رواية انثى تحيط برجل كاملة ( رواية جريئة )

 تأليف ا/ اسامه فل نجيب 2019

مقدمة

قال التشبيه على لسان أرميا النبي فشعب الله كان في حالة ضعف كأنثى ولكن هذا من الظاهر ولكن كانت تحيط برجل قد لا يراه الناظر من الوهلة الأولى فيشعر أنها مجرد أنثى  فيستهان بإمكانياتها والرجل يرمز له بالقوي القادر على كل شيء الله نفسه بعلها رجلها .

وكأنها تقول " قد اظهر أنني ضعيفة ولكني قوية بإلهي وإنني قادرة على مواجهة أعدائي مواجهة التحدي والمثابرة والانتصار " لم أجد ابلغ من هذا التعبير

حتى أحكي لكم قصة زينب (ماريان سابقاً) وكيف وصلت إلى أدنى درجات الانحطاط والذل والانكسار والهوان والعار والخزي قد يصل إلى الموت ولكن كيف ارتفعت إلى أعلى درجات الرقي والفخر والارتفاع والانتصار والعزة وذلك عندما ادركت مدى ضعفها وأدركت مدى قوتها بإلهها وفعلا كانت

(أنثى تحيط برجل)

 

(1)ماريان في الفخ

المكان : دير أبونا سمعان بالمقطم

خرجت ماريان مع أصدقاء الكلية فهي في الفرقة الأولى من كلية الآداب إلى دير أبونا سمعان بالمقطم وكانوا حوالي أربع بنات وست أولاد من جروب المسيحيين في الكلية فحضروا القداس ثم قضوا اليوم مع بعض يأكلوا ويلعبوا ويصلوا في جو من الطهارة والحب والألفة . وكانت ماريان تحب القراءة جداً فتركتهم وذهبت إلى مكتبة الدير لوحدها حيث أنهم لا يحبون القراءة ودخلت معها فقط صديقتها أميرة اشترت تذكار من المكان وخرجت وتركتها تتفرج على الكتب.

اقترب منها شاب واضح أنه في الخمسة والعشرين من عمره وسألها : تحب أساعدك عاوزة كتاب معين ؟ نظرت له باستغراب لجرأته فوجدته شاب وسيم وقوي البنية وملابسه مهندمة وشيك ورائحة برفانه جميلة ونفاذة جداً ، فارتبكت وقالت له : شكراً وتركت المكتبة وانضمت لمجموعتها كانت ماريان في غاية الجمال والأنوثة ووجهها مريح وشعرها طويل وعينيها سوداء وبشرتها بيضاء وشيك جداً .

وجدت ماريان نفس الشاب جالس في مكان قريب منهم وأخذ يختلس النظر لها من حين إلى أخر وصار يلاحقها بعينيه وهي أظهرت أنها لا تراه وأنها غير مهتمة بنظراته ، وغيروا المكان في الدير وجدته يتبعهم وإن لم تلاحظه عرفته من رائحته النفاذة المميزة . قاموا ليلعبوا لعبة المنديل فأمسك احدهما المنديل فصاروا تسعة فخرج واحد عشان يبقوا أربعة أمام أربعة فاعترضوا وقالوا نجيب حد من برة يلعب معانا فهو كان قريب منهم فقال لهم : ينفع أنا ألعب معاكم أنا اسمي جورج ولعبوا وكان الوقت حلو وتعرفوا على جورج وتعرف هو على ماريان وتحدثا بعد اللعب عن الكتب وماذا اشترت وطلب منها بجرأة رقم تليفونها بحجة أنه سيجد لها الكتاب التي تبحث عنه للكاتب فيليب يانسي فاعطته نمرتها واعطاها نمرته فقد استلطفته جداً ورجعت للبيت لكنها لم تستطع أن تنساه

_____________

بعد عدة أيام في الكلية وبعد المحاضرة قابلت صاحبتها أميرة

 فقالت لها : تفتكر يمين هنا عند الكافتيريا  وبيسأل عليك ؟

ردت ماريان : مش عارفة

أميرة : جورج بتاع الدير فاكراه ؟

ماريان : ايوا فاكراه

أميرة : يابختك شكله معجب بك الواد زي القمر وحليوة

ماريان: اتلمي أنا مش بتاعة الحاجات دي

قابلت ماريان جورج وقال لها انه جاي مخصوص علشانها علشان حاجتين

ماريان : ايه هما

جورج: أولا اتفضلي الكتاب اللي انت عايزاه

فرحت وقالت : ياه جبته منين دا أنا دخت عليه ، وايه تاني حاجة

جورج : وحشتيني ومش قادر انساكي من ساعة ما شفتك وانا مشغول بك

وجدت نفسها تبتسم وقالت : ايه ياعم امسك نفسك شوية انت واثق من نفسك قوي

جورج: اعمل ايه نسيت نفسي مش بفكر إلا فيك والوقت اللي قضيته معاكي

تسارع نبض ماريان وخجلت جداً وتركته وهربت لاتدري ماذا تفعل ودخلت المحاضرة ولكنها لم تركز في أي كلمة غير كلام جورج لها وهي تسأل نفسها هل حقيقي بيحبها ولا بيتسلى بها؟

هي لا تنكر أنها معجبة به وعجبها اهتمامه بها فهي لا تطيق الشباب اللي في سنها فهو يكبرها بحوالي خمس أو ست سنين عاقل وأمور وفي انشغالها وصلت رسالة منه بيقول فيها انه منتظرها عشان عاوز يتكلم معاها بعد المحاضرة لوحدها بعيد عن أصحابها .

خرجت ماريان بعد المحاضرة وجدته مستنيها فمشيت ومشي وراها ونادى عليها فوقفت فقال لها : ممكن احكي معاكي ؟ وافقت وجلسا في ركن في الجامعة فقال لها : بحبك وعاوز ارتبط بيكي من غير لف ولا دوران فكري وردي علي . وتركها ومشى.

لم يعطيها فرصة للتفكير وبعد رجوعها للبيت كلمها وحكى معها وطالت المكالمات بالساعات والسهر وتعددت اللقاءات في الجامعة وبرة الجامعة وهي مستنية اخر كل ده ايه علشان تحكي لمامتها صديقتها .

واثناء ذلك كانت مامتها مشغولة قوي بترتيب فرح أختها الكبيرة ودايماً مع أختها مش فاضية لها

حكت ماريان بس لأميرة التي كانت تشجعها على استمرار العلاقة لانه عريس لقطة ما يترفضش وتقول لها كفاية انه بيحبك . قالت ماريان : نخلص من موضوع فرح اختي جاكلين وافاتح ماما في الموضوع . فقد امتلك قلبها دون أن تحس واحبته وتمنت ان تكون زوجته ، وقعت في فخ الحب دون ان تدري . فهل هو جدير بهذا الحب ؟!!

 

 

 

(2) الصدمة

لم يعطيها فرصة للتفكير فوافقت عليه فقد قال لها انه يعمل مهندس في شركة مقاولات كبيرة وله أخت واحدة وعايشين في العباسية وعنده شقة في العبور متشطبة .

انتظرت فرصة لكي تفاتح أمها ثم والدها في الموضوع بعد إتمام زواج جاكلين كما خططت

وجدته أمام الكوافير وكانت صاحبات جاكلين البنات كثيرين جدا وجدته ومعاه عربية فخمة ينتظرها فقالت لمن معها : هاركب مع واحد زميلي من الكلية اركبوا انتم مع العروسة وسأسبقكم على الفرح

فركبوا مع العروسة وجزء في عربية اخو العريس وركبت أميرة مع أخو العريس ورفضت تركب مع ماريان حتى لا تعكر الجو .

استقبل جورج ماريان بترحاب وطلع على الكنيسة في مدينة نصر وكان الجو حار جداً ، أعطاها مشروبها المفضل وشرب معها واعطاها شيكولاتة هي بتحبها وانطلق وراء السيارات للكنيسة

______________

كان الفرح جميل وانتهى الفرح ولم يلاحظ احد غياب ماريان وكانت أميرة بين لحظة وأخرى تنظر للباب وعلى المدعوين بتدور عليها ولكنها لم تأتي ، رنت عليها جرس ولكنها لم ترد فقالت أميرة في نفسها يمكن ماريان مش سامعة من الدوشة ويمكن راحت مع جورج مكان يحكوا مع بعض لكن ده مش وقته حتى اللبس اللي هي لابساه ما ينفعش تروح به حتة دي لابسة سواريه قلقت أميرة وانتظرت وانتهى الفرح ولم تظهر ماريان وسألوا الناس عليها ورد احدهم : دي ركبت مع زميل من زملاء الكلية وزمانها جاية يمكن يحصلونا على القاعة في دار المشاة .

ارتاح قلب الجماعة وأميرة لهذا الاقتراح ، رنت عليها أميرة ولكن المرة دي لقيت التليفون مغلق وغير متاح ورسالة تقول حاول الاتصال في وقت لاحق.

______________

فاقت ماريان وجدت نفسها عريانة على سرير فغطت نفسها وصرخت فدخل عليها جورج :

مالك في ايه بتصوتي ليه محدش هيسمعك احنا في حتة مقطوعة في اخر كرداسة

ماريان : انت عملت في ايه؟

فقال لها : عملت اللي بيعمله أي واحد مع مراته . واعطاها عقد الزواج بصورتها وصورته وفيه بياناتها كاملة ولكن تحت اسم زينب.

قالت: مين زينب دي قال لها جورج : دي انت زينب مراتي . وفي خانة اسم الزوج وجدته اسمه محمود شاكر فسالته: مين محمود شاكر ده مش انت اسمك جورج .

قال لها : مين يا ماما ده أنا محمود وانا شغال في اصطياد البنات الحلوة واتجوزها واخذ مبلغ كبير من جهة خارجية واردك للدين الصحيح وتصيري مسلمة مثلي واكون كسبت واحدة للاسلام علشان ماتروحيش النار فكري كويس ، انت مضيت على اشهارك لاسلامك وعلى عقد الزواج

ماريان : ازاي ده ان شاء الله ده تزوير

فقال لها : واحدة تانية عملت كده وانت متخدرة بمخدر قوي جدا جاي مخصوص من برة

ماريان: غشاش وكذاب وضحكت علي وانا حبيتك ، عملت نفسك خروف وديع وانت ذئب مفترس وافترستني

قال محمود بقسوة: شوفي بقى بلاش شتيمة انت مراتي وهاضربك وعلى فكرة كل اللي حصل بيننا متصور فيديو وصور فاضحة جدا ولو نطقتي أو حاولتي تهربي هافضحك ده لو عرفتي تهربي من أساسه  خرج محمود وسابها فبكت بكاء مر في انهيار ويأس ولا تدري ماذا تفعل.

 

(3) حيرة أهل

انفض الفرح وذهبت جاكلين إلى منزل زوجها ولم تفهم الارتباك الحادث بينهم فقد شعرت ان في حاجة غريبة حصلت ولكن لم يوضح لها أهلها ، ولاحظت اختفاء ماريان وكان أخر مرة شافتها عند الكوافير فقالت في نفسها يمكن حد زعلها وروحت

______________

قال أبو جاكلين لأميرة معاكي تليفون جورج ده قالت له لا ولا أعرف عنوانه ولا أعرف عمله كل اللي اعرفه عنه قلته لك .  حاول أخوها وأمها الاتصال بالتليفون ولكنه كان مغلق .

طلب أبو جاكلين الأستاذ ثابت من ريمون أخو ماريان أن يوصل أميرة لبيتها لان الوقت تأخر ، وراح يسأل في المستشفيات المحيطة بالمنطقة وفي الأقسام طوال الليل وهو عارف انه مش هينفع يعمل محضر اختفاء قبل 24 ساعة على الأقل.

هل خطفها جورج ولماذا لم يتصل ليطلب أي حاجة ، فلوس ، أي حاجة ، ولماذا يخطفها لو أتقدم ليتزوجها انا مش هارفض ، خلينا نفرح نستنى شوية بس تاخد الشهادة على الأقل خطوبة ، بس راحوا فين؟

رجعت مامتها البيت مع خالها القادم من البلد وتركت الاب يلف بالعربية من قسم الى قسم ومن مستشفى الى مستشفى واحتار جداً ولم يجد تفسير يطفئ نار قلبه ورجع على وش الفجر دون أي اخبار فانهارت أمها وتحول فرحها بجواز جاكلين الى حزن لاختفاء ماريان.

______________

مر ثلاث أيام والدموع لم تفارق ماريان ولم تاكل وكانت في حالة اعياء شديد دخل محمود عليها وقال لها انا صابر عليكي اوعي تفتكري انك ها تصعبي علي براحتك هاتموتي ، انا عايزك تاكلي وتمسحي دموعك علشان عاوزين نعمل حاجة مهمة علشان تكلمي اهلك .

فانتفضت ومسحت دموعها وقالت له : امتى ؟ دلوقتي ؟

فقال لها : لو اكلتي وترك الاكل امامها . فالتهمت الاكل لانها كانت جائعة جداً وخرجت الى الانتريه الذي لم تراه منذ دخولها الشقة ، وقد كانت شقة بسيطة ولكن واسعة وكاملة بكل وسائل الترفيه .

لاحظها محمود تتفرج على الشقة فقال لها : ايه رأيك دي شقتي كونتها من الشغلانة دي بس انت مختلفة عن أي بنت اصطدها ، لم اضغط عليك من اول يوم تركتك براحتك عارفة ليه ، انا برضه جوايا قلب انا حبيتك بجد وهاخليك على ذمتي مش هارميك رمية الكلاب بعد ما افضحك واخذ اللي عايزه منك واخذ الفلوس من الهيئة.

