انه
خالق كل الاشياء وخالق الكل والكل له وبه قد خلق ازاي هو يكون الخالق والمخلوق في
نفس الوقت
انطون : عندك حق . طيب والاية اللي في رؤيا14:3 بداءة
خليقة الله
نشوى : معناها هو المنشأ والبادئ لخليقة الله
انطون : عموماً تشكري وضحتي لي حاجات كثير ولكن اللي
بهرني تمسكك وايمانك بقضيتك ومعرفتك انت مختلفة ومتميزة
نشوى : ممكن ترجع تقرأ انجيل يوحنا وتطلع كل شئ يعبر عن
ان المسيح هو الله او ما يشير للاهوت المسيح تلك الايات الثمينة الغنية . وانا
محضرة لك هدية واخرجت طقم اقلام فسفورية وكتاب مقدس جديد عشان تبدأ من جديد وتخطط
على الايات اللي كنت مش بتدور عليها ومش عجباك
انطون : وانا كمان محضر لك هدية واخرج من جيب الجاكت
خاتم وقال لها تقبلي تتجوزيني
فلم تتوقع واندهشت وفجأة وجدت حولها مامتها وباباها
ومامة انطون وباباه وكل اخواتها واخواته فضحكت وقالت اقبل وسمعت زغرودة حلوة من
مامة انطون .
مين كان يصدق انها كانت بتموت !!!!
(5) انجيل موريس
(انجيل بلا
ارسالية)
انجيل موريس انجيل لا يوجد به آيات عن الكرازة
والارسالية ، يؤمن بالآية "غير تاركين اجتماعنا كما لقوم عادة بل واعظين
بعضكم بعضاً " "اخدموا بعضكم بعضاً " "ها انا معكم كل الأيام
والى انقضاء الدهر" "انتم ملح الأرض انتم نور العالم " "فيروا
الناس اعمالكم الحسنة فيمجدوا اباكم الذي في السموات "
قال : نحن نكرز بحياتنا وشهادتنا عن المسيح بسلوكنا مثل
الملح والنور نكون لهم والرب يختار الذين
هم له المعينين للحياة الأبدية فلا داعي للتبشير ولا نترك اجتماعاتنا ونخرج للكورة
البعيدة لاجل الضال والمسكين هذا عمل المسيح . نشهد للمسيح بسلوكنا اليومي ونصير
انجيل معاش فنحن رسالة الله المقروءة لجميع الناس.
1)دعوة للكرازة :-
قال امير قائد اجتماع الشباب يا اخ موريس بصفتك المسئول
عن الاجتماعات الفرعية في الكنيسة قدام المجلس ، احنا عايزين نعمل حملة كرازية في
احدى القرى في اطراف الجيزة وبعد كده نعمل نهضة كرازية.
موريس : بس ده مكلف ومحتاج ميزانية وميزانية الكنيسة لا
تسمح
امير : لا تقلق احنا جمعنا تبرعات ومعانا فلوس كفاية
موريس : بس انت مش شايف الشباب محتاج يتبني الأول ويتعد
كويس ويتدرب على الكرازة والعمل الفردي قبل ما ينزل الخدمة دي
امير : احنا عاملين كورس كرازي الأول وتدريبات على
الزيارات والعمل الفردي اكيد مش هننزل كده.
موريس: انت مش خايف عليهم من الجماعات الإسلامية
والمتطرفين لما يشوفوهم بيلفوا في الشوارع يؤذوهم .
امير : واحنا مالنا بهم احنا بنزور المسيحيين وعندنا
حكمة لا نمشي في تجمعات والرب هو الحافظ وهو اللي بيتقدمنا
موريس : اكيد الحمالات دي أولاد وبنات مع بعض ، اكيد في
بيوت ممكن يكون فيها بنات او ستات نعرف نتواصل معاهم من خلال بناتنا . مش خايف
عليهم من الاختلاط؟
امير : هو في ايه حضرتك حطيت قدامنا العراقيل والمخاوف
هو حضرتك عايز ايه بالضبط ؟
موريس: انكم توفروا مجهودكم وفلوسكم وطاقتكم في بنيان
الكنيسة ، كنيستكم أولى زوروا الناس اللي مش بتيجي ولا انتم زي القرع بتقبوا لبره؟
امير : هو ده رأيك ؟
موريس : اه فكر فيه كويس
امير : بعد اذن حضرتك.
2) دعوة لجنازة :-
"انتقل للامجاد السماوية حضرة الأخ الفاضل موريس
غطاس يني والصلاة على روحه الطاهرة الساعة 12 ظهراً بالكنيسة . والعزاء في قاعة
المناسبات بالكنيسة الساعة 7 مساءاً
___________
امير : انا مش مصدق ده انا كنت لسه مكلمه امبارح وكان في
تمام الصحة
مامته : كان رجل محترم وتقي وكان شايل الكنيسة على
اكتافه
امير : بس هو لسه صغير
مامته : كان هيطلع معاش في شهر سبتمبر اللي جاي يعني
ماكملش الستين
امير : ربنا يرحمه بعد اذنك رايح البيت عند عم موريس
أكون جنب منسى ابنه فهو صاحبي وهاقابلك في الكنيسة الساعة 12
_____________
أتت سيارة تكريم الموتى وتجمع شباب الكنيسة وأهله
وزمايله في العمل وتنافسوا في حمل الصندوق الى داخل الكنيسة في جو من الحزن
والدموع واصرت العائلة على لبس ثياب بيضاء سواء زوجته او أولاده منسى وبنتيه
المتجوزتين .
وقف امير بجوار منسى وأصدقائه بجواره بعد الصلاة قال
القس كلمة عن فضائل أستاذ موريس وخدمته في الكنيسة التي تجاوزت الأربعين عاماً في
مختلف نشاطات الكنيسة . ثم قاموا بحمل جثمانه للسيارة وفيما هم سائرون في حوش
الكنيسة تحرك الصندوق وسمعوا خبط وشخص ينادي ويصرخ : افتحوا الصندوق انا حي"
ارتعبوا الرجال الحاملين الصندوق ووضعوا الصندوق على الأرض في خوف وترقب وظل
الصندوق يتحرك فاتى رجل شجاع فك مسامير الصندوق وفتحه واذا موريس يقوم بنصفه
العلوي ويقول انا حي انا حي
انطلقت زغرودة من احدى السيدات ثم فاق الاخرين من
المفاجاة وتجمعوا حول الصندوق مش مصدقين فلم يحدث هذا من قبل .
تحولت الجنازة لفرح وذهب الحزن وعلت الضحكات والبسمة على
الشفاه وامتلات العيون نور وأيضا دموع ولكنها دموع الفرح ليس الحزن ولكنها مصحوبة
بحيرة وعدم فهم .
اخذوه في احدى السيارات الى المنزل ليلبس وبدل من ذهابه
الى مدينة العاشر لدفنه في مدافن العائلة اجتمعوا الناس في منزله من محبيه
واقربائه وملاوا شقته الواسعة وجاءوا ليهنئوه على قيامته وخرج هو بكامل ملابسه
وبعد ان اكل لانه كان جائع جداً ثم اجتمع بالموجودين وقال :
لقد مت ولما خرجت روحي رأيت ملائكة وذهبت معهم لفوق
بسرعة رهيبة نحو السحاب وفجأة وجدت نفسي في مكان جميل واسع جداً ومنير واسمع صوت
موسيقى جميلة مش عارف جاية منين ووجدت من بعيد رب المجد جالس على كرسيه ونوره كنور
الشمس ومع ذلك عارف اشوفه وكان مليان حب وحنان وجمال لامثيل له فذاب قلبي في من
محبته وسمعته يقول لملاك كان بجواري ان يريني مكاني ولاحظت اني كنت لابس ثياب
بيضاء ووجدت أماكن كثيرة حولها ورود جميلة تتمايل كأنها تتراقص ليس لها مثيل في
جمالها ومناظر طبيعية في غاية الروعة والجمال والمنازل الموجودة شبه حية في غاية
الجمال وعظيمة ومنيرة وكان مكاني جميل ولكن في أماكن تانية اعظم وسألت الملاك
لماذا مكاني اقل من كثيرين ؟ فقال لي :
هذه أماكن الذين رجعوا كثيرين الى البر والرب وعدهم انهم
يكونوا كالكواكب لهم أبناء كثيرين في الايمان واهتموا بارسالية المسيح وبخلاص نفوس
بعيدة لكنك اهتميت بنشاطات الكنيسة واضعت فرص عظيمة للكرازة للمحتاجين وكنت تعتقد
ان المعينيين كده كده ربنا هيجيبهم وكنت ناسي انه كيف يؤمنون بلا كارز.