خذي التليفون وهاتقولي اللي هاقوله لك واخرج مسدس وصوبه تجاهها وقال لها هاتقولي جملتين

انك بقيتي مسلمة واتجوزتي محمود ومش راجعة تاني وانهم ما يدوروش عليكي

ماريان: بس انا مش عايزة أقول كده

محمود: يعني انت مش عايزة حياتك غير اني هابعت الصور والفيديو لاهلك عشان يموتوا بالحسرة والكسرة عليك

ماريان: صارخة لا ارجوك لا تكسرهم كفاية عليهم الصدمة

محمود: خلاص اسمعي الكلام ولو سمعتي الكلام مش هاذيكي ونتفاهم هنعمل ايه

طلبت ابوها ورد عليها وعرف انها ماريان  قالت له : انا بقيت مسلمة واتجوزت محمود وماتدورش علي لاني مش راجعة تاني وابعتوا لي كتب فيليب يانسي . وقفلت السكة

محمود: كتب ايه اللي عاوزاها انا ما قلتش تقولي كده وضربها فوقعت على الأرض باكية ثم قامت ودخلت حجرتها وكانت تتمنى ان يفهم ابوها من موضوع فيليب يانسى انها مع جورج اللي جاب الكتب.

انهارت أمها من الاخبار وجاءت اميرة لتطمئن عليها وعرفت ما حدث فقالت اميرة :

كده انا فهمت جورج هو محمود هو ضحك عليها وهددها وماسك عليها حاجة علشان تقول كده وحكاية فيليب يانسى تؤكد انها مهددة ومش بتقول اللي هي عايزاه.

حقيقي واضح جداً انا بلغت البوليس واديتهم مواصفات جورج ده دلوقتي عندي معلومات اكتر انه مش جورج وان اسمه محمود وانه اتجوزها بالاكراه وهددها باشهار اسلامها اكيد العملية فيها ابتزاز واضح وواضح انها مجبرة

______________

انتشر على الفيس بووك تحذيرات من جورج الذي يدعى محمود وحكايته مع ماريان وطالبوا من يجدها يتصل باهلها لانهم لا يعرفوا مكانها وتبنت حملة التوعية تلك اميرة صاحبتها ، وحاول احد اصدقائهم ان يرسم صورة مقربة لمحمود وان ينشرها حتى يحذروا البنات منه ولكن لا محمود ولا ماريان عندهم نت ولا بيفتحوا الفيس بووك فتليفونه عادي جداً وتليفون ماريان كسر شريحته وباعه

______________

بعد مرور شهر ولا حس ولا خبر عن ماريان ولم يرحمها محمود بل اغتصبها عدة مرات باعتبارها زوجته . واتت الفلوس من الهيئة ثمناً لها واشترى لها بعض الملابس المنزلية وكانت ماريان دائماً حزينة مكسورة مهمومة ، وشبابيك البيت كلها حديد والباب مصفح ومغلق ومن خلال الحديد وجدت مساحات زراعية شاسعة لاتنتهي والشباك الاخر بالمثل وعلى البعد طريق واضح عليه يافطة مكتوب عليها كرداسة اخذت ماريان قرارها التحدي ولن يجبرها احد على ايمانها واخذت تصلي للرب يسوع بحرارة بالساعات الطويلة مرددة المزامير التي حفظتها من صباها وتردد دائماً "ادعني في يوم الضيق انقذك فتمجدني" وطلبت من الرب ان ينقذها. وكانت تكتب من الذاكرة كل الايات التي حفظتها وكانت يومياً تصوم حتى الساعة الثالثة ظهراً وتصلي يومياً ما يقرب من ثلاث ساعات وكان محمود يخرج ويرجع لها في المغرب. وعرفت انه كان يكذب عليها وانه معاه بكالوريوس تجارة والعربية اللي كانت معاه مأجرها وانه يعمل محاسب في شركة ، وكان له اخت اسمها رباب تأتي باستمرار لتزورها فقد كان عندها نسخة من المفتاح فكرت ماريان ان تضربها وتاخذ المفتاح وتهرب ولكنها تراجعت خوفاً من ان يكون وسط اهله وهي مش عارفة المكان .

كانت رباب بنت طيبة وعلى فطرتها ولكنها كانت تخاف من محمود فكانت تاتي بالخضار وكل مستلزمات البيت زي ما بيوصيها محمود . وسألت ماريان : ليه يا زينب مزعلة جوزك ليه وحابسك ومنعك من اهلك؟ هو قايل لنا كده وان ابوك الحاج ثابت ماكنش موافق على الجوازة فاتجوزتوا في السر وبعد كده عايزة ترجعي لاهلك .

ماريان: هو فهمكم كده ؟

رباب: هو في حاجة غير كده؟

ماريان : في حاجات كتير لما ييجي وقتها احكيها لك.

لم تحكي ماريان خوفاً من ان تكون بتدعي البراءة وتدخلها في مشاكل فهي لا تثق في احد بعد اللي حصل لها أصبحت حريصة جداً في كل كلمة وكل شخص تتعامل معه .

رباب : انت محتاجة حاجة شخصية؟

ماريان: مش هاكسف منك عايزة فوط صحية.

رباب بحرج : هو ما تمش ؟

ماريان : لا ماتمش يا حلوة بلاش كتر كلام هاتيهم معاكي كمان شوية مش هاينفع استنى لبكرة.

رباب : حاضر يا مرات اخويا (قالتها ضاحكة) وتركتها وأغلقت الباب وراها بالمفتاح .

بعد قليل رجعت واعطتها الفوط ومشيت مسرعة  . وكانت ماريان تشكر الله لانها لم تصبح حامل ولكن الى متى ؟ فقد تحول الحب اللي جواها الى كراهية ومرارة وجرح وفكرت ان تموته او تموت نفسها من حيرتها ويأسها وتعبها ، فهي ضعيفة جدا ومش بيدها شيء ولا تعلم ماذا تفعل؟

 

 

 

 

(4) التحول العجيب

قال ثابت لزوجته مرت ثلاث اشهر ولا حس ولا خبر من ساعة المكالمة إياها .

الزوجة : انا واثقة ان ربنا سيستجيب صلاتي وستخرج من الازمة دي.

ثابت: حاسس بكده وايماني بيطمني مع ان الواقع مش باين أي حاجة ولكني واثق في الرب.

___________

ماريان قررت انها تتسلى بأن تقرأ فهي كده كده محبوسة فقامت بترتيب المكتبة التي كانت مليانة بالكتب فنزلت الكتب ونظفت المكتبة ورتبت الكتب ، كان موجود كتب إسلامية وكتب تراثية وروايات متنوعة وكتب عن المحاسبة والتجارة مجال عمل محمود وكتب نفسية وفلسفية وكتب تهاجم المسيحية. وفرحت وتهللت فقد وجدت انجيل العهد الجديد واخذت تقبله كمن وجد كنز ثمين فهي قد قررت أول قرارتها  انها ستعيش مسيحية وتموت مسيحية مهما حدث حتى لو غيروا الاسم والبطاقة لن يغيروا قلبها فلن تعبد الا يسوع المسيح . كما وجدت كشكول فيه أسماء وتليفونات وعناوين ونبذة عن كل شخصية اوقعها محمود وضحك عليها بطريقة او باخرى حتى يدخلها الإسلام فلم يتجوز الا ثلاثة منهم فهم سبعة وأربعة كتب عناوينهم ولم يكتب ماذا كان مصيرهم ، فقامت وكتبت كل الموجود في الكشكول في كشكول اخر واحتفظت به لوقت الحاجة له ، كما وجدت تحاليل من مراكز الخصوبة والعقم في درج المكتب كلها تقول ان محمود غير قادر على الانجاب وفرحت بهذا الخبر جدا فلم تتوقعه .

والعجيب الجوازات الثلاثة في خلال ست سنوات وهو كان عمره عشرون عام او اقل فهو يعمل مع الهيئة من صغره .

وضعت التحاليل في مكانها ولم تنظفهم كأنها لم تأتي عندهم وتركت المكتب كما هو .

رتبت الكتب من جديد وطلعت الكتب اللي عجبتها كانوا ما يقرب من عشرون كتاب ورواية من روايات احسان عبد القدوس ونجيب محفوظ ومصطفى محمود ونبيل فاروق خليط ثقافي

_________

واخذت ماريان تقرأ الكتاب المقدس بنهم كأنها تقرأه لأول مرة وتقرأ وتبكي فكأن الكتاب المقدس جديد بالنسبة لها الى ان وصلت الى الاية التي تقول "احبوا اعدائكم باركوا لاعينكم احسنوا الى مبغضيكم وصلوا لاجل الذين يسيئون اليكم " . ازاي احب محمود وازاي اباركه ولا العنه وأتمنى له الموت وازاي احسن اليه واصلي لاجله ، كيف اسامحه واصلي له وقد اذاني نفسيا وجسدياً وروحياً واجتماعياً ، قد سرق احلامي وقتل البسمة على شفايفي وانا اللي كانت ضحكتي بتجلجل الدنيا ازاي انفذ الوصية د يده اغتصبني وضحك علي بالحب وخطفني وكذب علي ومثل على ازاي احب ذئب مفترس ازاي ، كان نفسي افرح بفستان الفرح وبالزفة والكنيسة وعند هذه النقطة من التفكير بكت بدموع غزيرة بدموع انكسار وسجدت على الأرض وبكت وطلبت من الرب المعونة والإنقاذ والقوة فهي ضعيفة وليست فيها قوة ولكن اعينها نحو الرب وطلبت : حول ضعفي لقوة والكسرة لنصرة وارفع رأسي بعد ذلي وصلت لاجل محمود ان يغفر له الرب ما عمله وان يغيره كما غير شاول الطرسوسي ويصير مسيحياً ويكرز باسم الرب. فقد سامحته على ما فعله معها وغفرت له الإساءة التي عملها معها.

وفجأة فاض في قلبها حب الهي لم تتذوقه ولا عرفته من قبل حب لكل الناس حب لمحمود ورباب وكل من اساء اليها واخذت تشكر وتسبح الله وترنم ما يقرب من ساعتين وقامت انسان جديد قامت ونظفت الشقة ولم تكتفي بالاكل التي عملته رباب عملت اكل تاني وجعلت الشقة جنة وقد قررت ان تبدأ حربها فهي انثى ولكن الله قوتها ورجلها ومعين لها

_____________

فتحت رباب الباب بالمفتاح وتعجبت من الشقة ونظافتها ورائحة الاكل الذي يفوح منها ووضعت المستلزمات على السفرة وقالت لها : خير ايه اللي حصل يا زينب .

ماريان : تحبي تعرفي الحكاية انا دلوقت ممكن اقولك سري فانا لا أخاف بني ادم او أي حاجة .

رباب : طيب ممكن اعمل كوبين شاي واجي اسمعك على رواقة . ذهبت رباب تعمل الشاي ورجعت

ايه يا ستي الحكاية

ماريان : أولا انا مش اسمي زينب انا اسمي ماريان ثانياً انا مسيحية ثالثاً محمود خاطفني وعقد الجواز مزور هو ده السر

رباب : مش معقول محمود يعمل كده في بنات الناس هو اتجنن ولا ايه يرضى حد مسيحي يعمل معايا كده يعمل مع اخته كده ، اخص عليه ازاي . انا هاهربك دلوقتي واديلك فلوس تروحي لاهلك ويحصل اللي يحصل ده ابوه لو عرف هايقاطعه ابوه في الشقة اللي في اول الشارع راجل كبير ومحترم . لمي هدومك ويالا اهربي بسرعة

ماريان : لا انا مش هاهرب

رباب: ازاي انت مجنونة انا مش فاهمة حاجة

ماريان : المسيح عيسى ابن مريم وصانا ان نحب اعدائنا ونباركهم ونصلي لاجلهم وانا بحب محمود بالرغم من هذا لانه كان عدوي

رباب : انت انسانة عجيبة لو انا مكانك كنت قتلته ازاي انت كده؟

ماريان : المسيح خلاني كده تحبي تعرفي عنه اكتر ؟ وما يقرب من ساعة ونصف قدمت لها المسيح المخلص الذي يحب رباب ومات عشانها على الصليب وكانت رباب تسمع بكل انصات واهتمام ثم تركتها ولم تغلق الباب خلفها وقالت لها : سيبيني افكر في اللي انت قولتيه والمفتاح معاك عايزة تمشي امشي عايزة تقعدي اقعدي.

عندما جاء محمود وفتح الباب لم يجده مغلق بالقفل ولام رباب جداً وتوقع ان تكون ماريان ليست بالداخل دخل الشقة وجدها جنة جميلة ونظيفة ومرتبة ورائحة الطعام الذكية تملأ المنزل وجاءت ماريان مرحبة به وقالت له :

ماريان: حمد الله ع السلامة يا محمود

محمود : في ايه بتستقبليني كمان بترحاب ! والشقة جميلة والاكل ريحته تجنن

ماريان : كل الأول ، النهاردة عملت لك الاكل بايدي مش اكل رباب

محمود : (مستغرب) ماشي يا ست ماريان

ماريان : هههه ما قلتش زينب

اكل محمود الاكل وكان طعمه حلو قوي وقال :

ما انت شاطرة اهو ياخوفي تكوني حاطة لي سم في الاكل

ماريان: ما تقلقش ، تشرب حاجة ؟

محمود : وكمان اشرب بعد الاكلة الدسمة دي اشرب شاي في نعناع ؟

ماريان : ايوا رباب جابت لنا

محمود : خليه شاي بالنعناع

احضرت ماريان الشاي بالنعناع وقعدت معاه في الانتريه

محمود : ايه يا ستي حكايتك ايه ؟

أخرجت ماريان مفتاح الشقة واديته لمحمود

محمود : مفتاح ايه ده ؟

ماريان : مفتاح الشقة رباب اديته لي

فقام مفزوع ازاي ده حصل ؟

قامت ماريان وقالت له اقعد ما انا قدامك ما هربتش ، جلس وقال مش فاهم حاجة

ماريان : افهم وبلاش مقاطعة اولاً انا حبيتك الأول وكنت أتمنى أكون مراتك بس الأسلوب اللي اتبعته ما ينفعش معايا . ثانياً : انت اجبرتني أكون مسلمة وانا لن أكون مسلمة انا مسيحية وهاموت مسيحية ولو كان هدفك الفلوس انت اخذتها فلماذا لم تتركني مثل الفتيات التانية اللى انت قلت لي عليهم ؟ انت عاوزني لسبب ما قد يكون الحب ، قد تكون الخلفة ولو كان هدفك اني أكون مسلمة وبجد هدفك الرسالة اقنعني بالإسلام يبقى كسبت نفس بجد ونتجوز بجد برضايا مش بالتزوير والغصب . ولا انت مش عندك حجة تدافع بها عن قضيتك وما تعرف شالا الخطف والخديعة والاغتصاب والطرق الملتوية

محمود : اولاً ما انكرش اني حبيتك علشان كده خليتك.

ثانيا: لا انكر اني عايز طفل يحمل اسمي ولم تستطع الزيجات السابقة ان تفعل هذا

ثالثاً : لدي حجة لاقنعك بالإسلام.

ماريان : عندي شرط ينفع أقوله ولا لأ

محمود : اشرطي

ماريان : لا تقترب مني جسدياً حتى تقنعني بالعقل وبالتي هي احسن زي ما بتقولوا لو اقنعتني هاكون زيك واعمل كل اللي انت عاوزه.

محمود بعد تفكير : موافق بس ازاي رباب اديت لك المفتاح ؟

ماريان : رباب عارفة كل حاجة وصعبت عليها وقالت لي اهربي ولكني مارضيتش اهرب

محمود : ازاي ليه ما هربتيش ؟!

ماريان : عشان الهي علمني احب اعدائي وانت صرت لي عدوي ولكن محبة يسوع غمرتني فصرت احبك وسامحتك على كل اللي عملته في

نظر لها محمود باستغراب من كلامها وثقتها بنفسها واكملت قائلة :

لازم تعرف يا محمود انت هتعرف المسيح وهاتصير مسيحي وهاتتجوز جواز مسيحي وهالبس فستان الفرح الأبيض اللي حرمتني منه والزفة اللي حرمتني منها

محمود ضاحكاً : ايه الثقة دي كلها عشم ابليس في الجنة حاولي لو قدرتي . يعني انت مش عايزة تمشي وقاعدة برضاك طيب انا قبلت التحدي .

 

(5) حج مقبولاً

لم تنم ماريان قضت طول الليل تصلي لاجل نفسها ولاجل خلاص محمود ورباب ولاجل اسرتها . لم تصلي في حياتها مثل هذه الأيام من ساعة ما دخلت بيت محمود فكانت تصلي وتقرأ تقريباً ليل نهار وطلبت معونة وقوة الهية فهي ضعيفة ولكنها بطل بالهها .

كانت تشعر بيسوع كشخص حاضر ويملئها بفرح لاينطق به ومجيد وحب وسلام يملأ قلبها وعقلها فهرب الحزن وهربت الكآبة وكانت تثق ان المتحكم في ظروفها مش محمود ولا غيره بل ضابط الكل رب المجد يسوع المسيح هو حبيبها وملكها .

عندما استيقظت بعد نوم بسيط على وش الفجر كانت رباب قد جاءت ومعها الطلبات التي طلبها محمود قالت رباب وهي ترص الأشياء في الثلاجة : انا مستغرباكي جداً لم اقابل مسيحية زيك في ايمانك وفكرة اني اعرف ربنا معرفة شخصية جديدة علي كان كل همي ان اعمل حسنات ولا اعمل السيئات حتى اروح الجنة مش في بالي صاحب الجنة انا اللي مهمة وليس هو ولكن فكرة الحسنات لم تعطيني يقين اني لي مكان في الجنة .

ماريان : بصي يا رباب – احنا المسيحيين لينا مكان في السماء ليس على حساب اعمالنا بل على حساب ايماننا ونظهر ايماننا باعمالنا ويصير ايماننا عامل بالمحبة للاخرين فنمد لهم يد الرحمة ومحبة لله فنعبده

رباب : انا مش فاهمة الكلام ده قوي

ماريان : عموماً في بعض القصور في فكرة السيئات والحسنات دي مش قادرة استوعبها

رباب : أي قصور ده ازاي يعني؟

ماريان : فكرة حسناتي اكبر من سيئاتي تدخلني الجنة ولو سيئاتي اكتر من حسناتي ادخل النار

رباب : الحسنات تذهبن السيئات

ماريان : ما علينا لو الحسنات اقل من السيئات ستبقى سيئات ضدي السؤال ماذا يحدث اذا كانت الحسنات تساوي السيئات الواحد يروح فين . وكمان من ناحية المنطق في القوانين العادية لو واحد سرق ووعد انه مش هيعمل كده تاني ويوعد باطعام عشرة افراد هل ده كافي حتى لا يعاقب على سرقته ؟ ! لا يجب ان ينال عقاب سرقته وتوفي للقوانين حقها

رباب : كلميني اكتر عن المسيح وعن شخصيته مش عن المسيحية

ماريان : المسيح عيسى ابن مريم هو الله المتجسد هو خالق الكون الله ظهر للناس في جسد المسيح المسيح اتخذ له جسد ليقترب من الناس المسيح هو المخلص والراعي ونور العالم وملك الملوك ورب الارباب هو مازال حي يسمع صلاتنا ويحافظ علينا وهو صعد الى السماء بعد صلبه وموته على الصليب لاجل خطايانا وسوف يعود مرة أخرى من السماء لكي يدين الناس على افعالها وافكارهم ونياتهم واسرارهم وياخذنا معه ونصعد اليه ونكون معه

رباب : صحيح لا تاتي القيامة الا بعد مجئ عيسى ابن مريم ديان العالمين فهو وجيهاً في الدنيا والاخرة

ماريان : كده انت فهمت كل حاجة من الجلسة اللي فاتت عن المسيح ايه رايك؟

رباب : في ايه ؟

ماريان : في الكلام اللي سمعتيه

رباب : بس في حاجات مخوفاني قبل كده بنت عمتي اخلاص بقيت مسيحية وأهلها قتلوها وانتم كمان بتقتلوا الناس في الكنايس وبتشربوا دمهم

ماريان : ايه الكلام الفارغ ده جبتيه منين ؟

رباب : هم قالوا لنا كده عشان كده عندكم مذبح وذبيحة وبتشربوا الدم وتاكلوا الجسد

ماريان : ايه الأفكار المغلوطة دي هم قالوا لك كده ؟ ! كلها حاجات رمزية المذبح والذبيحة دي قربانة اللي بتشوفيها دي

رباب : ما شفتهاش قبل كده

ماريان : القربانة دي القرص الكبيرة بس زي العيش الفينو بس بنصلي عليها وترمز لجسد المسيح والدم ده نبيذ وهو عصير العنب رمز لدم المسيح ده ببساطة بدون شرح

رباب : يعني مش بتشربوا دم وبتاكلوا لحم على المذبح؟

ماريان : لا طبعاً ده احنا مش هانبقى بشر نبقى اكلي لحوم البشر

رباب : قالوا لنا انكم نجسين لانكم مش بتستحموا وبتاكلوا لحم الخنزير وبتعملوا علاقات مع بعض في الحرام قبل الجواز زي أمريكا وأوروبا

ماريان : ازاي يعني انت شايفاني ازاي انا قذرة مش باستحمى

رباب : لا لامواخذة انت زي الفل

ماريان : كمان هو احنا لاقين لحم الخنزير احنا عندنا مش الاكل اللي بينجس البني ادم ولكن اللي بينجس الانسان مش اللي بيدخل فيه لكن اللي بيخرج منه زي الشتيمة والنجاسة والعارة والزنى والافعال الرديئة " من فضلة القلب يتكلم فمه " لوكان القلب نجس يتكلم الفم بالنجاسة واذا كان المسيح قال من نظر الى امراة ليشتهيها فقد زنى بها في قلبه ازاي بقى بنستحل الحياة في النجاسة ما تحكميش على المسيحية بما يحدث في أمريكا وأوروبا باسم الحرية الشخصية هم بعاد كل البعد عن المسيحية.

طال الحديث واستفسرت رباب عن أشياء كثيرة وكانت ماريان تجيبها بحكمة وببساطة في روح الصلاة حتى جاء محمود من الشغل ومعه حاجة في يده قائلاً لماريان : محضر لك مفاجأة

ماريان : مفاجأة ايه ؟ سلمها بطاقة شخصية باسم زينب ثابت

بطاقتك الجديدة والديانة مسلمة

صعقت ماريان

والمفاجاة الثانية هنسافر مع بعض بصفتك مراتي نعمل حج كمان بعد شهر استعدي

نزل الخبر كالصاعقة على ماريان ونظر محمود لها نظرة تشفي وقال :

 بقولك عشم ابليس في الجنة يا حاجة زينب

مرت الأيام سريعة وكانت ماريان تستعد للحج بالصوم والصلاة للرب يسوع وكان محمود بيقعد معاها يفهمها الإسلام والعقيدة الاسلامية ويكلمها عن محمد وهي كانت تسمعه وتحاوره واكتشفت انه واسع المعرفة ويرد على الحجة بالحجة وفاهم الإسلام ووجدت صعوبة في مسايرته وهو حس انه قرب ينتصر عليها ويجعلها مسلمة بجد باقتناع وليس بالاكراه .

وهي قدمت له المسيحية ولكن لم يقبل فافكاره عن الله والمسيحية والمسيح من منظور إسلامي فهل تخضع له وتصير له زوجة مسلمة؟

حزنت على الأيام التي اضاعتها ولم تتعلم فيها الكتاب المقدس والتعاليم المسيحية كما ينبغي حتى تكون مستعدة لمثل هذه الأيام صحيح ان ايمانها قوي مبني على العشرة ولكنها لا تعرف ان توضحه وتجادل به شخص دارس ومتطلع زي محمود .

سافروا معاً الى الحج وتحجبت ماريان ولبست ملابس الحج وكانت تخاف ان يظهر الصليب المدقوق على يديها ويسبب لها مشاكل وكانت تصلي للمسيح وتطلب مساعدته في هذه المحنة وكانت تلف حول الكعبة وتصلي وتسبح الرب يسوع عسى ان يهد اسوار اريحا وتسقط الاسوار دي في حياتها وكان الجمع والجو مليان بالشجن والعواطف فعرفت لماذا يرجع المسلم فرحان بحجه

دخلوا حجرة الفندق ولم يتكلم محمود بكلمة واستغربت رد فعله وقال لها : اتركني وحدي ودخل الشرفة ليلاً يناجي ربه

وفي الفجر دخل الحجرة وقال لماريان وكانت هي مازالت مستيقظة تصلي: ماريان عايز أتكلم معاكي

ماريان : عايز ايه ؟ وايه اللي شاغلك كده وحابس نفسك للفجر في البلكونة؟

محمود : ماريان انت انتصرتي بصلواتك . عايز أكون مسيحي واتعمد وانا اسف على كل حاجة عملتها معاكي

ماريان : مصدومة ومستغربة ازاي ؟ ايه اللي حصل ؟

محمود : هاحكي لك بالتفصيل

 

(6) ذئب يصير حمل

محمود : من يوم كلمتيني وانا اشرح لك الإسلام كنت حاسس انك الأقوى ولست ادري كيف مع اني صاحب الحجة ولكني كنت خايف منك ومن صلاتك ومحبتك رغم ما حدث هزتني من الداخل واللي عملتيه مش عمل بشري ده عمل الهي فلم اعرف بشر يستطيعوا ان يقاوموا الشر بالخير هكذا . انا درست ما قلتيه لي وان كنت غير قابله ولكني لا انكر انه معقول ، دبرت موضوع الحج حتى اخذ قراري واعرف الله الذي ينادي به الإسلام اكثر ، وانا اطوف حول الكعبة انفصلت عن الناس كلها ووجدت المسيح عيسى ابن مريم فوق الكعبة يشاور لي ويقول انا المسيح عيسى ابن مريم انا احبك وغفرت لك كل إساءة وكل ما عملته في بناتي ونعمتي تغطيك ، انا مت عشانك على الصليب ولما ترجع مصر تب واتعمد لان لي رسالة عايزك تعملها لاني دعوتك لخدمتي واستخدمك في ربح النفوس ثم اختفى.

ارتعبت وجئت الحجرة ودخلت البلكونة اناجي ربنا وافهم هو عايز ايه واخذت قراري ان اتبع عيسى ابن مريم واكون مسيحي واتعمد ، يسوع المسيح انتصر علي بحبه وقوته . بكرة نرجع مصر وهاصير جورج مش محمود وانت ماريان مش زينب.

عندما رجعوا الى مصر بملابس الحج ولكن بقلوب مختلفة وقرارات مختلفة

بعد ذهاب المهنئيين واكلوا وجلسوا وهو غير مدرك ماذا يفعل جاءت اليه ماريان ونظرت لحيرته وقالت له بص يا حج محمود . ضحك محمود واخذها في حضنه بحب فلم تمانع ثم جلسا معاً

اولاً : في حاجات خاصة بك وحاجات خاصة بي

جورج : ايه ياستي امرك

ماريان : الحاجات الخاصة بك (من امن واعتمد خلص) ان اعترفت بفمك بالرب يسوع وامنت بقلبك خلصت .

جورج : يعني اعملها ازاي ؟

ماريان : قل للمسيح يا يسوع عيسى ابن مريم انا باعترف انك الله المخلص باتوب عن خطاياي واؤمن انك مت لاجلي على الصليب ودفنت وقمت في اليوم الثالث وصعدت الى السماء لاجلي . بافبل خلاصك ادخل قلبي وامتلك حياتي .

قال محمود هذه الكلمات وكانت دموعه تنهمر من عينيه وعندما قال ادخل قلبي وامتلك حياتي واغفر خطاياي غمره فرح لا ينطق به ومجيد وشعر بان خطاياه قد زالت فلم يقاوم الدموع وركع في الانتريه وبجانبه ماريان وضعت يديها على كتفه لتعضده وتشجعه وقام محمود بعد الصلاة انسان اخر وقد تحول الى حمل واخذ يبكي على خطاياه والزنى الذي عمله مع البنات والخداع والكذب وضياع بنات وموت بنات وقتلهم . قام ومسح دموعه وقال لا يكفي اريد ان ارجع البنات للمسيح وان امكن ارجعهم للمسيح ولبيوتهم واهلهم

ماريان : هو ده عين العقل وانا كنت هاقولك كده . اما ما يخصني بعد ما تتعمد نتجوز جواز مسيحي نفسي البس فستان فرح ابيض والبس شبكة واتزف ويصلى لنا في الكنيسة .