وفجأة وجدت نفسي امام رب المجد وقال لي : حبيبي ياموريس
انا عارف قلبك وايمانك ومحبتك لي وعارف انك ندمان على انك اضعت فرص تحضر فيها نفوس
للرب ولم تفعل وساعطيك فرصة تانية لكي تكمل خدمتك وتعمل في حقلي ليس بسبب قلبك فقط
بل بسبب الصلوات المرفوعة من اسرتك لاجلك خصوصاً زوجتك التي طالبت بجرأة ان اقيمك
من الأموات فاستجبت لها وسوف تاتي الي بعد ان تشبع من ايامك وتتمم خدمتك .
وفجأة وجدت نفسي انسحب من محضره ووجدت نفسي في الصندوق
قعدت ارفس واخبط واصيح لحد ما اخرجتموني
3) دعوة للتبرع ببناء كنيسة :-
امير : حضرتك بتعمل معانا في الكرازة من نار مش ملاحقين
عليك وتوزع احتياجات القديسين بهمة ونشاط
موريس : القرية مافيهاش كنيسة والناس عشان يروحوا اقرب
كنيسة بيركبوا مواصلات اكتر من ساعة وعدد المسيحيين كتير هنا
امير : ما يقرب من عشرين الف اسرة ومافيش كنيسة واحدة
موريس: عايزين نشتري ارض ونعملها كنيسة
امير : لكن يا أستاذ موريس ميزانية الكنيسة لا تسمح
موريس : انا دايماً كنت باقول كده صح ؟ كنت اضع خط
والوان على كل الايات الخاصة بالخدمة ولكن لا تستهويني الايات الخاصة بالكرازة
واكرز بالكلمة واعمل عمل المبشر واكرزوا بالانجيل للخليقة كلها وكيف يؤمنون بلا
كارز . كان انجيل ناقص كأن الايات دي مش موجودة في كتابي
امير : فرق معاك اللي حصلك ؟
موريس : جداً اخذت فرصة ومش هاضيعها
امير :من ساعة ما خرجت ع المعاش بقيت فاضي وعارف تخدم
وتكرز
موريس: الحمد لله معايا اللي يكفيني والسوبر ماركت شغال
ولو احتاجوا حاجة منسى بيسددها . المهم لمحت حتة ارض سالت عليها لقيتها ملك ورثة
المرحوم فلتس وهو له بنت وولد عايشين في أمريكا نبعت لهم ونقدر تمنها ونبعت لهم
الفلوس ونشتريها نعملها كنيسة
امير : بس دي مساحة كبيرة تلاقي تمنها غالي
موريس : بايمان : مش غالي على ربنا
بعد ذلك باسبوع :-
سمسار المنطقة : انا بعت لاولاد فلتس في أمريكا وسعر
الأرض مليون ومائتين الف جنيه وقلت لهم في مشتري عايز يشتريها وماتنساش حلاوتي
موريس : حلاوة ايه خمسين الف حلاوة هو اخرك عشرة الاف
جنيه عجبك مش عجبك خليها عندكم
السمسار : ماشي ياعم موريس بس حضرتك سايب الزمالك وجاي
تشتري ارض في قرية غلبانة ليه ؟
موريس: اقولك وماتقولش لحد انت مسيحي وهاتقدر عايز اعمل
كنيسة للمنطقة
السمسار فرحان : يا هده كان نفسي من زمان باتعب قوي عشان
اروح الكنيسة انا وبناتي الأربعة . طيب قول كده يارجل ياطيب ده انا كنت مخصص 50الف
جنيه اتبرع بيهم لبناء كنيسة في المنطقة هاديهم لك والعشر الاف السمسرة مش عايزهم
هو انا أطول اخذ بركة
موريس: بارك الله فيك كده بالتبرع بتاعك جمعت مائتين الف
وباقي المليون
السمسار : خذ تليفونهم في أمريكا كلمهم واتفاوض معاهم في
السعر
__________
موريس وامير في الكنيسة
موريس : انا مش مصدق يا امير في المعجزات اللي بتحصل
أولاد فلتس لما عرفوا اننا هانبني كنيسة أعطوا لي الأرض من غير ولا مليم وقالوا لي
دي كانت امنية ابونا من زمان وكمان الاكتر انهم بعتوا مايزيد عن 300الف تبرع لبناء
الكنيسة وكل اللي طلبوه عايزين يافطة بالرخام باسم باباهم ذكرى له انه ساهم بالأرض
والمال في بناء الكنيسة وتتعلق في الكنيسة . كده معايا ما يقرب من نصف مليون جنيه
.
المعجزة التانية : الامن وافق على بناء الكنيسة بناء على
تعليمات الرئيس والكنيسة وافقت على البناء وستدعمنا بالمال والقسس وسابدأ من بكرة
.
تم بناء الكنيسة في سنة وفي افتتاحها حضر جموع غفيرة وفي
اخر الكنيسة بقرب الباب كان موريس يبكي فرحاً وكان يفكر في شيء واحد : فين ها يبني
كنيسة تانية ؟
(6) انجيل دكتور ثروت عطية
(انجيل بلا معجزات)
انجيل دكتور ثروت دكتور اللاهوت
قال : الايات والمعجزات كانت لتثبت رسالة الانجيل وعندما
انتشر الانجيل فلا داعي للمعجزات
في (اع22:2) يسوع الناصري رجل قد تبرهن لكم من قبل الله
بقوات وعجائب وآيات صنعها الله بيده في وسطكم.
(عب4:2) شاهدا الله معهم بآيات وعجائب وقوات متنوعة
فلسنا في حاجة لمعجزات قد حيث ان رسالة المسيح والرسل تم
اثبات مصدقيتها.
واستخرج العديد من الآيات ليبرهن لطلبة كلية اللاهوت ما
يقوله وانجيله مليان تخطيط وتلوين ومع ذلك الكثير من الآيات لم يخطط عليها
"هذه الآيات تتبع المؤمنين يضعون أيديهم على المرضى فيبرأون " وقال :
هذه الآيات أتت بعد ارسالية المسيح للرسل وكانت للمؤمنين الذين يبشرون بالكلمة فلا
داعي منها الآن !! وفوق هذا العلم الأن تقدم من الناحية الطبية وصار يعمل معجزات
والله يحترم العلم والعقول التي خلقها فلماذا يتدخل الله بالشفاء مادام الحل في
قرص او مضاد حيوي او عملية جراحية وهكذا
جدال لاهوتي من طالب لاهوت :-
بعدما شرح الدكتور ثروت محاضرته عن المعجزات في العهدين
والمعجزات بين الماضي والحاضر وهل توجد معجزات اليوم
سأله مارك : حضرتك كلامك جميل ومنطقي بس احنا بنحد الله
في عمله فعندما اؤمن بهذا الكلام وعندما احتاج معجزة او شفاء فلا اخذ شيء لاني غير
مؤمن بذلك وانا الخسران ، حقيقي الرب ثبت الرسالة للرسل بالايات والعجائب ولكن عدد
البشر الذين لم تصل لهم الرسالة اليوم اضعاف اضعاف أيام المسيح لوكانوا ملايين
اصبحنا الان مليارات ومازالت أمم لاتعرف الكلمة ومحتاجين عمل الله المعجزي ليؤكد
رسالة المسيح ، فتفسيراتك اللاهوتية لاتنقذ الناس من اوجاعها وآلامها ولاتشعر
بحنان ومحبة الله لها . شكراً على سعة صدرك واستماعك لي.
الدكتور ثروت : يابني الله لديه وسائل أخرى لتوصيل
الرسالة لا يحد بطريقة والمجتمع أيام المسيح مجتمع متدين وروحي فمرض الصرع كانوا
يظنوا انه أرواح شريرة بداخل المريض والمسيح طاوعهم من اجل جهالتهم ولكن المجتمع
الان يؤمن بالعلم ولايؤمن بالخرافات ويجب ان نوصل له الرسالة بالعلم والكلام الذي
يقنعه مش شوية خرافات
مارك : لكن الرسول بولس قال كلامي وكرازتي ليس بكلام
الحكمة البشرية المقنع بل ببرهان الروح والقوة ، مع انه كان من الممكن ان يجادلهم
بكلام مقنع لانه يعلم ان هذا لايجدي بل الذي يثمر هو برهان الروح عمل الروح القدس
وبرهانه بالآيات والمعجزات وإظهار قوة الله
ثروت : نصيحتي لك عندما تخدم لا تغيب العقل ، حكم العقل
لان روحنة الأمور ليست بروحانية فالعلم يصنع معجزات فلا نحتاج لبراهين الروح الان
. اتفضل ارتاح.