نظر لها محمود وقال هاعملها لك سهلة . وهاعمل ايه في البطاقة . ضحك وقام وفتح الشنطة واعطاها بطاقتها باسم ماريان ثابت

ماريان : وفين بطاقة زينب ؟

محمود : دي بطاقة مضروبة مش حقيقية لو دققتي فيها تكتشفي انها مش اصلية

سمح لها محمود بالاتصال باميرة صاحبتها وفهمتها اللي حصل وطلبت منها ان تفهم باباها على ان يتقابلوا هي ومحمود معه في كافيه في المهندسين ويكون وحده.

فرحت الاسرة بالاخبار وتعجبوا من معاملات الله ومعيته لبنتهم .

ذهب الأستاذ ثابت الى الكافيه المحدد وتعانق مع بنته وقبلها وبكى بالدموع عليها وكان فرحاً وقال لها حمد الله على سلامتك وكان يريد ان يمسك في زمام محمود ولكن حديث اميرة نبهه ان يأتي ويكون حذر قصت ماريان لابيها ما حدث من لقاء محمود مع الرب ولم تحكي ما فعله معها حتى لا يغضب وطلبت من ابيها ان يمهد لرجوعها للبيت وان يتقدم محمود باسم جورج كأنه شخص اخر قد اتى للارتباط بها ولا يفضحه ويقول انه سبق وخطفها . ( وفيما هم يتكلمون)

اقتحم البوليس الكافيه والقوا القبض على محمود وكانت تقودهم اميرة وقالت هو ده الذئب اللي افترس وخطف صاحبتي فالقوا القبض عليه فقامت ماريان وقالت : من قال هذا ؟ انا كنت مختفية مع زوجي وهذا عقد زواجنا واعطته للضابط فقال : هل حضرتك زينب ؟ قالت : نعم  ودي بطاقتي واعطته البطاقة التي تحمل اسم زينب ، فأمر العساكر ان يتركوا محمود وتوجه لاميرة وقال : لو سمحتي اتاكدي من معلوماتك الأول وتركهم ومشى فانهار محمود على الكرسي واتحرجت اميرة وقالت انا اسفة ولكني مش فاهمة حاجة توقعت اتصالك بي تحت ضغط ومقابلة عم ثابت نوع من أنواع الابتزاز.

قالت ماريان لباباها : موافق على اتفاقنا ؟

قال : موافق بس انت مش ها ترجعي ؟ نظرت لمحمود فهز راسه بالموافقة على الذهاب مع باباها فقالت لباباها : انا جاية بكرة ورايا حاجة مهمة هاعملها ونظرت في عينيه وقالت ما تخافش علي ونظرت لاميرة وقالت شكرا على محبتك ممكن ما حدش يعرف الموضوع من الشلة فقالت اميرة : حاضر

فقال لها الاب : طيب ها وصلك ازاي ؟

قالت ماريان : على نمرتي اتصل وهارد عليك

نظر لمحمود نظرة توسل فقال محمود : لا تخف يا عم ثابت بنتك في عيني دي لها فضل علي

تركهم ثابت واميرة ونظر محمود لماريان : انت ماروحتيش معاه ليه

قالت ماريان : عشان خاطر رباب اختك هي مستنياني وانا وعدتها ارجع لها

فقال محمود : شكراً

ماريان : شكراً على ايه

محمود : كان ممكن تحكي كل حاجة للبوليس ويحبسوني وتخلص القصة كده وتخلصي مني

ماريان : لا يا محمود لا تجازي الشر بالشر جازي الشر بالخير وانا ما اقدرش اعمل الشر واخونك بعد ما استامنتني . بس على فكرة انت اتغيرت قوي من ساعة ما رجعنا من السفر ، كلامك ملامحك أسلوب تفكيرك قلبك

محمود : انتم بتقولوا ده عمل النعمة . ضحكت ماريان : حقاً عمل النعمة

(7) تحدي رباب

قالت رباب لماريان : انا مش مصدقة اللي بيحصل محمود يتغير كده ، ده عمره ما خدني في حضنه ولا طبطب علي ودايماً بيخوفني

ماريان: ده عمل النعمة ، دهب يقرأ الكتاب المقدس بشكل مختلف وبيصلي ومشتاق جداً يتعمد ، وانت بقى ايه مشكلتك

رباب: عايزة الحقيقة كلامك وصلاتك ومحبتك لي فارقة معايا كتير ولكن مشكلتي في عبد الرحمن انا بحبه وهو بيحبني ومتفقين على الجواز ولو بقيت مسيحية صعب اتجوزه وانا ماقدرش استغنى عنه.

ماريان : مين عبد الرحمن ده؟

رباب: ده جارنا وصاحب محمود بس محمود ما يعرفش لو عرف هيموتني ، انا في تالتة كلية زي ما انت عارفة وهو خلص دراسة وبيشتغل محامي في مكتب محاماة في وسط البلد وعنده شقة هنا في المنطقة وهو مستني اخلص جامعة ويتقدم لي. صعب علي اسيب عبد الرحمن.

ماريان : انا مقدرة مشاعرك ، عموماً انا مش هاضغط عليك وهاصلي لك

تركتها رباب وحدها ومحمود كان راح مشوار ولم يرجع دخلت حجرتها وركعت عند السرير وصلت بحرارة لاجل رباب فهي لاتقدر على عمل شيء فهي ضعيفة جداً وقوتها في الرب الهها فصلت لاجل الحرية لرباب وسقوط عدو الخير وان تزورها النعمة وتهيئ قلبها وصلت لاجل عبد الرحمن نفسه ان يخلصه الرب وان كان بيلعب ويتسلى بها يتفضح وينكشف.

جاء محمود وراها تصلي فلم يقاطعها وتعجب لانها تركع زي المسلمين اللي بيعتبروا ان الركوع ده يميزهم ولكن ركوع ماريان بيهز جبال ويذوب قلوب ويصنع معجزات وقال في قلبه حقيقي البنت دي قد ايه قوية وقد ايه جميلة ازاي اهنتها وذلتها كده وهي ما تستحقش كده يارب ساعدني اعوضها على اللي عملته فيها.

خرجت ماريان من حجرتها ووجهها منور والضحكة تملأ وجهها الجميل فزاد جمالها فقال لها محمود :

ايه الجمال ده

ماريان : شكرا يا عم محمود عايزاك في حاجة مهمة

محمود : حاجة ايه ؟

ماريان اعطته الكشكول اللي فيه أسماء البنات اللي حولهم بالاكراه والفضيحة

محمود : جبتي الكشكول ده منين ؟

ماريان : من المكتبة انت ماخدتش بالك اني رتبتها

محمود : عايزة ايه ؟

ماريان : عايزة نرجعهم تاني للمسيح على الأقل او نرجعهم لاهلهم ان امكن

محمود : انا فكرت في نفس الموضوع وهعمل كده بمساعدتك ماشي؟

ماريان : ماشي يا عم محمود

محمود : بس عشان تنجحي في المهمة دي لازم تتخفي في شخصية زينب وتلبسي الحجاب عشان تقدري توصلي لهم . هاتقدري تعملي كده ؟

ماريان بدون تردد : لو كانت دي الوسيلة انا على استعداد

محمود : هابدأ معاهم بعد ما اتعمد وبعد جوازنا بعد كده نعمل اللي عايزينه وانا محضر لك مفاجأة

ماريان : مفاجأة ايه ؟

محمود : عارفة انا كنت فين ؟

ماريان : كنت في مشوار وماقلتش رايح فين

محمود : صاحبي ابوه وامه فوقينا وعايز يكون جنبهم فقررت ابيع له الشقة فوافق وكتبت عقد البيع واعطاني خمسين الف ربط كلام والباقي لما يقبض الجمعية اول الشهر وهيتصرف في الباقي وكلمت باباك عشان يساعدني الاقي شقة نتجوز فيها قريبة من منطقتكم وقريبة من اهلك في حدود خمسمائة الف تفتكريه ايلاقي ؟

وقفت ماريان مذهولة بكلامه : محمود وبكت من الفرحة فتقدم محمود ومسح دموعها وطبطب عليها

لازم تختاري كل حاجة جديدة وتلبسي فستان الفرح ونتجوز في احلى كنيسة فيك يا مصر

ماريان : طيب ها تقول ايه لاهلك ؟

محمود : اهلي كده كده عارفين اني متجوزك الفرح ده ليك ولاهلك ولرد اعتبارك . بكرة هاترجعي لاهلك وتوحشيني ، يوم السبت اللي جاي هاخطبك انا جاي بالدبل قولي لابوكي والشبكة بعدين ابقي اختاريها

ماريان : ما يهمش الشبكة عايزين نشطب الشقة

محمود : لا تقلقي ابويا قال لي بنت الناس ماجبتش لها شبكة ليه قلت له في الوقت المناسب هاجيب قال لي الشبكة علي هاديك فلوسها . اتفقنا ؟ انا هادخل انام عشان تعبان وعندي شغل الصبح.

رسالة واتساب

عبد الرحمن

رباب

هاي ولا حاجة قضايا كتير في المكتب بنخلصها   مش عايز اسبب لك احراج بين زمايلك   عريس الف مبروك امال اعمل ايه اتمسك بك انسي الموضوع ده خالص وبصي لمستقبلك انت جارة رائعة وصديقة جميلة وانا مش فاكر اني قلت الكلام ده مش فاكر وعموما عايز اقولك عشان ماتعرفيش من برة انا قريت فاتحة بنت مدير المكتب وخطوبتنا على العيد مش باقولك بصي لمستقبلك   دي حاجة ترجع لي عموما هي بنت تتحب انت انسانة عزيزة وتستهلي احسن مني ربنا يوفقك أتمنى لك كل خير

هاي ايه يا عم مش باين ليه ربنا يقويك اصلك بعد ما تخلص المحكمة في ميدان العباسية بتفوت على الكلية متقدم لي عريس الف مبروك ! هو ده رد فعلك؟ انا قلت هاتتمسك بي   انت مستقبلي مش قلت انك بتحبني وبعد ماتخرج هاتيجي تخطبني يعني ايه مش فاكر ؟     قريت فاتحة؟ قريت فاتحة ازاي ؟ اه ياخاين دي جوازة مصلحة بعد كده تكوش على المكتب يعني انت مش بتحبها ؟ وانا؟ شكرا عندك حق انا استاهل احسن منك

اخذت رباب تبكي بانهيار وتقول انا ساذجة وعبيطة فرحت بكلمتين حلوين وبسهولة كده يسيبني انا اللي رخصت نفسي ولا هو قليل الأصل ؟ وفكرت تحكي لمين نزلت وراحت لماريان وقالت لمامتها انا رايحة لزينب وانا عارفة ان الوقت متأخر هابات عندها وكمان محمود وحشني ما شبعتش منه من ساعة ما رجع من الحج . وافقت أمها وراحت رباب لماريان اللي اتفاجئت بها في الوقت المتاخر ده ومحمود نام من بدري . اول ما دخلت اترمت في حضنها وبكت بالدموع وماريان تهديها

اقعدي فهميني ايه اللي حصل

رباب : عبد الرحمن قرأ فاتحة بنت مدير المكتب اللي بيشتغل فيه هو انا رخيصة وسهلة كده

ماريان: لا انت طيبة شوية وهو يهمه مصلحته

رباب : اول مرة حد يعمل معايا كده ما توقعتش يخدعني او يخوني انا غلطانة اني صدقت كلامه

ماريان : هدي نفسك انت تستاهلي حد احسن منه

رباب : أقول لمحمود ؟ لو محمود عرف هايربيه

ماريان : محمود ايه الموضوع منتهي وهو اختار طريقه

رباب : هو قال لي بصي لمستقبلك وانا قررت ابص لمستقبلي الابدي يعني أكون مسيحية زيك . بس لو بقيت مسيحية هاتجوز ازاي ؟ مين هيتجوزني ؟ ولا مسيحي هايعرف اني مسيحية ولا هاقبل المسلم لاني مسيحية اعمل ايه يعني اما أكون مسيحية او أكون عروسة

ماريان : مين قال كده أقول لك الحقيقة اللي في وضعك بصعوبة بيتجوزوا وفرص الجواز بتبقى قليلة ولكنها موجودة . ولكن لاجل المسيح وابديتك ممكن تحتمل اضطهاد وتضحي باشياء غالية وثمينة عشان تربح الملكوت وتربح المسيح

رباب : الكلام ده كبير علي وانا مش مدركاه المهم هاعمل ايه ؟

ماريان : مكتوب في الانجيل " من امن واعتمد خلص"  يؤمن ان المسيح هو الله المتجسد وهو مخلصك ومات لاجلك ليغفر لك خطاياك

رباب : نعم اؤمن ان المسيح هو الله ومات عشاني وخلصني من خطاياي

ماريان : صلي معايا (يارب يسوع المسيح استلم حياتي بافتح لك باب قلبي واقبلك رب ومخلص شخصي لي امتلك حياتي وسامحني على خطاياي وطهرني بدمك الكريم)امين

صلت رباب بفرح وأعلنت ايمانها بصلاتها : انا فرحانة قوي وعايزة اتعمد

ماريان : ماشي يارباب النهاردة كان يوم طويل بكرة نشوف الموضوع ده تعالي ندخل ننام ومبروك الرب يسوع الذي لا يخزي اللي يطلبوه من القلب.

 

(8) رجوع ومعمودية

وصل محمود ماريان لاقرب مكان لبيتها وطلع على الشغل وماريان لم تحضر معها شنط وتركت ملابسها في شقة محمود وفي شنطة يدها موجود الانجيل وكراسة الأسماء للبنات واللي نقلتها من كشكول محمود   كان استقبال ماريان حافل بالاحضان والقبلات والزغاريد ومليان بمشاعر الدفء ورجعت روحها فيها وسط جو الحب والراحة وتأثرت وبكت بدموع غزيرة . وقد حرصت ان تلبس ملابس شيك حتى لا يشعر احد انها اتبهدلت

مامتها : خسيتي قوي ياماريان انت كويسة ؟

ماريان : كويسة جدا والحمد لله

الام : اللي اسمه محمود ولا جورج دهم اجاش معاكي ليه؟

ماريان : وصلني وطلع على الشغل

الام : كنت سيبتي البوليس يقبض عليه وخلصنا

ماريان : لا يا ماما ده هايتعمد قريب ونتجوز

الام : انت هاتصدقي الكلام د هده انت عبيطة ومش فاهمة حاجة

ماريان : ممكن يكون بيخدعني ؟

الام : ممكن جدا ، طيب قولي له ماما عزماك على الغداء النهاردة عشان نتعرف عليه شوفي هاييجي ولا هايتهرب

ماريان : هاكلمه ، بابا هو صحيح كلمك على شقة

الاب : ايوا كلمني وكلمت سمسار وهايرد علي بعد الظهر

الام : شقة ايه ؟

ماريان : هو انت ماقلتش لماما؟

الاب: لا ملحقتش هو كلمني والوقت كان متأخر وهي كانت نامت ، اصله يا ستي اتصل بي عايز شقة جنبنا يتجوز فيها وحدد لي مبلغ نصف مليون عشان ماريان تكون قريبة منك

الام : شكلي هابدأ اصدقه

__________

وعلى موعد الغذاء جاء محمود محملاً بعلبة جاتوه من محل شهير ولأول مرة كان لابس لبس شيك جدا ويتعامل بكل رقي واحترام وكان الغذاء جميل ساهمت ماريان في اعداده ولم يجرؤ احد من اهل ماريان ان يهاجمه من حديثه العذب ولسانه اللطيف وكسب ثقة الموجودين وانفتحت قلوبهم له .

وفيما هم يتكلمون رن جرس الموبيل وتهلل وجه الأستاذ ثابت وقال مبروك يا أولاد السمسار لقى شقة حلوة وقريبة منا وصاحبها عايز 420الف وممكن تخلص على 400 الف بس

قال له محمود : يالا نشوفها دلوقت

ثابت : دلوقت ؟

محمود : قبل الدنيا ما تظلم

تحركت ماريان ومحمود وهي تناديه جورج والأستاذ ثابت وعلي السمسار وكانت الشقة متشطبة تقريبا وكان ساكن فيها ناس وكانت واسعة . فرحت ماريان جدا بها ومحمود فرح لفرحها ووافقوا على الشقة على ان يدفع مقدم بكرة 100 الف ربط كلام وأول الشهر يجيب باقي الـ 400 الف

الام : جورج طلع كويس قوي وبيحبك ربنا يتمم لك بخير والشقة باباك بيقول حلوة حددوا ميعاد الخطوبة؟

قالت ماريان : هيجيب الدبل والشبكة بعد المعمودية وبعد ما تخلص الشقة نتجوز على طول يعني خلال ست شهور تقريبا

الام : حالا كده؟

ماريان : ايوا يا ماما خلينا نخلص بقى وضحكت ماريان ومامتها . واصرت ماريان ان تنام في حضن مامتها وافق الأستاذ ثابت ونام في حجرة ماريان وهو مش مصدق تتابع الاحداث

________________

وفي احد الاديرة تم تعميد محمود باسم جورج وتعميد رباب باسم مارينا وسط فرحة في حضور أبو ماريان وماريان واخوها وصديقتها اميرة . كانت بداية جديدة لمحمود ورباب . وشعر جورج انه اصبح انسان جديد وصار لا ينتمي للعالم الذي فيه وشعرت مارينا بفرح عظيم لم تختبره من قبل لدرجة انها عايزة تقول لكل الناس عن محبة يسوع وخلاصه لها وموته على الصليب لاجلها .

لم تتخيل ماريان انه ممكن يحدث هذا ، ازاي الرب حول اللعنة الى بركة وحول الحزن الى فرح والكسرة الى نصرة .

بعد ذلك حضروا القداس وتناول جورج ومارينا لأول مرة في حياتهم وسط فرح واختبار جديد وشعور عميق بالتوبة وبعد التناول قالت ماريان لرباب : هو دهي استي الدم والجسد وهو ده المذبح ولا بنقتل حد ولا بنسيح دم . فضحكت مارينا لانها كانت تسمع أكاذيب وصدقتها وليس لها أساس من الصحة .

وكانت حقا نهاية سعيدة أم بداية وسلسلة من الألم ؟!!!

 

(9) لم يحبوا حياتهم

كان فرح جورج وماريان فرح مميز وغريب مميز بالحضور الرائع من عائلة ماريان وأصدقائها وغريب لأنه لم يحضر احد من عائلة محمود إلا رباب . وقام الكاهن الذي عمده بمراسم الزواج بعد خطوبة دامت ست شهور وكانت خطوبة عائلية لبسوا الدبل . وبعد تجهيز الشقة التي كان يبيت فيها محمود بعد ان باع شقته .

كان جواز كنسي ولبست ماريان فستان الفرح وكانت زفتها جميلة وفرحت جدا وربنا حقق لها كل امانيها . لم يكن احد يعرف حكاية جورج ولا عن خطفه لماريان إلا اميرة وأسرة ماريان ماعدا اختها لم تعرف

___________________

وفي شقة ماريان وجورج وبعد انصراف المهنئين من على باب الشقة دخلت ماريان بفستان فرحها ووراها جورج وركعا في الانتريه وصلوا شكرا للرب يسوع المسيح وطلبوا منه ان يبارك بيتهم وحياتهم وبعد الصلاة قال جورج لماريان : تعرفي ان في واحدة عرفت اني مسلم بعد ما وقعت في حبي وحاولت تقنعني بالمسيح واتجوزتها على امل اني ابقى مسيحي خلتها هي مسلمة واهنتها وضربتها وذلتها بعد ما فضحتها قدام أهلها فلم تعرف ان ترجع بعد الكسرة ولكنك اقوى منها لما اتحدتيني وقبلت التحدي عشان كنت واثق في الفوز وحقيقي انت عارفة ولكن ليس بالدرجة التي تقنع واحد مثلي محترف في مجاله ولكنك كنت اقوى بحبك لربنا واقوى بصلاتك ودموعك لأجلي .

ماريان : عايز ترجع البنت دي للمسيح ؟

جورج : حضرت أسماء البنات ومع بعض هانرجعهم

ماريان : عايزين نعمل تعوية للبنات على النت وفي الكنائس من امثالك ونعمل توعية للبنات الساذجات اللي ممكن ابليس يضحك عليهم بحجة حبيبها يبقى مسيحي او على الأقل كل واحد على دينه يعني تبقى مسيحية وهو مسلم.

جورج : في بنت كده وهي متبهدلة وظروفها صعبة جدا هانحاول انقاذها . هاتاخديني في الكلام يالا نغير لبسنا ونتعشى انا ميت من الجوع ما اكلتش من الصبح . وكانت البداية .

_______________

كانت ماريان قدام اهل زوجها محجبة واسمها زينب حتى تقدر ان تتواصل معاهم وكانت تزورهم هي وجورج كل حين واخر وتبادلا الزيارات وكانت شقة ماريان لا يوجد بها ما يظهر انهما مسيحيان من صور او صلبان او شيء من هذا القبيل .

وكانت الأمور اسهل لماريان عندما اشترى جورج عربية صغيرة فكانت تلبس وتغير الحجاب في العربية فلا يسبب لها احراج واثناء التحرك كانت النظارة السوداء التي تخفي تقريبا كل ملامحها فلا يعرفها احد ومن الطريف اذا قابل مجموعة من أصدقاء ماريان وهم في طريقهم الى حماتها يسلم عليهم ويقول لهم زينب زميلة عمل فيرحبوا بها دون ان تخلع النظارة وينطلقوا دون ان يعرفوها

وكانت قائمة البنات التي وضعها محمود لاستردادهم :

1)ماري : تزوجها وطلقها وطردها بعد اسلامها والفضيحة

2) مريم : تزوجها وطردها بعد اسلامها والفضيحة

3) حنان : تزوجها بعد الفضيحة

4) ابتسام : تزوجها واحد في المنيا وعندها بنت

5) ناهد : تزوجها واحد في الشرقية ولم تنجبب

6) كيرمينا : تزوجها واحد في امبابة ولم تنجب

وسالت ماريان : والسابعة مين؟

محمود : نظر لها بأسى مارينا ماتت من التعذيب كانت متمسكة بالمسيح ولم تحب حياتها حتى الموت لاجله ولم تقبل الجواز وحافظت على عفتها حتى الدم.

ماريان : وهنعمل ايه مع دول؟

جورج : الخطة : اللي لم ترتبط نصلح علاقتها باهلها ونتعامل مع الفضايح اللي بالصور والفيديو ونردها للمسيح ونساعدها في عمل أوراق جديدة ان امكن .

واللي تزوجت على الأقل تكون مع المسيح وتعبده وترجع علاقتها به حتى لو كانت متجوزة مسلم واللي نعرف نرجعها ونطلقها خصوصا اللي مش عندها أطفال نحاول نرجعها للمسيح ولاهلها.

الثلاثة اللي في الأول أهلهم عارفينهم وعارفين اللي حصل والثلاثة اللي في الاخر أهلهم لم يعرفوا حتى الان مكانهم ومازالوا بيدوروا عليهم  هانساعدهم .

اهم حاجة الصلاة يوميا لاجلهم ليعطينا الرب حكمة ومعونة للعمل والخدمة .

________________

رن جرس التليفون جاء صوت مامته تبكي بدموع وصراخ وتقول له : الحق يا محمود رباب ماتت .

نزل محمود مسرعا ولبست ماريان حجابها ونزلا بسرعة الى بيت حماها وحماتها وعندما وصلوا وجدوا البوليس مغطي حاجة على الأرض وعرفوا انها راس رباب قد تم خطفها وقتلها وقطعوا راسها ووضعها احدهم على باب شقة أمها بجوارها رسالة ان هذا مصير الكافرة التي تاكدنا من انها صارت نصرانية .

فقد وقعت بلسانها لصديقتها التي تنتمي لنا وراقبناها وهي تحضر كنيسة بالجيزة وتناولت فخطفناها وقطعنا راسها عبرة لمن يعتبر.

لم تفتح ماريان فاها من الصدمة وانهارت في البكاء فهي تحب رباب جدا وهي صديقتها .

امر البوليس بالبحث عن الجثة وجدوها في احد البيوت تحت الانشاء وساعدهم محمود على ايجادها فهو يعرف مين ممكن يعمل كده حتى ياخد لها حقها وينالوا هم عقابهم لانها جريمة بشعة لا أخلاقية ومن فعلها مجرم وليس له دين فمن أعطاه السلطان ان يقتل نفس !!

رباب صارت شهيدة شهيدة ايمانها قتلت ظلم وهي نفس بريئة لم تعمل شر ولم تحب حياتها من اجل سيدها ضحت بحياتها لاجل اسمه .

قرر محمود ان ينتقم انتقام إيجابي من كل شر دفع هؤلاء لعمل هذا.

(10) ماري ( من يسترني )

كانت ماري هي البداية لماريان وجورج . ذهبت ماريان لاهل ماري لتعرف رد فعلهم لتحدد هدفها وسالت عن ماري وقابلت مامتها

الأم ماري كانت صاحبتك هو انت ما تعرفيش الله يرحمها ماتت كانت في رحلة لإسكندرية وغرقت في البحر وجثتها لم تخرج وعملنا لها عزاء

ماريان : ماتت ! يا حبيبتي يا ماري لو طلعت جثتها هاتعملوا ايه ؟

الام : هو السمك بيسيب حاجة والكلام ده من اربع خمس سنين دي ماتت وشبعت موت

ماريان : البقية في حياتك يا ماما . بعد اذنك

ذهبت ماريان لجورج وقالت : كده مش هاينفع ترجع لاهلها .

جورج : مركزهم المادي والاجتماعي لايقبل ان تكون بنتهم اسلمت او تقبل فكرة صورها الجنسية والفيديو

ماريان : الصور والفيديو دول فكرة بشعة انا ماستحملتش اشوف صوري والفيديو بتاعي ومسحتهم من الوجود . انت تعرف ماري فين ؟

جورج : شغالة في عيادة دكتور باطنة

ماريان : خلاص نروح نحجز عنده ، انا جنبي بيوجعني الأيام دي

__________________

راحت ماريان عند دكتور الباطنة بدري متعمدة فكانت ماري وحدها في انتظار الدكتور والمرضى ، اتعرفت ماري واللي كانت محجبة على ماريان ان اسمها زينب وماري قالت لها وانا اسمي فاطمة

قالت لها ماريان : في واحدة شبهك قوي اسمها ماري نسيم

ارتبكت فاطمة وقالت يخلق من الشبه أربعين

زينب : محمود السبع بيسلم عليك

ارتبكت فاطمة اكتر وقالت لها : انت مين وتعرفي محمود السبع منين ؟

زينب : الكلام مش هينفع هنا انا عايزاكي في حاجة مهمة هاتخلصي العيادة الساعة كام ؟

فاطمة : هاخلص بدري على تسعة لان الدكتور عنده مشوار وقال لي اخر حجز الساعة تسعة النهاردة .

زينب : نتقابل بعد تسعة في الكافيه اللي قدام العيادة شكله كافيه محترم ولطيف

فاطمة : مش هاتكشفي ؟

زينب : لا انا جاية عشانك انت

دخل الدكتور وابتدأت العيادة تمتلئ بالمرضى

زينب : انا ماشية

فاطمة : انت تقربي ايه لمحمود ؟

التفتت ماريان لها وقالت بابتسامة : مراته

تعجبت اكتر فاطمة وتشوقت لمقابلة ماريان لتعرف هي عايزة منها ايه

_________________

بعد العيادة مباشرة ورحيل الدكتور ذهبت فاطمة الى الكافيه وفي مكان بعيد عن الناس وجدت ماريان تنتظرها . جلست وقالت : خير يا ستي

زينب : تشربي ايه الأول ؟ اجيب لك عصير ليمون بالنعناع اللي بتحبيه ؟

فاطمة مندهشة : انت عرفت منين ؟

زينب : عارفة حاجات كتير عنك . محمود باعتني عشان ترجعي لاهلك وللمسيح.

فاطمة : ليه ان شاء الله هو حاسس بالذنب !