ترك المحاضرة وهو لم يجاوب اكثر مما دافع عن معتقداته
2) الاعتقادات في مواجهة واقع الحياة :-
كان وفاة عم عطية أبو الدكتور ثروت صدمة لكل العائلة فهو
لم يشتكي من أي مرض ، حقيقي عمره تجاوز الثمانين . وبعد الوفاة باسبوع جاءت اخته
تطالبه بحقها في الميراث فقال لها :
انت تعلمي ابي لم يترك شيء فليس لديه ممتلكات
فقالت : لا اقصد الفلوس التي في البنك
ثروت : من امتى وهو عنده فلوس في البنك . نروح البنك
ونسأل
_____________
سأل عن حساب ابيه في البنك وكان معه شهادة الوفاة وجد
مبلغ لا يتعدى عشرة الاف جنيه وبلغ اخته بذلك فاتصلت به وقالت له : عشرة الاف ايه
يا حرامي يابتاع ربنا ده كان عنده فوق الـ مائة الف هتاكل حقي وتديني عشرة الاف
ويمكن نصهم خمسة ويمكن تقسمهم بنسبة الولد ضعف البنت واخد ملاليم . انا هاوريك
وافضحك ياحرامي . وقفلت السكة في وشه
________
سألته زوجته : مالك مبلم كده ؟
ثروت : تخيلي مريم اختي بتقول اني حرامي وان بابا سايب
مائة الف جنيه مش عشرة الاف . دي عمرها ماسألت عنه وماقدرتش تستحمله لما كبر وانا
اللي راعيته في بيتي وصرفت عليه ولم اطالبها بأي مسئولية ولا أي شيء ، تخيلي انا
حرامي ومين بيقول كده مريم اختي ، هو مين اللي دفع الشيكات اللي كانت على جوزها
وكان هايتحبس بسببها ولحد دلوقت مادفعش حاجة منها ومش عايزهم كفاية انهم بخير
وسلام . ومين كمل لها عملية ابنها مش انا وبعد كده ابقى حرامي . هي مريم اتغيرت ولا
هي كده ولا انا اللي مغفل . حرامي حرامي يامريم يااختي الصغيرة
الزوجة : خلاص انت بتعمل باصلك ماتزعلش نفسك . صحتك
ياثروت...... ثروت ثروت رد علي
وسقط ثروت مغشياً عليه
______________
التشخيص المبدئي جلطة في المخ في الجهة اليسرى عملت له
شلل في الجهة اليمنى في النطق وحركة اليد اليمين والقدم اليمين ، باين تعرض لصدمة
او ضغط نفسي او حاج زعلته قوي. ده كان كلام الدكتور لزوجته وأولاده في مستشفى
السنودس بالازبكية ، الاشعة لم تظهر الجلطة في خلال 24ساعة هانعمل اشعة تانية
مقطعية على المخ وعموماً هانعطيه دواء يذوب الجلطة . هي جات له الحالة دي من كام
ساعة ؟
رد احد الأبناء : من حوالي ثلاث ساعات
الدكتور : كويس لازم يكون قبل ست ساعات ، أظهرت الاشعة
وجود جلطة في المخ
خرج ولكنه محتاج لعلاج طبيعي فهو مش قادر يتكلم بسهولة
او يحرك يده وقدمه اليمين . زارته اخته مريم ولما شافها شاح بوجهه عنها ودمعت
عينيه
مريم : ده انا غلطانة اني جيت لك
الزوجة : حرام عليك ده اللي حصل له بسبب زعله منك ، ده
حصل له بعد مكالمتك الأخيرة مباشرة
مريم : ازاي يعني ؟
الزوجة : صعبت عليه نفسه لما اتهمتيه انه حرامي ومش
مصدقة كلامه وقلت انه اكل حقك في الميراث ، عموماً عندك البنك طلعي كشف حساب وشوفي
كان فيه كام واتسحب كام ومعاه كام بدل الاتهامات على الباطل
خرجت مريم ولم تفتح فاها
___________
مشكلة باباك ان ضغطه عالي باستمرار وكثير الانفعال
وبيتاثر بسرعة عنده دم مش عارف يكون بارد والمشكلة اللي قالها الدكتور بسبب الضغط
عضلة القلب ضعيفة دايماً تلاقيه بيعرق وعنده هبوط . انا مش عارفة اعمل ايه نشوف
موضوع القلب ولا نشوف موضوع الشلل وهي العضلة الضعيفة لها علاج ولا لا . انا مش
عارفة حاجة ومحتارة يابني
قالت الكلام ده ومش واخدة بالها ان ثروت اتحرك بالكرسي
المتحرك وكان قرب الباب وسمع كل الكلام فحزن اكتر على نفسه لانه عارف ان ضعف عضلة
القلب مالوش علاج ولكن الشلل بييجي بالعلاج الطبيعي وإلارادة والإصرار ويتحسن
ويبقى احسن . سمع زوجته تقول لابنه "هو عايز معجزة عشان يعيش" . فهم سبب
العرق والهبوط واضح ان الموضوع ساء جداً.
دخل حجرته وحول الكرسي للحائط وظهره لباب الغرفة واخذ
يبكي كطفل صغير وصلى للرب يسوع لكي يتحنن عليه ويشفيه لكن هو محتاج معجزة.
افتكر كلام مارك : لو انا لا اؤمن بالمعجزة مش هاتحصل
وانا الخسران
كنت اؤمن بالعلم ومافكرتش لو عجز العلم وجاب اخره
الانسان يعمل ايه . نظرياتي ومعتقداتي اضعف من مواجهة صعاب الحياة محتاج ايمان حي
يثق في الله انه حي ومازال موجود ويشفي
واؤمن ان صلاة الايمان تشفي المريض فهل صلاة الايمان ممكن ان تاتي بمعجزة؟ فكر
.... اه ممكن قال رب المجد "ان كنت تستطيع ان تؤمن فكل شيء مستطاع للمؤمن
فالمعجزات ممكنة وموجودة والمشكلة في الايمان ، فينا احنا بندعي ان عصر المعجزات
انتهى ولكن يختفي تحت هذا الادعاء عدم ايمان في الرب يسوع الذي لا يحده عصر ولا
مرض
_____________
انتصار الايمان على النظريات :-
دق جرس الباب ودخل قسيس كنيسته ومعه ثلاثة من الاخوة
واختين وقالوا له :
احنا جايين نصلي
ينفع ؟ حرك راسه بالموافقة وكان ظاهر عليه البكاء والحزن والانكسار فاخرج القسيس
زيت ودهن راسه وقلبه وصلى بحرارة هو والاخوة باسم يسوع المسيح ابن الله الحي تقوم
من ضعفك وتشفى ، تؤمن يا ثروت في قوة يسوع ومعجزاته ؟ اؤمن
شعر ثروت بسخونة في جسده والم في راسه وشعر بان نار تلمس
راسه وقلبه ثم شعر براحة غير عادية وسلام وفرح غمره وشعر كل الذين في الغرفة بحضور
الرب وتعزيات سماوية وفرح وبهجة قلب . لم يدري ثروت ما الذي يحدث الا وبقوة تدب في
قدمه وقام وأيضا تلمس يده وبرعشة في عظامه وانفتح فمه وقال : مجدا لك يارب يسوع
وحضن اقرب الاخوة جنبه . وكان من الواضح انه شفي وصار في تمام الصحة والعافية
فتحرك في الشقة رافعاً يده ويمجد الله على صنيعه معه ، حقاً هو اله الأمانة لا غش
فيه يصنع المعجزات لكل من يطلب بالايمان
علم ثروت ان عصر المعجزات لم ينتهي بل عصر الايمان انتهى
(7) انجيل نانسي
(انجيل بلا مواهب)
انجيل نانسي ليس به مواهب الروح القدس و الشاهد
(1كو12،14) غير موجودين في كتابها ، هي تعرف 1كو13 جيداً اصحاح المحبة و غلا5 ثمر
الروح
قالت ثمر الروح القدس طبعاً اهم من مواهب الروح القدس ،
ألا تؤمنين بالملء بالروح القدس يانانسي ؟ نعم اؤمن
(اف5) لاتسكروا بالخمر الذي فيه الخلاعة بل امتلئوا
بالروح . الملء امر كتابي
ماذا يحدث عندما تمتلئ بالروح يانانسي ؟
انال 1) قوة في الخدمة والشهادة الشخصية " لانكم
تنالون قوة متى حل الروح القدس عليكم"
2) ظهور ثمر الروح القدس مثل المحبة والفرح والسلام
3) فهم اكثر للمكتوب فالكتاب يصير كتاب حي
4) الانتصار على الخطية اسلك بالروح ولا اكمل شهوة الجسد
رائعة يا نانسي كلامك كله مضبوط
1)نانسي وجانيت :- (هل من احد ينقذ دينا ؟!)