حكت لها زينب قصتها وازاي محمود اتغير وبقى مسيحي وازاي قرروا يساعدوا ضحاياه

فاطمة : حاولت ارجع لاهلي ما نفعش

زينب : ايه اللي قسى قلبهم كده

فاطمة : اصلي هربت من البيت وقتها ماكنش لي علاقة بالكنيسة ولا بربنا وضحك علي محمود بالحب فسيبت البيت ورحت له برضايا واشهرت إسلامي ولكنه لم يكتفي بهذا صورني فيديو وصور اللي بيننا واحنا متجوزين وبعتها لاهلي عشان يقفل باب الرجوع في وشي وهو عارف ان مركز اهلي الاجتماعي والمادي لا يسمح لهم بهذا فاعتبروني ميتة وعملوا عزاء في . ولما طردني محمود بعد إسلامي ماكنتش عارفة اعمل ايه وهددته ابلغ البوليس عنه فساعدني وأجرت اوضة فوق السطوح واشتغلت في العيادة . ورجعت لربنا وللكنيسة وماقلتش ان اوراقي مسلمة وانا مواظبة على حضور الكنيسة ولي خدمة كمان في المنطقة اللي انا فيها ولكن ماحدش يعرف قصتي . توبت توبة بدموع وطلبت من الرب يسوع يرحمني واني لا استحق الحياة الأبدية واستحق الجحيم وساعدني كاهن الكنيسة وعرف حكايتي وساعدني انضم للكنيسة

ماريان : طيب احنا عايزين نساعدك وواضح ان سكة رجوعك لاهلك انتهت تحبي نساعدك ازاي ؟

فاطمة : عايزة ارجع مسيحية رسمي في البطاقة عشان اقدر اتجوز مسيحي نفس افرح بفرح وفستان اللي ضيعتهم بغباوتي وطيشي وليلة العمر كانت لي ليلة الغم بعد تعذيبي وضربي وبهدلتي وبعد ما كنت عايشة في عز وغنى بقيت في فقر وعوز وانا اللي كانوا اصحابي حواليا بقيت وحيدة ومكروهة ربنا يسامحه ضيعني وضيع مستقبلي .

رنت زينب لمحمود عشان ييجي وقالت لفاطمة : هو عايز يشوفك ومحضر لك مفاجاة

جاء محمود وجلس معهم وقال لفاطمة : أولا سامحيني على اللي عملته معاكي وتاني حاجة اتفضلي  امسكت فاطمة الورقة وقالت له ايه ده ؟

محمود : دي شهادة ميلاد بنوتة اسمها ماري سعد خديها وطلعي بها بطاقة جديدة باعتبارك ماري واعملي الوظيفة فيها لا تعمل ولم تتعلم

فاطمة : وماري سعد راحت فين ها تسكت ؟

محمود : دي ماتت بعد ولادتهاب اسبوعين وده من 23سنة تقريبا يعني اصغر منك بسنتين وأهلها لم يستخرجوا شهادة وفاة ودفنوها في مدافن الاسرة فهي رسميا عايشة

ماريان : هاعملك بطاقة واساعدك وتبقي انت ماري سعد

ضحكت وقامت وحضنت ماريان وقالت : ربنا يخليك لي وضحكت وقالت : كده اقدر اتجوز ابانوب

ماريان : مين ابانوب ؟

ماري : واحد معايا في الخدمة مهندس أتقدم لي ولكني لم ارد عليه في طلبه هو بيحبني وانا بحبه بس مش عارفة لو عرف حكايتي هيعمل ايه

ماريان : هانساعدك تجوزيه لو وافقت انا اقابله ونتكلم معاه.

وفعلا بعد أيام قابلت ماريان ابانوب وطبعا بدون حجاب اللي بتلبسه اثناء مقابلتها بفاطمة وماري كانت معاهم وتركتهم معا في كافتيريا الكنيسة وذهبت للمكتبة.

حكت ماريان لابانوب كل حاجة وتركت له الاختيار والقرار. لكنها اتفاجات ان ابانوب عارف حكايتها وشاف صورها واستغرب انها بتروح الكنيسة وراقبها وشافها وهي محجبة وتروح عملها في العيادة وتاكد انها هي  فقال لماريان : رغم كده برضه بحبها وواثق فيها وعارف ازاي بيضحكوا على البنات ولكني مش عارف لغير هويتها لمسيحية ازاي ؟

ماريان : لاتخف احنا حلناها.

رجعت ماري وقعدت معاهم

ماريان : ابانوب طلع عارف كل حاجة ده بحث عنك واشتغل مخبر سري وراقبك وكان بيمشي وراك

ارتبكت ماري وكانت متشوقة تعرف رد فعله التفت لها ابانوب وقال : تقبلي تجوزيني برغم اللي عرفته

ماري : طبعا اقبل

ابانوب : بس عندي شرط

ماري : شرط ايه يارب استر

ابانوب : هتعيشي معايا في مكان شغلي الجديد في الأقصر

ماري وبلا تردد : مالها الأقصر معاك لاخر الدنيا

ودي كانت بداية جديدة لماري (فاطمة سابقا)

 

(11) مريم (مهمة صعبة)

جورج : الحمد لله موضوع ماري كان سهل وكان اصعب حاجة فيه موضوع الهوية المسيحية

ماريان : الحمد لله انها بتروح الكنيسة ورجعت وتابت

جورج : الدور على مريم ودي مهمة صعبة على المستوى الأخلاقي والديني وعلى كل المستويات

ماريان : مالها مريم ؟

جورج : هي بنت مقطوعة من شجرة مالهاش غير اخ  وبعد فضيحة الصور والفيديو إياها قرر يموتها وكانت وارثة من والديها فلم يعطيها حقها في الميراث وبعد الذلة والكسرة واشهار اسلامها طلقتها وعرفت بعد كده انها اشتغلت ....

ماريان : اشتغلت فين ؟

جورج : للأسف في بيوت دعارة وعرفت ده من صديقتها التي لم تتركها وطلبت مني المساعدة باعتباري جوزها رفضت لانها بقيت نجسة ولا تخصني وقلت كده لصاحبتها

ماريان : طيب دي اقابلها ازاي واروح لها ازاي؟

جورج : ممكن توصلي لها عن طريق صاحبتها اكيد هاتقابلها واكيد مش هاتروحي لها شقة الدعارة

ماريان : طيب كلم صاحبتها دلوقت هي اسمها ايه ؟

جورج : اسمها نسرين

اتصل بنسرين وطلب يقابلها عشان مريم لكنها رفضت وقالت له : لا احسن تعمل معايا اللي عملته فيها

جورج : ما تخافيش الدنيا اتغيرت عموما هابعت لك مراتي تفهمك على كل حاجة

نسرين : مراتك ! انت اتجوزت ؟

جورج : خدي كلميها

ماريان : الو ازيك يا انسة نسرين ممكن ما نتقابلش انا مش عايزاك انت شخصيا انا عايزة أوصل لمريم اوصلها ازاي ؟

نسرين : عايزاها في ايه ؟

ماريان : الكلام مش هينفع في التليفون ممكن نتقابل. اعطتها ميعاد واتفقوا على المقابلة

____________________

كان اللقاء مثمر مع نسرين وعرفت ماريان منها ان يوم الاحد بتكون مريم في النادي معاهم وأعربت نسرين عن سعادتها بخصوص خلاص محمود وعلى مساعدتهم لمريم عشان تخلص من اللي هي فيه

قابلتها ماريان يوم الاحد في النادي وقعدت معاها قعدة طويلة وعرفت كل حاجة

مريم : انا بعمل اللي بعمله عشان محتاجة وعشان عندي اكتئاب وشعور بالنجاسة واليأس وكرهت حياتي وعايزة اموت

ماريان : يعني اجيب لك شغل جديد وتسيبي الشغل ده

مريم : وبعد كده ايه هل الحزن واليأس هايفارقوني

ماريان : لازم تتوبي وترجعي للمسيح ده الأهم لا يهم اسمك ايه في البطاقة المهم اسمك يكون مكتوب في سفر الحياة

مريم : ماشي اتوب وبعد كده ينفع ابقى مسيحية ! صعب .

ماريان : انا عارفة انه مش سهل ولكنه مش مستحيل واكيد لها حل

اتفقت ماريان معها انهم يروحوا لأحد اديرة الراهبات وتقعد خلوة ثلاث أيام وتعترف بكل خطاياها وتتناول وتبدأ بداية جديدة .

وفعلا راحوا معا احد الاديرة واعترفت بخطاياها وبكت بكاء شديد على حياة النجاسة والزنى وعلى انكارها للمسيح وطار الطيش وحل مكانه الرزانة وذهب الحزن وحل مكانه الفرح وتحول الاكتئاب الى ابتهاج وصلت مع ماريان: (يارب يسوع المسيح كما قبلت المرأة الزانية التي امسكت في ذات الفعل اقبلني وكما غفرت لبطرس الذي انكرك اغفر لي انت تعرف ضعفي وانا شوية تراب وشوية طين لا تجازيني حسب اثامي ابعد عني معاصي واغسلني بدمك الكريم من نجاستي وزناي وانظر الى مذلتي وحزني ) امين

لم تأكل مريم خلال الأيام الثلاثة التي قضيتها في دير الراهبات حزناً على خطاياها وعلى اثامها ولطلب معونة وقوة من الرب حتى تتغلب على ضعفها قدام الخطية وان يعينها ويعطيها مستقبل ورجاء . وكانت ماريان معها تشجعها وتصلي معها

____________________

رجعت هي وماريان وكان محمود قد اجر لها اوضة وصالة ودفع مقدم ست شهور ولحد ما تعرف تلاقي عمل أعطاها مبلغ من المال حتى لا ترجع للرذيلة ووعدها ان يجد لها عمل

رجعت مريم للمسيح وصار قلبها مسيحي ولكن هويتها في البطاقة مسلمة.

اتصلت نسرين بمحمود وقالت له الحق مريم بسرعة

محمود : هو في ايه ؟

نسرين : اخوها كان مستنينا على باب النادي واحنا خارجين ومعاه شوية رجالة هجموا على مريم ونزلوا فيها ضرب كسروها من الضرب وهربوا وكان اخوها بيصرخ (ده عقاب الفاجرة) البوليس جه لكنهم كانوا هربوا والإسعاف خدتها وانا معاها دلوقت في القصر العيني بين الحياة والموت.

اتصل محمود بماريان وحكى لها الحكاية واتفقوا يتقابلوا قدام القصر العيني واستاذن محمود من الشغل

ماريان : ليه اخوها يعمل كده ؟

جورج : غالبا في حد قال له انها بتشتغل في الدعارة ، نسرين اعترفت عليه وزمانهم مسكوه

_____________

قابلوا نسرين وكانت مريم في غيبوبة وعندها ارتجاج في المخ ونزيف داخلي وكسر في ايدها الشمال وكدمة شديدة نتيجة الضرب في رجلها اليمين.

قابل جورج الدكتور وسأله : هي هاتعيش يادكتور ؟

الدكتور : المهم نوقف النزيف الداخلي ونتعامل مع الكسور والحمد لله الارتجاج خفيف

______________

قالت ماريان لجورج : ده ابونا اتصل بي وقال لي ان عنده عريس لمريم واحد من العابرين وعايز يشوفها وبيقول عنه انه كويس  جدا وانه قابلها بكل اللي حصل لها وعايز يبدأ معاها بداية جديدة

جورج : بس هي تقوم بالسلامة

_____________

خرج الدكتور وقال للأسف البقاء لله حاولنا ولكن النزيف كان شديد ودمها اتصفى من الداخل البقية في حياتكم . نزل الخبر على نسرين وماريان وجورج كالصاعقة ، قد زفت لعريسها السماوي ولم تلحق ان تزف على عريسها الارضي

(12) حنان (هروب مستمر)

ماريان : انا حزينة جدا على اللي حصل وحاسة اني لم اشفى بعد من حادث رباب وموت مريم

جورج : البوليس قبض على اخوها وقال لهم انه كان بيدافع عن شرف العيلة حيث انها كانت تعمل في شقق دعارة وحبسته النيابة على ذمة التحقيقات خصوصا بعد موتها .

ماريان : اه صح انت جبت الفلوس اللي اديتها لمريم والايجار منين ؟

ضحك محمود : فلوس شبكتك ابويا اداني 100الف جنيه وحضرتك اكتفيت بالدبل وخاتم ومحبس وقلتي انا لا احب الدهب وكان معايا الباقي ولم امسهم

ماريان : مين بعد كده؟

جورج : مافيش بعد كده

ماريان بغضب : يعني مش هانكمل ؟

جورج : لا ياستي انت فهمتيني غلط ، انا حجزت أسبوع تبع شركة سياحة في مرسى مطروح ، احنا ماخدناش يوم عسل تروقي ونفكر كويس وترتاحي بعد الاحداث اللي مرينا فيها وبعد ما نرجع نشوف موضوع حنان ، البنت التالتة مش هاكلمك عنها الا هناك ، فات على رحيل رباب سنة كفاية كده هي في قلبنا وعشان نعرف نكمل المشوار على فكرة انت عندك مايوه ؟

ماريان : لا

جورج : جبت لك مايوه مايوه شرعي

ضحكت ماريان : اللي تؤمر به

___________________

تحت الشمسية على شاطئ الغرام قالت ماريان : وحنان دي ايه حكايتها

جورج : حنان دي بعد ما ضحكت عليها باسم الحب واقنعتها نتجوز وكل واحد على دينه واني مش هاجبرها على ترك دينها هربت من أهلها واتجوزنا وبرضه صورتها صور وفيديو وهي متخدرة بصورة بشعة (مش عارف ازاي انا كنت بعمل كده ده انا كنت حيوان ) المهم بعت الصور لاهلها وقلت انها اشهرت اسلامها . واكتشفت حنان ان عقد جوازنا كتبت فيه في خانة ديانتها مسلمة وهي عرفت اللي عملته مع أهلها فقررت تهرب مني ورجعت لاهلها اللي استقبلوها كويس وبعد كده عرفت انهم حطوا سم في الاكل عشان يموتوها ويخلصوا منها ومن فضيحتها فهربت من أهلها . والعجيب انها لم تغير رقم موبيلها واحيانا باكلمها بترد واحيانا لا وانا مش عارف فين أراضيها .

ماريان : يعني هويتها مسيحية

جورج : اه لم تشهر اسلامها مالحقتش اعمل أي إجراءات

ماريان : يعني مشكلتها ايه ؟

جورج : مشكلتها مالهاش حد في الدنيا أهلها رفضوها واتفضحت أخلاقيا

ماريان : طيب هي أراضيها فين وهي معاها فلوس ولا لا ؟

جورج: نسيت اقولك هي هربت من بيت ابوها ومعها دهب هدايا من ابوها وأهلها ولما هربت من عندي اخدت الدهب معها اكيد بتعيش به

ماريان : يعني موضوع حنان مقفول هانوصلها ازاي ؟

جورج : هاحاول اكلمها . (التليفون مغلق او غير متاح ) افتكرت النمرة دي عليها واتساب . بحث عنها على الواتس اب ووجدها اون لاين

ماريان : قول لها حكايتك وانك عايز تساعدها ترجع لاهلها.

وعمل جورج ما قالته ماريان له فارسلت له حنان الموقع

جورج : الحقي يا ماريان دي بعتت لي الموقع

ماريان : فين ؟

جورج : في أمريكا نيوجيرسي ، دي راحت ازاي ؟

ماريان : في أمريكا ازاي ؟

جورج : مش عارف استني كده دي بتبعت لي رسالة

الرسالة ( مبروك على معرفتك المسيح يا محمود لا تقلق علي انا رجعت للمسيح وعلاقتي به قوية ، انا متجوزة وعايشة في نيوجيرسي واحد كان بيحبني من أيام الكلية وعارف حكايتي ورغم كده قبلني وهو أصلا مولود في أمريكا ومعاه الجنسية اتجوزنا وخلصت ورقي وعايشة معاه في نيوجيرسي وعندي بنوتة حلوة ، ربنا يديلك ، هو انت لسه مش بتخلف ؟ باي ) قرأ جورج الجملة الأخيرة وارتبك

جورج : انا اسف انا ماقلتش لك ان عندي مشكلة في الخلفة وكان المفروض اقولك قبل الجواز

ماريان : ولا يهمك ما انا عارفة شفت التحاليل وانا برتب المكتب .

جورج : وقبلتي اننا نتجوز !

ماريان : اه طبعا انت جوزي حبيبي  وممكن تتعالج هو انت باقي معاك كام فلوس من الشبكة

جورج : بعد المصيف معانا تسعين الف

ماريان : حلوين قوي نبدأ العلاج بعد ما نرجع والحمد لله اطمنا على حنان

جورج : فات السهل واللي جاي اصعب

ماريان : ليه يا عم جورج؟

جورج : لان التلاتة التانيين انا ساهمت في اشهار اسلامهم وجوزتهم ناس تانية وفي واحدة منهم متجوزة وعندها عيال .

ماريان : هانعمل ايه فيهم دول ؟

جورج : الرب هو اللي هايعمل ، وزينب هاتعمل ، فهماني

 

(13) ابتسام (التوقيت المناسب)

(المنيا ترحب بكم)

جورج : حرام عليك حد يسافر في عز الحر ده المنيا دا احنا كنا لسه في مرسى مطروح نيجي من مرسى مطروح للمنيا ؟

ماريان : عشان اجازتك السنوية نستغل كل يوم فيها ورانا شغل كثير

جورج : لا تنسي اسمك زينب وأول ما نوصل تلبسي الحجاب الدنيا حر ولسه المشوار طويل

ماريان : حكاية ابتسام دي ايه ؟

جورج : دي خريجة آداب انجليزي وكانت بتشتغل مدرسة ، ابوها مات بالسرطان وبعد كده أمها ماتت حزنا عليه ، اخوتها كلهم متجوزين . هي كانت قاعدة في شقتها لوحدها وبقيت ملحدة وتركت الله وكانت تقول هو فين الله لما اتالم باباها ومات بالسرطان وليه ما استجبش للصلاة وهل هو موجود وهل المسيح حقيقة وهل المسيح ربنا .

كانت بتقول الكلام ده قدام مدرسة مسلمة اعرفها فعرفتني عليها في رحلة المدرسة وكنت انتظرهم في مكان الرحلة ، لضمت بالكلام معها في الله ووجوده وشككتها في المسيح على انه ليس هو الله وان الاناجيل محرفة وان مافيش حاجة اسمها خطية ورثناها من ادم وحواء وان المسيح لم يصلب ولكنه صعد حياً . كانت عجينة طرية بسبب الم صدمة باباها ومامتها لما شككتها في ايمانها انهارت وفضلت وراها حوالي شهر ابعت لها مناظرات احمد ديدات المضروبة اللي قصيت منها ردود القس اللي بيرد عليه حتى يظهر احمد ديدات هو المنتصر لانها هي جاهلة بدينها ولا تملك حاجة تتمسك بها فعلاقتها بالمسيح ضعيفة وعلاقتها بالكنيسة اضعف ولم تكن تعرف الكنيسة ولا الصلاة الا عندما مرض والدها ولما مات انقطعت كل حبالها بالكنيسة وبربنا وعرضنا عليها ان تجرب الإسلام وقالت الشهادتين وخلصنا ورق اشهار اسلامها وجوزناها واحد غني في المنيا وخلفت بنت سمتها بسمة وانا كنت شاهد على جوازها

ماريان : انت عارف عنوانه ؟

جورج : ده شخص مشهور وغني ننزل قريته وكلهم هناك عارفين بعضهم

_______________

نزلوا من القطار اجروا عربية توصلهم للقرية ولما وصلوا سالوا عن الحاج خالد ووصلوا عنده بسهولة ، استقبلوهم في المضيفة  وخرج لهم الحاج خالد وسالوه عن صحته وعن ابتسام .

ارتبك الحاج وقال ابتسام دي مراتي التانية ، ده بيت مراتي الأولى ام العيال عندي منها ثلاث رجالة كبار وبنتين . اما ابتسام وبنتها في شقة تانية في المركز وماحدش يعرف عنهم حاجة ولاخبرها من اهل بيتي ، انا بازورها وابيت عندها جمعة وسبت وقت اجازتها من المدرسة وبسمة صغيرة سنتين بس

محمود : اصل المدام كانت عايزة تسلم عليها

الحاج خالد : هاديكم العنوان روحوا زوروها هي تعبانة قوي لا مؤاخذة جالها المرض الوحش على الكبد وتعبانة قوي وبنتها معها مش عارف لو حصل لها حاجة اودي البنت فين .

محمود : خلاص احنا هانروح لها دلوقت

الحاج خالد : لازم تاخدوا واجبكم الأول اتغدوا وننزل عيب دا احنا بيت كرم

بعد الغذاء جاء الحاج خالد وأعطى لمحمود شهادة ميلاد بسمة وقال له :

يامحمود انا عارف انك مش بتخلف لوحصل حاجة لابتسام خلي البنت عندك وهابعت لك كل شهر مصاريفها ، انا كنت هاوديها دار ايتام عشان ما ينفعش تيجي هنا هايحصل مشاكل مع المدام لان عيلتها كبيرة والخير اللي انا فيه ده من ميراثها ولو عرفت اني اتجوزت تاني هتبقى النتيجة وحشة علي وعلى بسمة ممكن يموتوها .

بص محمود لماريان نظرة تساؤل

ماريان : احنا موافقين ياحاج لاتخف عليها بسمة في عينينا

محمود : موافق ياحاج خالد

الحاج خالد : طيب يالا اوصلكم بالعربية

قام الحاج خالد ووصل ماريان وجورج الى ابتسام

_________________

فتح خالد باب شقة ابتسام وكانت في بنت بتخدمها بترتب الشقة وتعمل لها اكل وكانت ابتسام على سريرها تعبانة قوي ، دخلوا عندها وسألها الحاج خالد : ليه ما اتصلتيش بي ؟

ابتسام : خلاص يا حاج الكيماوي مش جايب نتيجة وانا حاسة ان نهايتي قربت . ثم نظرت الى ماريان ومحمود . فقال لها الحاج خالد : ده محمود فاكراه؟

ابتسام : طبعاً ده اللي قعد معايا وشهد على عقد جوازنا

الحاج محمود : دي مراته زينب كانوا بيزوروني وكانوا عايزين يشوفوكي فجبتهم .

ابتسام : اهلاً وسهلاً

الحاج : عندي شغل هاسيبكم وجايلك بكرة

تركهم الحاج مسرعاً

ابتسام : دايماً عنده شغل ما قعدش معايا بعد ما اتجوزنا ساعتين على بعض حتى الجمعة والسبت لما كان بييجي كان يخلص شغله الأول وبعدين ييجي

ماريان : الف سلامة عليك

محمود : انا جايلك عشان حاجة مهمة جداً . حكى محمود ما حدث له وازاي عرف المسيح بكل صراحة ووضوح ثم أكملت زينب وقالت :

عشان كده احنا جينا لك عشان نساعدك

ابتسام : انا خايفة جداً من الموت وحاسة اني مش مستعدة لاي حاجة وباحلم أحلام وحشة قوي وزي ما خفت من المرض لما جه لبابا جالي وفي نفس المكان عملت عملية وشلته ولكنه رجع تاني وانتشر مافيش فايدة .

قعدت زينب تحكي لها عن المسيح المخلص اللي مات من اجل خطاياها واللي عايز يديها حياة ابدية

ابتسام : تفتكري ها يقبلني بعد ما انكرته واهانته

ماريان : الرب بيحبك يا ابتسام لو تبتي وقبلتيه في قلبك ها يديلك حياة ابدية ويسامحك

انهارت ابتسام وبكت بالدموع وقالت : اشكرك انك لم تتركني وبعت اولادك لي عشان ارجع سامحني على انكاري ليك واغفر لي ذنوبي واثامي ، ادخل قلبي وامتلك حياتي اؤمن انك ابن الله الوحيد اؤمن بالثالوث القدوس اؤمن بموتك على الصليب عشاني اؤمن بان دمك يطهرني من كل خطية اؤمن بانك هو الله المتجسد . امين

دخلت بسمة وطبطبت على أمها فهي لم تكمل عامها الثاني

ابتسام : انا خايفة على مصير بسمة بعد ما اموت

ماريان : ما تقوليش كده ربنا يشفيك وعموماً بسمة هتكون معايا وهاربيها تربية مسيحية وهاعمدها ما تخافيش عليها.

ابتسام : انا نفسي اتناول

ماريان : في كنيسة قريبة من هنا ؟

ابتسام : في الشارع اللي ورانا

ماريان : ها بات معاك ومحمود يبات عند أصحابه او في أي حتة وبكرة اجيب ابونا بعد القداس يناولك

ابتسام : لا انا اقدر اتحامل وامشي عايزة ادخل الكنيسة ها احس براحة لو دخلت

ماريان : خلاص نروح مع بعض انا اخلع الحجاب وكده كده انت مش محجبة ونروح الكنيسة

اتصل محمود بالحاج خالد وقال له انه سابهم واستأذن ان زينب تبيت معاها اليومين دول تخدمها لانها مش عايزة تسيبها

الحاج خالد : هانتعبكم معانا ، دهك ويس عشان البنت تاخد على زينب لما تروح عندكم ما تتخضش ، لو تدهورت حالتها اتصل بي وكده كده البنت اللي عندكم عملت الاكل ورتبت الشقة ومشيت دي بتيجي مرة او مرتين في الأسبوع .

تركهم محمود وراح عند قرايب له في المنيا

قضت ماريان وابتسام طول الليل في صلاة وامتلأ البيت بالفرحة والبهجة وكل ده وابتسام واقفة كأن قوة دبت فيها وفرح شدد رجليها .

في الصباح الباكر وكان يوم جمعة دخلت ماريان وابتسام وبنتها بسمة الكنيسة وتركت ابتسام البنوتة مع ماريان واتناولت وفرحت جداً وشعرت انها رجعت والرب قبلها وبكت بدموع فرح واخذت بسمة من ماريان وراحت ماريان تتناول ورجعوا للبيت

ابتسام : ما تنسيش مش هاوصيك على بسمة عمديها واهتمي بها

وفي الطريق للبيت اشترت زينب لعبة حلوة لبسمة وحاجات حلوة كتير وقالت ابتسام لبسمة وهي تشاور على ماريان : دي اسمها ماما ماريان دي بتحبك قوي

في المساء اتصلت ماريان بمحمود عشان ييجي ويتصل بالحاج خالد عشان ابتسام تعبانة قوي ومش عارفة تاخد نفسها

جاء الحاج مسرعاً ومعه محمود ونقلوها للمستشفى وكان تقرير الطبيب بعد الاشعة ان الورم انتشر في الرئة وطلب منهم ينقلوها للبيت لتموت وسط أهلها واعطاها مسكنات ومشيوا ولما وصلت البيت وفي اقل من ساعة زمن انطلقت روحها الطاهرة .

عمل لها عزاء في المنطقة واثناء العزاء تحركت ماريان ومحمود ليسافروا للقاهرة ومعهم بسمة وشنطة هدومها وكل ما يلزمها . وفي مرورهم على العزاء سمعوا صوت القرآن عالي قالت ماريان :

خليهم يتعزوا بطريقتهم المهم هي روحها فين دلوقت . تخيل لو كنت سمعت كلامك واتاخرنا عليها ومالحقنهاش الحمد لله جينا في الوقت المناسب. وركبوا ورجعوا للقاهرة

 

 

(14) ناهد (ذلة ومهانة )

الشرقية ترحب بكم

ارتاحوا ثلاث أيام واليوم الرابع تركت ماريان بسمة عند أمها وحكت ماريان لمامتها حكاية بسمة وتاثرت الام جداً وخصصت لها اوضة ماريان قبل ما تتجوز . وانطلق محمود وماريان للشرقية

في الطريق قالت له ماريان : كويس اننا سافرنا بالعربية عشان المرة اللي فاتت تعبنا من المواصلات

جورج : خلاص هانت فاضل ناهد وكيرمينا

ماريان : انا مبسوطة بالمغامرة والاحداث وشايفة ربنا بيساعدنا ويتقدمنا . ايه حكاية ناهد ؟

جورج : حكاية ناهد زي حكايتك تقريباً  ، نفس السيناريو ، ضحكت عليها  خطف ابتزاز وفضيحة وضغط واشهار اسلام ، هي حاولت تموتني وتموت نفسها فطلقتها وجوزناها لواحد تاني من الشرقية بعد ضرب واهانة ومذلة جردناها من كل حاجة ولا فلوس ولا موبايل ولا ذهب واجبرناها على الحياة في الشرقية من اربع سنوات ، هي خريجة سياسة واقتصاد وأهلها حتى الان مايعرفوش مكانها وبيدوروا عليها هما عارفين انها اتخطفت بس ومش لاقينها .