جانيت : حلوة فكرة اليوم الرياضي فرصة نقرب من البنات
اكترر ونعرف مشاكلهم بعد اجتماع الخدمة في ناس بتمشي وناس بتحب تقف مع بعض
نانسي : بس عايزين تكون عنينا مفتوحة في بنات من برة
الكنيسة وباين في ناس بعاد عن ربنا
جانيت : من اصحابهم من الجامعة ومش بيروحوا كنائس
نانسي : دي فرصتنا نكلمهم عن قبول المسيح والتوبة
والرجوع لله
جانيت : ربنا يسهل عموماً قربنا على المزرعة اللي في
احمد عرابي بالعبور بيقولوا مكان جديد
___________
وصل الاتوبيس للمزرعة وبدأ اليوم بفقرة روحية وكام
ترنيمة وانطلقوا البنات في اللعب مع الفريق الرياضي الخاص بالكنيسة
نانسي : شايفة البنت اللي لابسة بلوزة حمراء ؟
جانيت : مالها ؟
نانسي : عايزين نكلمها أصحابها بيقولوا عليها ضايعة
بعد فترة جاءت نانسي لجانيت وقالت : دي صعبة قوى مقفلة
بتقول انها كويسة وبتروح الكنيسة وبتصلي وزي الفل عكس ما يقولوه أصحابها وماعرفتش اقولها
حاجة . حاولي انت معاها.
جلست جانيت تصلي لاجل البنوتة دينا ثم تعمدت ان تكون
معها في لعبة وفاز فريقهم فقالت لها جانيت : تحبي اعزمك على ايس كريم عشان فوزنا
دينا : ممكن جداً بس اشمعنى انا ؟
جانيت : عشان انت جديدة ودول ياما عزمتهم وكمان عشان
نتعرف .
اشتروا ايس كريم وجلسوا معاً تحت برجولة وسألتها جانيت
عن أهلها وتعرفت عليها بسرعة وسألتها عن حياتها الروحية فكانت نفس الإجابات التي
قالتها لنانسي . ولكن الروح القدس عمل
بموهبة العلم في جانيت الممتلئة بالروح القدس والتي كانت تصلي بالروح لاجل دينا
جانيت : وايه اخبار احمد ؟
دينا مصدومة : احمد ! وارتبكت : من قال لك دهم افيش حد
يعرف الموضوع ده ابداً حتى اقرب اصحابي
جانيت : الروح القدس قال لي عليه وهو عارف عنك كل حاجة
وكل اللي هاتعمليه وبتخططي له
دينا في انهيار ودموع : انا بحبه وكنت هاسيب بيتنا بعد
بكره يوم الاحد وهاهرب معاه انا بحبه وهو قال انه هايسيبني على ديني وهو على دينه
ولكن نتجوز واعي شمعاه هو عنده شقة حلوة في الزيتون
جانيت : ياحبيبتي ربنا عايز ينبهك عشان ده فخ يضيعك
ويضيع ابديتك هو عامل نفسه حمل بعد كده يتحول الى ذئب . هو مهددك بحاجة ؟
دينا : لا انا حريصة جداً ولا صور ولا واتساب ولا شات من
أي نوع عشان كده انا استغربت انك عارفة
جانيت : لازم تقطعي العلاقة دي كلميه دلوقتي والغي
الاتفاق .
(امسكت جانيت الموبايل وقالت لها اسمه ايه احمد ايه ؟
دينا : لا انا مسمياه ايفا حبيبتي
جانيت : هانكلمه ايه رايك ؟
دينا : مش قادرة
جانيت : انت عايزة تكسري قلب ابوك وامك هما يستاهلوا
تعملي كده فيهم ؟
دينا : لا دول بيحبوني قوي ومش حرمني من أي حاجة
جانيت : بنسبة كام في المية انت ضامنة احمد ؟
دينا : 50% او اقل
جانيت : يعني الموضوع فيه مخاطرة عالية
دينا : ايوة
جانيت: تحبي اوريه لك على حقيقته ؟ وعمل روح الحكمة في
جانيت وكلمت احمد
جانيت : الو . أستاذ احمد ؟
احمد : ايوة مين معايا ؟
جانيت : انا الـ ميس بتاعة دينا في الكنيسة وهي حكيت لي
كل حاجة وعن موضوع يوم الاحد والهروب وانا هاعملك محضر في القسم بمحاولة اختطافها
. وفتحت جانيت الاسبيكر
احمد : اختطاف ايه وبتاع ايه وقسم ايه دي بنت عبيطة صدقت
اني بحبها هي لو جات معايا يوم الاحد كنت فضحتها وخليتها تشهر اسلامها على الهواء
واخد تمن راسها خمسين باكو . يعني افهم من كلامك انها مش جاية ؟
جانيت : لا مش جاية
احمد : لو سمحت
، حقيق يده رقم تليفون دينا بس احب اسمع منها ، انت ازاي لعبتي في دماغها
ده انا كنت مالكها وكانت زي الخاتم في اصبعي
جانيت أعطت الموبايل لدينا المنهارة
دينا : ايوة يا احمد اللي قالته ميس جانيت صح وانت بقى
اللي قلته حقيقي ؟
احمد : ايوة حقيقي فاكرة نفسك مين ولا بوليس ولا يحزنون
وامسحي النمرة دي من عندك . باي وقفل السكة وبكت دينا بدموع واخذتها جانيت في
حضنها وكانت بداية جديدة للرجوع الى ربنا والى الكنيسة وصداقة مع جانيت
2) نانسي وجانيت ، اختبار جانيت :-
بعد ذلك في الكنيسة
نانسي : نفسي اعرف عملت مع دينا ايه ؟
جانيت : ماعملتش حاجة ده الروح القدس عمل كل حاجة
نانسي : ازاي ؟
جانيت : الروح القدس قال لي اساليها على احمد
نانسي : مين قال لك على احمد ؟ الروح القدس !
جانيت : ايوة . عارفة انا حياتي في الخدمة اختلفت بعد
الملء بالروح القدس
نانسي : ما انا اعترفت بكل خطية وطلبت الملء بالروح
القدس بالايمان والروح القدس ملاني
جانيت : ولكنك عاملة له حدود ولا تؤمني بالمواهب
نانسي : المواهب دي ممكن يكون مصدرها شيطاني وتتعبني
روحياً . وانتم ين صلى لك عشان تمتلئ بالروح ويكون فيك مواهب العلم والحكمة
والتنبؤ ؟
جانيت : ماحدش صلى لاجلي
نانسي : ازاي ؟
جانيت : معرفة وايمان وشوق ! يعني درست الكتاب بيقول ايه
عن الروح القدس خصوصاً العهد الجديد فعرفت وامتلأ قلبي بالايمان ان الرب يريد ان
اجد للمواهب الحسنى وبعد كده صمت ثلاث أيام للام رده وامتلأ قلبي بالعطش والشوق
لاختبار حي بالروح حتى حصل المراد
نانسي: ازاي ؟
جانيت : في يوم كنت راكعة اصلي بجوار الكنيسة واخذت اسبح
واعترفت بالخطية ثم بدأت اشعر بمحبة تملأني للرب يسوع وقلت له انت حبيبي انت أروع
جمال من بني البشر وانسكبت النعمة على شفتيك بحبك واعشقك وباحط راسي على صدرك
واسمع دقات قلبك بتنطق بحبك وقعدت احب في ربنا كده كتير . وفجأة فاض قلبي بالحب
للرب يسوع وعجزت الكلمات ان تعبر عن الحب اللي فاض في قلبي فانطلقت اسبح الله
بألسنة جديدة واعطاني ترجمة ، كنت أقول للرب احلى كلام حب ولاسمعته ولاقلته ولا حد
قاله بالجمال ده والروعة دي للرب يسوع وامتلأ قلبي بالحب والفرح الذي لا ينطق به
ومجيد . انا لي شركة مع الروح القدس قبل ما انزل الشغل اطلب قيادته واطلب مساعدته
لي في الخدمة لربح النفوس فيعطيني كلام مؤثر ومغير . بس هي دي حكايتي
نانسي : يمكن انت اخدت حاجة من ربنا وده اختبار شخصي مش
شرط انه يتكرر مع حد تاني وبصراحة انا باخاف من الحاجات دي الواحد كده في امان
جانيت : مشكلتك انك خايفة وعندك مفاهيم ملغبطاكي
نانسي : ايوة
جانيت : ممكن
نتناقش براحة؟
نانسي : ممكن اطلب الروح القدس ويملأني روح شريرة فكل
اللي يحصل لي من الشيطان ومش برضه فيه بعض المتصوفين الهنود بيتكلموا بألسنة ؟
جانيت : أولا : حقيقي ابليس بيقلد كل أمور الله بس يعني
لوعندك مائة جنيه مزيفة ده دليل على وجود مائة جنيه حقيقية مادام في ألسنة مش
حقيقية ومزيفة ده دليل على وجود شيء حقيقي وكمان مش الرب يسوع قال : ان سأل ابن
منكم اباه سمكة ايعطيه حية او يطلب بيضة ايعطيه عقرب . يعني لو طلب ابن من ابوه
سمكة او بيضة حاجة تشبعه وتفرحه هل ابوه يعطيه حية او عقرب اللي بيرمز ليها بالروح
الشريرة عشان تؤذيه وتدمره ازاي ده يكون !
نانسي : مش هي الحاجات دي انتهت ؟
جانيت : مين قال كده الجزء بتاع 1كو13 "متى جاء
الكامل يبطل الكل " عند مجئ المسيح الثاني يبطل ذلك وعموماً الجزء الكتابي
بيوضح اننا لما نروح السماء مش محتاجين علم ولا معرفة ولا أي مواهب . اسألك سؤال
يانانسي ارسالية المسيح التي اعلنها بفم يوحنا المعمدان عندما قال "انا
اعمدكم بماء لكن سيأتي من هو اعظم مني سوف يعمدكم بالروح القدس ونار " امتى
عمل المسيح معمودية الروح القدس والنار؟
نانسي : بس بيقولوا معمودية الروح القدس والنار لدينونة
الأشرار
جانيت : ازاي يعني ؟ يعني يوحنا يقدم معمودية مياه
لمغفرة الخطايا والرب يسوع يقدم معمودية الروح القدس ونار لهلاك الناس ودينونتهم
ايه الكلام ده ؟ بعد قيامة المسيح بدأ عمله وعمد التلاميذ يوم الخمسين ومازال عمله
ساري ولم يتوقف عمل المسيح والأب يعطي الروح القدس لمن يسألونه
نانسي : يعني ممكن اختبر اختبار جديد لعمل الروح القدس
جانيت : نعم الموعد هو لكم ولأولادكم والذين يؤمنون
والذين من بعيد بطرس قال كده في عظته يوم الخمسين
تركت جانيت نانسي وهي لا تعلم انها ولعت قلبها بنار
وأشواق جديدة وعطش للروح القدس ولن تسكت حتى تشرب وترتوي .
(8) انجيل ماريو
(انجيل
اجتماعي)
(الرياضة الجسدية نافعة ) انجيل ماريو 16:3
(الرب راعي فلا يعوزني شيء ) مز 23
(انما خير ورحمة يتبعاني كل أيام حياتي قد ) ( قد دعوتك
باسمك انت لي )
(فيملأ الهي كل احتياجكم بحسب غناه في المجد )
قال ماريو : اهم حاجة نبسط الزبون (يقصد أعضاء الكنيسة)
بلاش نزعلهم بلاش خدمات طويلة بلاش خدمات عن التوبة والترك والخطية والتكريس .
حضرتك قلت ايه ؟
باقول طبطة . عايزين نطبطب على الناس مش كفاية العالم
وصعوباته عايز الناس تيجي كنيستي تقضي وقت جميل (فن داي) تفطر مع بعض حاجات خفيفة
وترانيم نصف ساعة وخدمة تلت ساعة او نصف ساعة بعد كده يقعدوا مع بعض يحكوا وياكلوا
فوقت الشركة مهم . ونعمل للشباب رحلات وكامبات وايام رياضية ودوري بلاش مؤتمرات
الصلاة محدش هاييجي كده كده وبلاش دروس الكتاب بيبقى رخم على الناس وممل . بتقول
ايه مجموعات تلمذة ، الناس مش فاضية عندهم شغل او دراسة
1)رصاصة في القلب:-
اتقابلت جاكلين مع ماريو
جاكلين : صلي لاجلي
ماريو : اصلي عشان ايه؟
جاكلين : لا اريد ان اتالم ولا اريد حد من اولادي يتعب ،
باتخيل ان في حد منهم جاله سرطان واقعد اعيط عليه وبعد كده افوق وأقول ايه اللي
انا فيه ماهو زي الفل ، باتخيل جوزي جت له سكتة قلبية ومات واقعد اعيط عليه واتخيل
بنتي ان خبطتها عربية واقعد اعيط . تعبت مش عايزة أتألم ولا عايزة فقر ولا بهدلة
ولا اني اتعب بخاف من الألم ، الم الاسنان مروراً بألم الظهر وألام العمليات
ماريو : اطمني انت بنت الملك بنت ملك الملوك ورب الارباب
المحمولة على الاكتاف حتى اشواك العالم لاتجرح قدم الخروف الصغير . "انت مميز
جداً مرض مما وضعت على المصريين لا اضع عليكم للمراعي الخضر الرب يوردك ، ان سرت
في واد ظل الموت لا تخافي شراً يسقط عن جانبك الف وربوات عن يمينك اليك لا يقرب ،
لايصيبك سهم في النهار ولا وبأ يسلك في الليل ، سور من نار حولك الرب سيج حواليك
فلا يدع الألم والفقر والتعب يقترب منك فلا تخافي "
جاكلين : ياه انا اطمنت كلام حلو وجميل ومريح ، اد ايه
الوعود الإلهية جميلة ومريحة
ماريو : لا تنسي عايزين تبرع عشان في ارض جنبنا عايزين
ناخدها ونعملها ملعب وكانتين وانشطة للكنيسة بدل من أولادنا يقعدوا على القهاوي او
يقفوا على النواصي يتجمعوا في الكنيسة احسن.
جاكلين : فكرة جميلة هابعت لك تبرع مع مارك ابني بالليل
هو عنده اجتماع باليل
ماريو : على فكرة ابعتي معاه فلوس شخصية زيادة شوية
جاكلين : ليه هو في حاجة ؟
ماريو : الشباب بيحبوا بعد فترة التسبيح والخدمة يخرجوا
هنروح ناكل مع بعض في كنتاكي في جو من الالفة والشركة عشان الأولاد يحبوا الكنيسة
جاكلين : فكرة رائعة ومبتكرة . ثم انصرفت مبتهجة وفرحانة بكنيستها
___________
قال مهني (احد أعضاء الكنيسة ) : نجمع تبرعات ليه عشان
عجز في كامب رياضي
زوجته : البيوت غليت قوي وكمان المواصلات غليت
مهني : قصدي لو كامب رياضي الناس بتدفع الفلوس كاملة
والكنيسة لا تدعمه
زوجته : ده اهم مؤتمر في الكنيسة نسبة الحضور اقتربت من
خمسمائة شخص
مهنى : ندعم المؤتمرات الروحية عشان الناس تقدر تيجي
تستفاد ، مش عارف من ساعة ما جاء ماريو حاجات كتير مش عجباني
زوجته : علشان انت متعود على نظام قديم في الخدمة لا
ينفع للايام العصرية نظام القسيس شكري
مهنى : ماله القسيس شكري رجل قديس وتقي ولكن عمره قارب
الخمس والثمانون كان لازم يرسموا قسيس مساعد جابوا ماريو وماريو مش بيحب حد يناديه
قسيس نظراً لصغر سنه ، هو غيور على الخدمة ونشيط ولكن أسلوبه لايعجبني
زوجته : انت متضايق عشان المؤتمر اللي فات لما قلت لبنتك
استفدت ايه من المؤتمر قالت لك ولا حاجة ده مؤتمر ترفيهي ورياضي والجرعة الروحية
صغيرة قوي
مهنى : الحقيقة اه ولكن من الحكمة ان لا ندين انا باصلي
لاجل الكنيسة والقسيس وماريو وكل الخدام
زوجته : عمال تتكلم والاكل برد كل بقى
______________
خرجت ناردين بنت مدام جاكلين من الكنيسة ووقفت على الباب
تنتظر صاحبتها نانسي وفجأة ظهر موتوسيكل عليه اثنان واحد منه في ايده رشاش آلي
وضرب على الواقفين على باب الكنيسة وانطلقوا هاربين . توقف الزمن لحظة واتصطدم
الجميع وجدوا جندي الامن مصاب وغرقان في دمه وثلاث شابات وشاب غرقانين في دمهم
واضح ان اصابتهم خطيرة وواضح ان ناردين ماتت فموضع الدم في القلب رصاصة اخترقت
ظهرها الى القلب .
2) رصاصة في الايمان :-
انهيار ... اقل شيء يوصف به ما تمر به عائلة جاكلين وما
يمر به الشباب في الكنيسة لم تكن الرصاصة فقط في قلب ناردين ولكن في قلوب كثيرين
كانت الرصاصة في ايمانهم وثقتهم في ربنا
قال القسيس شكري لماريو : انت وضعت الناس في فقاعة وردية
ضخمة فلا يوجد حزن او ضيق او ألم أو فقر كأنهم ذهبوا للسماء وهم مازالوا في الأرض
، هم شعروا بالخديعة وعدم الأمان والثقة في الرب الذي قدمته لهم
ماريو : لم اتخيل ان أرى رد الفعل كده ، عائلة جاكلين لم
تحضر الكنيسة من فترة والشباب في غضب من الرب ومدام جاكلين قالت : اين سور الحماية
من نار حول عائلتي وأين لايصيبك سهم في النهار اهو اصابتنا رصاصة في النهار ، فين
رعاية الرب ولا هو كلام وخلاص ومسكنات عشان نعيش في غيبوبة عن واقع الحياة المرير
، ليه بنتي هي اللي تموت بس ده سماح من الرب ولا دي مشيئته ولا مشيئة بشر وتعضيد
ابليس
شكري : لاحظت انجيلك اللي تقدمه ، انجيل اجتماعي هدفه
انك تبسط الناس لا ان يخلصوا ، قدمت لهم المجد بدون صليب وبدون ألم قدمت نعمة
رخيصة . ولكن لقد وهب لهم ان يتألموا معه قبل ان يتمجدوا معه ، انجيلك ملون ومخطط
على الايات المشجعة والجميلة والمريحة دون التزامات او ألم او تضحيات او صليب
ماريو : اعمل ايه دلوقت؟
شكري : ابدأ بتقديم انجيل متوازن بين النعمة والجهاد ،
بين المد والألم ، القداسة والجهاد مع المحبة والرحمة . فاكر لما اخدت خدمة عن
القداسة الشخصية انت اعترضت وقلت لي الخدمات دي بقيت قديمة هي حلوة ولكنها مش
نافعة للجيل ده
ماريو : ما انا خفت الناس تمل وتزعل وتسيب الكنيسة وحياتهم
فيها مشاكل أخلاقية مش عايز اسبب لهم احراج
شكري: يجب ان تواجه الناس بخطاياهم الرسول قال لتيموثاوس
"وبخ انتهر عظ ولكن بكل اناة وصبر" يابني الكنيسة مش نادي اجتماعي
الكنيسة مستشفى للمرضى الروحيين والتعابى لتريحهم والرب يسوع وصف نفسه انه الطبيب
للقلوب الجريحة . لازم تقدم يسوع الملك المخلص رب الارباب القدوس الذي لا يساوم
على الخطية نعم الرب يسوع يحبهم ولكنه لا يحب الخطية
ماريو : عندك حق الانجيل الاجتماعي ليس هو رسالة يسوع .
قررت اعيد ترتيب اوراقي واولوياتي وافعل مايريده الرب مني ولا ما اريده انا .
3)صلوات نارية كالرصاص :
زاد الحضور في اجتماع الصلاة وامتلأ الاجتماع بشكل غير
مسبوق لقد ادركوا ان ليس لديهم قوة ولا ايمان كافي لمواجهة العالم والخطية وابليس
وانهم يحتاجون للاقتراب اكثر للرب ليكونوا اكثر قوة ونضج لمواجهة الالام في الزمان
الحاضر.
تم الغاء الكامب الرياضي لاجل الاحداث وعملوا مؤتمر صلاة
واشتعلت الكنيسة بنيران من العلي فتاب كثيرون وتركوا حياة عدم الالتزام والخلاعة
والخطية وصار الكتاب المقدس غايتهم وشوقهم وكانت الصلوات تخرج نارية كرصاص نحو
السماء
___________
كان حضور يوم الاحد مهيب لقد جاءت اسرة جاكلين لابسين
ملابس بيضاء وكانوا فرحين قائلين لقد زفينا عروسة للسماء الرب يستحق اغلى ما نملك
ونحن اعطيناه ما نملك وبعد الاجتماع قالت جاكلين للقس ماريو : انا عارفة انك كنت
بتحاول تشجعني ، انا كنت باضحك على نفسي وبتهرب من تحمل المسئولية مسئولية حياتي
ومسئولية من حولي ، احنا عرفنا الرب يسوع وقت الألم وكان اكثر قرباً من معرفتنا به
وقت الراحة فلا تقلق علينا نحن اكثر قوة بما حدث.
تركته وكانت بداية جديدة للكنيسة والخدمة
(9) انجيل انشراح
(انجيل حظك
اليوم )
انجيل انشراح انجيل بلا خط ولا الوان ولاتقرأه بانتظام ،
تفتح الكتاب زي ما يكون حظها وتصدق المكتوب ، الكتاب المقدس زي ما تشوف الأبراج
وتشوف حظك اليوم
وبرجك اليوم وكما تتشائم وتتفائل بالابراج تتشائم وتتفائل بما تقرأه في الكتاب ،
لو كلام مشجع او مفرح تفرح ولو كلام محزن او تحذيرات وويلات تحزن والعجيب هو
الالتزام اليومي انها تشوف بختها اليوم تصطبح به مع كوب الشاي بالنعناع بعد خروج
زوجها ومنال التي تسميها لواحظ من باب الدعابة وابنها نبيل اللي مسمياه تقيل لانه
مليان وتقيل في الحركة . وكل ما تحزن انشراح تقول لها لواحظ افرحي يا انشراح اللي
جاي احسن من اللي راح فتضحك وتكمل يومها
1)يوم ما يعلم به الا ربنا :-
فتحت الكتاب عشان تشوف حظ جورج أبو العيال ووجدت اخبار
الأيام الأول الاصحاح 13:10 "فمات شاول بخيانته التي بها خان الرب من اجل
كلام الرب الذي لم يحفظه"
بسم الصليب يموت ايه بعد الشر لا يارب وفتحت تاني الكتاب
عشان جورج وجدت أيوب 9:2 "وانت متمسك بعد بكمالك بارك الله ومت"
لا لا مش معقول كده ربنا بيأكدها باين في حاجة وفتحت
الكتاب تشوف حظ لواحظ اللي هي منال وجدت اشعياء 10:27 "لان المدينة الحصينة
متوحدة المسكن مهجور ومتروك كالقفر. يعني ايه البنت مش هتجوز وهتقعد لي زي البيت
المهجور المقفر . فتحت الكتاب تاني عشان لواحظ وقالت في نفسها العهد الجديد حلو
ماله العهد الجديد وفتحت متى 8:19 "وقال لهم : ان موسى من اجل قساوة قلوبكم
اذن لكم ان تطلقوا نساءكم" .
اه كده فهمت لواحظ هتجوز وجوزها يسيبها وتطلق. لا يارب
ما تسمحش بكده بعد الشر.
فتحت الكتاب عشان حظ نبيل وجدت قدامها لو20:12 "
ياغبي هذه الليلة تطلب نفسك منك " وماكملتش الاية وقالت : ياخبر ابيض ايه
اليوم ده . بلاش الانجيل أبو عمدان خلينا في الانجيل بتاعنا القديم كله تعزيات
الطبعة الحلوة دي من غير عمدان وجدت لوقا 9:4 "ان كنت ابن الله فاطرح نفسك من
هنا الى اسفل " . يالهوي كده انا فهمت الواد نبيل بيقول "انا تخين وزهقت
من نفسي وهانتحر " كده هو غبي هو هيطلع فوق العمارة ويطرح نفسه لاسفل ، ياخبر
ايه اليوم اللي مالوش ملامح ده . طيب اشوف حظي انا فتحت مزمور24:105 "جعل
الشعب مثمراً جدا واعزه على اعدائه" . ايوة كده هو ده الكلام ربنا يباركني
ويجعلني مثمرة يعني ممكن اخلف تاني مش بعيدة عن ربنا وفتحت اشعياء 16:19" في
ذلك اليوم تكون مصر كالنساء فترتعد وترتجف من هزة يد رب الجنود التي يهزها عليها
" . يعني ايه يعني انا هارتعد واخاف ايه اليوم الشؤم ده فين ايات المعية
والفرح والنصرة والبركة اختفت النهاردة يارب استر.
2) ترقب ورعب وانتظار:-
اعدت انشراح الكشري ومانسيتش تعمل حمص الشام وعشان خاطر
لواحظ عملت رز باللبن ز يبتاع المحلات بالضبط وجاءت الساعة الثالثة ميعاد رجوع
زوجها للبيت ولكنه لم يأتي قالت : يمكن الدنيا زحمة وقعدت تصبر نفسها واتصلت به
على الموبايل ولكن الموبايل غير متاح او مغلق الساعة بقيت ثلاثة ونص وبرضه ماجاش
وده كمان ميعاد رجوع نبيل ولكن عدى الميعاد وبقيت الساعة الرابعة ولم يأتي زوجها
ولا نبيل والساعة أربعة ميعاد رجوع لواحظ ولكنها لم تاتي واتصلت بها لقيت الموبايل
مغلق ، اتصلت بنبيل لقيت الموبايل بيرن ويرن ماحدش بيرد توقفت عن الاتصال لانها
افتكرت انها سحبت الموبايل من نبيل لانه كان مش بيذاكر وبيلعب به وان دلوقت
الموبايل معاها . الساعة وصلت الخامسة ومافيش حد جه ايه ده كل اللي قرأته بيتحقق
ولا ايه ، جورج مات ونبيل مات ولواحظ حصلت لها مصيبة واخذت تبكي بكاء هستيري وتكلم
نفسها اروح فين ياناس، واكلم مين، اعمل ايه، يارب
ارحم ، انا متشائمة من اول اليوم والكتاب المقدس قال كده وكلام ربنا مش بيسقط
وبيتحقق.
3) عودة وعبرة :-
رن الجرس فقامت مسرعة وكانت الساعة السادسة مساء ودخل
نبيل وقعدت تبوسه وتقول له حمد الله ع السلامة يابني ، انت بخير ؟ انت عرقان كده
ليه ؟ خير ايه اللي حصل ؟ قول بسرعة اتاخرت ليه ؟
نبيل : اتاخرت ليه ما انت عارفة ياماما كل اربع بعد
المدرسة باروح الجيم عشان اخس ، مالك ايه الجديد .
افتكرت انشراح ده صحيح وسالته : وفين اختك المحروسة ؟
نبيل : قابلتها واقفة تحت السنتر بعد الدرس بتاعها وقالت
لي امشي انت عشان هاتاخر لانها هاتحضر عيد ميلاد صاحبتها نشوى وقالت لي اقولك انها
هاتتاخر شوية.
افتكرت لواحظ ان النهاردة بعد المدرسة عندها درس ، مش
عارفة نسيت التفاصيل دي ازاي وافتكرت انها بتقفل الموبايل في الدرس ، ايه اللي
خلاها تفكر كده اكيد في حاجة غلط ، بس جورج راح فين دلوقتي ؟
فجأة رن الموبايل من رقم غريب فترددت ان ترد وقالت لنبيل
يرد لحسن يكون في حد بيعاكس ورد نبيل على التليفون وقال لها خدي بابا عايز يكلمك
فخطفت التليفون
جورج : الموبايل فصل شحن وانا في المستشفى
انشراح : مستشفى ! مستشفى ايه ؟ ايه اللي حصل ؟ قول
بسرعة حصل حاجة ، عربية خبطتك ؟ حصل ايه ؟
جورج : ياست اهدي انا في المستشفى مع ماما ، تعبت شوية
واتصلوا بي في الشغل وبعد كده الموبايل فصل شحن . هي مش قادرة تاخد نفسها وهي
دلوقتي في الطوارئ وشكلها ها تتحجز ، هاسيب اختي تبيت معها وبعد كده هاجي . وقفل
السكة .
قعدت انشراح مع نفسها وفكرت في اللي حصل لها فقد انهارت
وكلمة امرأة ابونا وحكت معها وقالت امرأة ابونا لها : يابنتي الانجيل مش كتاب حظك
اليوم الانجيل كتاب يتعاش لازم تقرأي فيه بانتظام وبترتيب بروح الصلاة . انجيل
يعني بشارة مفرحة مش رسائل محزنة ومرعبة حقيقي هي تحذيرات ووصايا لفائدتنا ، ومش
كل الايات اخذها على نفسي ، في كلام اتكتب لظروف معينة ولاشخاص معينة حتى نعتبر من
حياتهم ومش نفسر احنا الكتاب بطريقتنا ،
يعني ايه يعني تفسري آية تجربة الشيطان للمسيح "اطرح نفسك" هو ده معناه
ان ابنك هايرمي نفسه من فوق جبتي التفسير ده منين . انت بتعملي انجيل تاني
بتفسيراتك ليس له علاقة بانجيلنا . انت تعطي ابليس فرصة ليلعب بك ويؤثر عليك
ويخوفك ويتعبك نفسيا وجسديا وروحيا فلا تعطي لابليس مكان . فاهمة يا انشراح ؟
انشراح : فاهمة واوعدك اللي جاي احلى من اللي راح .
(10) انجيل سعد
(انجيل البركة)
لا يتذكر سعد انه فتح الكتاب ليقرأه فالانجيل له كرامته واحترامه
، حد يقدر يحط كتاب فوق الانجيل استحالة سعد كان يأكله ، انجيل سعد انجيل مقفول له
احترامه فهو يتباس ويحطوه على الرأس ويحلف به في الشغل ويقول وحياة الانجيل ويتحط
ديكور في الانتريه ويتحط في العربية للحفظ والعناية ويتحط على المكتب لوازم
الديكور وقبل ماينام يضعه تحت المخدة للبركة وعشان مايحلمش بكوابيس بالليل ويحلم
أحلام سعيدة . (كان نفسي افتح معاكم
انجيل سعد) بس هو مش بيفتحه من الأساس ولكن سعد له انجيل خاص به غير انجلينا ،
انجيل مما يسمعه مزيج من الآيات الكتابية المقطوعة او المشوهة مع الامثال الشعبية والمقولات
المتداولة وآيات قرآنية فهو يقول كما قالوا "اسعى ياعبد وانا اسعى معاك"
وفي الظروف الصعبة "كله للخير" وللحسد "العين صابتني ورب العرش
نجاني" والتربية "رب ابنك بقضيب من حديد متى شاب لا يحيد عنه" و
"ابن الطاعة تحل عليه البركة" التي لا وجود لها في الكتاب المقدس وغيرها
من المقولات . ترى هل هذه كافية لبنيان ايمان ومواجهة الحياة ؟
1)سعد في ازدياد :-
تمكن سعد ان يحقق حلم حياته مصنع بلاستيك حيث
كان يعمل وهو صغير في مصنع من مصانع الوحدة العربية في شبرا الخيمة فكان يقول في
نفسه : في يوم سيكون عندي مصنع زي ده ويمكن احسن منه . اجتهد واشتغل وكان هو ابن
وحيد لوالديه وله اخت واحدة .
في يوم مات جده وترك ثروة محصورة في بعض
الاطيان وبيتين في البلد اتوزعت على عمته وابوه فاخذ ابوه مبلغ كافي لتغير حياته
ولكن لم يرحمه المرض ومات فوجد سعد نفسه يملك مايكفي لتحقيق مشروعه وهو في أوائل
الثلاثينيات من عمره ولم يتزوج الا من بضع شهور من بنت عمته التي يحبها منذ صباه .
عمل المصنع في عمارة جديدة تحت الانشاء واخذ الدور الأول كله مصنع ومحلات لعرض
البضاعة وزاده ربنا جداً وكان يعطي الفقراء ويساعد اليتامى ويوجد لهم فرص عمل عنده
في المصنع باجر يكفيهم ورزقه الله بأبن وسماه على اسم جده الذي كان سبب الخير اللي
هو فيه . اسم ابنه ذكي ومرت السنين ولم يكن له الا ذكي ابن وحيد مثله وكتب سعد
المصنع باسمه هو وامه فهو لا يريد شيء في الدنيا ، شبع ولف ودار وعمل كل اللي نفسه
فيه والباقي بيوزعه على الفقراء والمساكين واليتامى والارامل وكل من هو في ضيقة.
حقيقي "اعط تعطى كيلاً فائضاً " الرب يعطي بفيض لمن يحب العطاء.
2) سعد في انهيار :-
وسط بركة الرب له كان تفكيره منحصر من الخوف
من الحسد فالحسد كما يقول هو مذكور في الانجيل فين مايعرفش بس لا يخلو مصنعه من
عبارات "يا ناس يا شر كفاية قر" "العين صابتني ورب العرش
نجاني" " عضة اسد ولا نظرة حسد
" ولكن مش موجود ولا آية عن حماية الله ومعيته فلا يوجد "الرب نوري
وخلاصي ممن أخاف الرب حصن حياتي ممن ارتعب
عندما اقترب الي الأشرار لياكلوا لحمي مضايقي واعدائي عثروا وسقطوا "
وكل ما يمر واحد في الشارع بيبخر بدعوة ويدخل يبخر المصنع عشان الحسد . كان ابنه
ذكي شعلة من النشاط في العمل مع ابوه وكانت الحياة جميلة وحلوة حتى جاء ميلاد (من
اخوة الرب) وعينه في المصنع ليساعده ليرعى اخوته وامه لان ابوه مات في حادث
موتوسيكل . كان سعد وابنه يتكفلوا باكلهم وملبسهم وتعليمهم وكل شيء تقريباً.
ولكن دخل الشيطان قلب ميلاد واغواه احد أصحاب
المصانع المنافسين واسمه المعلم فرغلي الذي اعطى ميلاد عشرين الف جنيه ليحرق مصنع
سعد .
في اثناء النوبتجية الليلية التي كان يعمل
بها ميلاد قطع سلكتين وعمل شرز كهربائي فاشتعل الحريق كما سكب احدى المواد
المستعملة القابلة للاشتعال واخذ يتمشى ينشر النيران ولم يعلم ان كاميرات المراقبة
تصوره وتسجل له ما يفعل وتحجر قلبه وخرج مسرعاً واغلق الباب من الخارج على
العاملين وكان سعد وابنه في بيتهما . اشتعلت النيران بسرعة شديدة ومسكت في البلاستيك
وفي المكن الذي يقدر ثمنه بملايين الجنيهات ، حاول العمال الهروب ولكنهم لم يقدروا
وحاصرتهم النيران والتهمتهم وبصعوبة سمع احد المارة صراخ العاملين وفتح لهم الباب
فخرجوا وساعدهم الجيران على إطفاء الحريق وإنقاذ العمال واتت الإسعاف وعربات
المطافي وعملوا اقصى ما يمكن ولكن النيران قضت على المصنع تماماً ودمر كل ما فيه
ومات احد الصبية محروقاً وأصيب ثلاثة بحروق خطيرة وسبع اشخاص بالاختناق وتم
اسعافهم .
تم القبض على سعد وابنه ذكي بصفتهم المالك
والمدير المسئول وتم حبسهم خمسة أيام على ذمة التحقيقات وصارا في يوم وليلة مفلسين
ومحبوسين وقتلة واخذ سعد يقول : اللي خفت منه حصل وهاعمل ايه "المكتوب على
الجبين لازم تشوفه العين" ده قدرنا ونصيبنا وقسمتنا هنعمل ايه نعترض على قدر
ربنا .
ذكي : الكلام ده مش مضبوط يابا الله لا يفعل
الشر ده عمل ابليس واتباعه ولكن الله يفعل الخير دائماً ، الله لا يخرب البيوت ولا
يقتل ويحرق ولكن المخرب والمهلك والقاتل للناس من البدء هو ابليس ومافيش في الكتاب
المقدس آيات عن كده مافيش حاجة اسمها مكتوب
سعد : يعني انت قابل انك تتحبس سنين طويلة او
تعدم ؟
ذكي : ده عدل ربنا احنا مظلومين لازم نقاوم
ونثبت براءتنا ، لو ده هو المكتوب ومشيئة ربنا يبقى ما نقاومش ونستنى قدرنا زي ما
يكون . انا ارفض الفكر ده لانه مش فكر كتابي شكله انه فكر روحي ومن الايمان ولكنه
خدعة من ابليس حتى يعمل اللي عايزه ضد الناس
سعد : عندك حق يابني بس مش ملاحظ حاجة ؟ فين
ميلاد ؟
ذكي : اه صح اختفى مش هو كان معاهم في المصنع
؟
سعد : اه انا تممت عليهم باليل قبل ما امشي
ذكي : تفتكر مات ولا حصل له حاجة ؟
سعد : لا انا مش بافكر في كده انا بافكر انه
هو اللي عمل كده
ذكي : ميلاد استحالة ده لحم كتافه من خيرنا
واحنا مش حارمينه من حاجة ازاي ؟ وسكت وفكر
3) سعد في ازدياد من تاني :-
تم تفريغ كاميرات المراقبة واتضح ان ميلاد هو
الفاعل ولكن اين هو قد اختفى هو وعائلته بالكامل هربوا ولا احد يعرف الى اين ذهبوا
وتركوا الحجرة التي كانوا يسكنوها .
تم الافراج عن سعد وذكي واستغربوا ازاي ميلاد
يعمل كده ومين اللي اغواه .
وفي البيت
كان سعد الجديد ابتدأ ينمو ويقرأ الكتاب
المقدس ويهتم بحياته الروحية قائلاً : ان الكتاب جديد بالنسبة لي ، في كلام كتير
كنت احسبه آيات وطلع مش آيات ولا وجود له في الكتاب وكمان القصص كانت ناقصة
ومغلوطة .
قالت له زوجته : هتعمل ايه في الشغل ؟
سعد : ياحبيبتي انا زرعت كتير خير مع الناس
وانا واثق ان الرب سيعوضني خير هابدأ من جديد على صغير والرب يكرم . وعايز اعوض
اهل الولد اللي مات ، والحمد لله اللي اتصابوا تماثلوا للشفاء عايز برضه اعوضهم
حتى لو مش ذنبنا انا مش هاسيبهم كده
زوجته : طول عمرك بتعمل الخير
سعد : الحمد لله تخيلي لوكان ذكي معاهم وبيت
معاهم زي ما أحيانا كان بيعمل كده كان هيحصل له ايه كان الامر هايبقى صعب علي .
لولا كلمة الله بعد ما طلعت سندتني لكنت انتحرت او اتجننت لكن كلمته ملأتني
والرجاء ان الرب مش هايتركني ويعوضني خير . تعرفي انا خلصت العهد الجديد في الأيام
اللي فاتت وبدأت أقرأ العهد القديم وفرحان اني قدرت اعمل كده واللي عملته في حياتي
اني كنت عندي انجيل خاص بي ليس له علاقة بالانجيل الحقيقي وكلامه الجميل المفرح .
استأذنت زوجته وخرجت واحضرت شنطة جلد كبيرة
وحطتها على السرير وقالت له :
حضرت
لك مفاجأة .
سعد : هي ايه ؟
زوجته : دي فلوس ، انت ناسي ان عمتك اللي هي
امي ورثت مع ابوك وهي قررت انها مش هتستنى لما تموت وتديني ميراث باباها وقالت لي
انتم محتاجين دلوقتي وقسمته علينا واديتني نصيبي فهي قالت لنا انها مش محتاجة فلوس
ومعاها اللي يكفيها هي وبابا.
فرح سعد وتهلل وقال اشكرك يارب .
فيما هما يتكلمان جاء ذكي ووجهه فرح وقال
عندي لكم مفاجأتين:
أولا : قبضوا على ميلاد واعترف بكل حاجة وقال
على اللي اغواه وهو عم فرغلي وقبضوا كمان على فرغلي
سعد : وكان مستخبي فين ؟
ذكي : ده غلبان رجع لقريتهم في المنيا عادي
ووجدوه بسهولة
المفاجأة الثانية : اخرج شيك بمبلغ كبير
واعطاه لسعد وقال : اتفضل حبايبي في شركة التأمين نجحوا يطلعوا التأمين بسرعة عشان
نبدأ من جديد ما تزعلش نفسك
سعد : بس انا ما كنتش مأمن على المصنع .
ذكي : انت نسيت انك كاتب لي المصنع وانا أمنت
عليه بمبلغ كبير وكنت بسدد التأمين كل ست شهور من فلوسي . انت فاكر ايه ابنك ناصح
لأول مرة رأى ذكي سعد ابوه تدمع عينه ويقول
لزوجته مش قلت لك ربنا مش هايسيبنا . انا ها بدأ من جديد في كل حاجة . ايوة في كل
حاجة
ليست هناك تعليقات:
إرسال تعليق