وصلوا الشرقية وقابلوا جوزها الاسطى فوزي الخياط بيخيط جلاليب رجالي وسالوه على ناهد وقال انها في السوق .

الاسطى فوزي : خير ايه اللي جابك؟

محمود : مافيش حاجة كنا هنروح جامع السيد البدوي في طنطا ففكرت فيك اجي ازورك ما شفتكش من ساعة ما جيت القاهرة واخدت فلوس عشان تتجوز ناهد

فوزي : جوازة شئم مش بتخلف وقرفاني وبتسحب فلوس على الفاضي نزلتها السوق تشتغل

زينب : هي في السوق بتشتغل ؟ انا كنت باحسب انها بتشتري حاجات البيت

فوزي : يا ست زينب دي غرورة وقرفاني دايماً خناق ودايماً باضربها ومش عايزة تتهد

محمود : مش انت اخدت فلوسها طلقها انت بتجيب وجع القلب ليك ليه ؟ هي مش بتخلف ومصاريف وقرفاك طلقها وانا هاتصرف معاها انا وزينب

زينب : انا عايزة اشوفها

نادى فوزي ابن الجيران وقال له : وصل الحاجة يا احمد لمراتي في السوق

ذهبت ماريان للسوق وجدت ناهد بتبيع شوية قوطة في المشنة وشوية خيار في مشنة تانية ولابسة جلابية سوداء وتارحة سوداء وشكلها صعب جداً وحزنت عليها : دي ناهد خريجة سياسة واقتصاد . جلست جنبها فاستغربت ناهد وقالت لها ماريان : انا الحاجة زينب مراة محمود السبع .

لما سمعت اسمه شتمته وقالت هو السبب في الهم والذل اللي انا فيه .

حكت لها ماريان حكايتها وحكاية التغير اللي حصل لمحمود وقالت لها : انا جاية اساعدك وارجعك لاهلك

ناهد : ارجع لاهلي ازاي ؟ انا فكرت اهرب وارجع لهم بس اعمل ايه في الفضيحة؟

ماريان : فضيحة ايه ؟

ناهد : صوري والفيديو اللي مصورهم محمود وانكارهم لي وتهديدهم لي بالقتل لاني تركت ديني وكسرتهم

ماريان : مين قال لك الكلام ده؟

ناهد : فوزي قال لي كده

ماريان : أولا اهلك ما يعرفوش موضوع اسلامك ولا موضوع الصور والفيديو دول بيدوروا عليك لحد دلوقت

ناهد : بجد انا ما عرفش الكلام ده

ماريان : انت لسه ما خلفتيش؟

ناهد : انا بأخذ حبوب منع الحمل بانتظام مش طايقاه ولا طايقة عيل منه

ماريان : عموماً محمود عنده بيضغط عليه عشان يطلقك حاولي تساعديه واطلبي الطلاق والباقي علينا.

_______________

رجعت ناهد وماريان للبيت وعملوا الغذاء واتغدت ناهد وماريان لوحدهم ومحمود وفوزي لوحدهم

بعد الاكل جاءت ناهد واعطت فلوس الشغل لفوزي وكانت الفلوس قليلة عن كل يوم

فوزي : فين بقية الفلوس ؟

ناهد : معايا عايزة اشتري حاجات شخصية

فوزي : انت كل يوم تعملي الفيلم دهم افيش فايدة منك ولا فلوس ولا خلفة وكل يوم نكد وخناق

ناهد : مش عاجبك طلقني

فوزي : هو انا متمسك بك اللي جوزك لي اهو معانا روحي معاه انت طالق بالثلاثة طالق طالق طالق

بكت ناهد تمثيل ودخلت تجهز الشنطة ولقيت مافيش هدوم كويسة تاخدها تركت الشنطة وجابت الفلوس اللي معاها ولبست جلابية سوداء للخروج احسن من جلابية الشغل وخرجت مع زينب ومحمود وانطلقوا للقاهرة

ماريان : مش انت كنت هتروح جامع السيد البدوي

محمود : خلاص قمنا باللي عاوزينه في يوم تاني

ماريان : تعرف ان تاريخ الكنيسة بيحكي ان جامع طنطا ده كان كنيسة في فترة كانت غوغاء في مصر اقتحموا الكنايس وقتلوا ناس واخدوا الكنيسة وعملوها جامع السيد البدوي . ثم التفتت لناهد وقالت:

دلوقتي هاتروحي معايا البيت وتلبسي لبس كويس بلوزة وبنطلون أي لبس تحبيه وتاخدي حمام وتضبطي نفسك وبكرة نوصلك لاهلك . انت عندك كام سنة دلوقت ؟

ناهد : 27 سنة

محمود : انا اسف على اللي عملته فيك ومعاك سامحيني

ناهد : ربنا يسامحك ما انت اهو بتساعدني وتكفر عن اللي عملته

_______________

في بيت محمود وماريان اتغيرت ناهد تماماً بعد الحمام واللبس والمكياج رجعت تاني ناهد الشيك الانيقة خريجة سياسة واقتصاد . قعدت معاها ماريان وكلمتها عن التوبة وقبول خلاص المسيح والرجوع لربنا والبداية الجديدة وصلت ناهد وقبلت المسيح مخلص شخصي لها وتابت عن كل خطية عملتها بالقول والفكر والفعل .

خرجت ناهد وماريان وراحوا بيت أبو ناهد وتركتها ماريان عند باب البيت واعطتها رقم تليفونها في ورقة وقالت لها لما تجيبي تليفون كلميني وطمنيني عليك

__________

لم تصدق مامة ناهد ولا باباها رجوعها كانوا يعتبروها ماتت وامتلأ البيت بالفرح والزغاريد . حكت لباباها ومامتها حكايتها فهي بنت وحيدة لهم واخوها متجوز وعايش في فرنسا وطيبوا خاطرها وقدروا الظروف اللي مرت بها

بعد شهر اتصلت ناهد بماريان وقالت لها انها لقيت شغل في سفارة مصر في البحرين وهاتسافر وانها رجعت الكنيسة . وارسلت ناهد لها صورها بعد ان اهتمت بنفسها واكلت كويس وارتاحت ولبست شيك واتصورت وهي لابسة بدلة شيك جداً فسالتها ماريان عن موضوع الهوية ومستقبلها

ناهد : ما تقلقيش علي اكيد هالاقي حل لها وعايزة اقولك شكراً على كل اللي عملتيه معايا

ماريان : لا شكر ولا حاجة هو الرب اللي دور عليك واستخدمنا عشان ترجعي

ناهد : لو ضاقت الدنيا قوي اتجوز حد حليوة واهاجر أمريكا . باي باي سلمي لي على جورج

(15) كيرمينا (وخادمة امينة)

امبابة ترحب بكم

ماريان لجورج : ناقص على اجازتك أسبوع ، الشهر خلص بسرعة بس الصلاة بتعمل نتيجة لولا الصوم والصلاة والتضرعات لاجل البنات دول ماكناش نقدر نعمل معاهم حاجة ، انا باحس ان ربنا ماشي قدامنا وبيسهل لنا الطريق . انا فرحانة ببسمة جداً البنت سكر عايزة اخلص من موضوع كيرمينا عشان افوق لها ، بقيت تقول لي ياماما واخدت علي بسرعة ، يوم الاحد اللي جاي هاعمدها في الكنيسة ، انا اتفقت مع ابونا وهاسميها في المعمودية مونيكا ، انا كان نفسي يكون عندي بنت واسميها مونيكا .

فرح وحزن جورج من كلام ماريان وقال : كان نفسي يكون عندي ابن من صلبي

ماريان : احنا فيها ، شوية علاج وتبقى زي الفل . المهم الخطوة اللي جاية ايه ؟

جورج : هاحجز عند دكتور كويس واتابع معه

ماريان : لا مش قصدي انا قصدي موضوع كيرمينا

جورج : كيرمينا عايشة في امبابة ودي اول واحدة اتعاملت معها ، كانت بتروح الكلية وبتركب جنب سواق الميكروباص ، هي بنت اجتماعية وجميلة . سواق الميكروباص لضم معاها في الكلام وكل يوم كانت بتركب معاه ، اتصاحبوا واوهمها انه بيحبها فصدقته ، قال لها ان اسمه هاني ومسيحي ، اتفجأ هاني انها حدد له ميعاد مع الميس بتاعتها في الكنيسة ، الميس قعدت معاه واكتشفت انه مسلم فقالت لكيرمينا ، كيرمينا اتصدمت وقطعت علاقتها به وبطلت تركب معاه ولا تكلمه . هاني بقى حد قاله ان لي في السكة دي فساعدته وخطفناها وذلناها واجبرناها على الإسلام بالتهديد بالفضيحة والقتل ، اتجوزت هاني غصب عنها وعاشت معاه في امبابة خوفاً من الفضيحة او أذية أهلها وهي باين مش بتخلف برضه مش عارف ليه.

اتصل جورج بهاني يطمن عليه ويعرف ظروفه وعامل ايه مع كيرمينا

هاني : كيرمينا طلقتها بعد ما اكتشفت انها سقطت مرتين كانت بتاخد حبوب ما عرفش جابتها منين اول ما يحصل حمل يسقط وما يتكونش . مش عارف فين أراضيها

قفل جورج السكة مع هاني ومش عارف يعمل ايه وقال لماريان اللي حصل في المكالمة مع هاني

ماريان : طيب دي نوصل لها ازاي؟

جورج : مش عارف

ماريان : يبقى نصلي وربنا يتدخل

دخلوا الانتريه وركعوا على ركبهم وصلوا بدموع لكيرمينا وان ربنا يرشدهم يوصلوا لها ويساعدوها وبعد الصلاة قالت ماريان : كيرمينا حكت للميس بتاعتها فواضح ان المي سدي قريبة منها نحاول نوصل لها عن طريق كنيستها واعتقد هاني قال ان اسمها فيبي

راحت ماريان كنيسة كيرمينا وقت مدارس الاحد وسألت عن فيبي وقابلتها وحكت حكايتها وأعربت عن نيتها لمساعدة كيرمينا وسألتها : انت تعرفي اخبار عنها ؟

فيبي : ايه الضمان ان كلامك صحيح ؟ بطاقتك مكتوب فيها زينب ويمكن تكوني معاهم وعايزة ترجعيها لهم ( يابنتي انا عمري قرب ع الستين) وشفت في الخدمة بلاوي ماقدرش افرط في بنت من بناتي ولو فيها حياتي واديها لك بسهولة

ماريان : طيب طمنيني عليها هي كويسة ؟ انت عارفة هي فين ؟

فيبي : هاقولك بس مش هاقولك مكانها

ماريان : ماشي قولي لي وطمنيني

فيبي : بعد طلاقها ماكنتش عارفة تعمل ايه ولا عارفة ترجع لاهلها بسبب الفضيحة ولا عارفة تروح فين المهم ساعدتها لحد مالقيت شغل سكرتيرة في شركة واقامت في بيت المغتربات تبع الكنيسة اللي كنت باخدم فيه . وتواصلت مع أهلها مع ابوها خصوصاً لان مامتها ميتة وكانت كيرمينا بتعتبرني مامتها واطمن ابوها عليها وقابلها واعطاها فلوس وقال انه يفضل ما ترجعش البيت عشان سمعة اخوتها البنات الاتنين ، احنا قلنا انها ماتت والكل عارف انها ماتت واخوتها الاتنين كانوا صغيرين وهما على وش جواز

وباباها قالها : لو عايزة حاجة انا موجود وبعد كد لقيته اشترى شقة صغيرة وفرشها فرش بسيط بقرب شغلها واتنقلت فيها واخذها في حضنه ووعدها انه مش هايسيبها وكل شهر يديها مصروفها وقالها انه حتى ممكن يروح يقعد معاها كل كام يوم

ماريان : كويس قوي ، طيب وهي رجعت للكنيسة ولربنا ؟

ميس فيبي : طبعاً والدنيا استقرت

ماريان : يعني اطمن عليها ؟

فيبي : لا ماتخافيش اعتبريها رجعت انا مامتها وكمان باباها معاها ، وعلى فكرة في شاب مصري عايش في أمريكا معاه الجنسية قلت له عليها وشاف صورتها وعجبته ونازل مصر يقابلها وهي موافقة عليه مبدئياً وان شاء الله يتجوزوا ويسافروا هو قال هايعرف يتصرف ويخرجها برة البلد له سكة انه يعمل لها لجوء ديني بعد ما يسفرها رحلة سياحة وحتى لو ماتجوزتش هي مبسوطة كده وامورها مستقرة . صلي لاجلها ، انا اسفة مش هاقدر اقولك مكانها ولا أي طريقة توصلي ليها بس انا حكيت لك عشان شكلك صادقة ومش بتكذبي ولكن الاحسن ليها ولك انك ماتعرفيش مكانها وانت اطمنت عليها وانت مش عايزة اكتر من كده .

ماريان : لا مش عايزة اكتر من كده شكراً

تنفست ماريان بعمق وهي تقول لجورج : اد ايه الرب صانع عجائب ولايترك عبيده اللي يطلبوه من كل قلبهم . احنا كده خلصنا مهمتنا

جورج : حلينا مشاكل الناس لكن لسه مشكلتنا انا وانت حتى بسمة هويتها مسلمة وهي مسيحية

ماريان : ولا مشكلة ولا حاجة انا قدمت طلب هجرة في نيوزيلاندا

جورج : وهانروح نيوزيلاندا؟

ماريان : مانروحش ليه ؟ نبدأ بداية جديدة مادام هناك مش هايسألونا ديانتكم ايه بل مؤهلاتك وشغلك ايه ونشتغل ونجتهد ولكن ده مش هايحصل الا بعد الحمل

جورج : حمل ! حمل ايه ؟

ماريان : انا حامل يا جورج

جورج : نسافر به ونعطيه الجنسية وهنعمل ايه في بسمة

ماريان : اقترح تكلم الحاج خالد يكتب موافقته بكفالتها وتصريح منه وموافقة بسفرها معانا واكيد مش هايمانع ونكون كلنا مع بعض ونعمل تبني باسمنا في بلاد تسمح بكده . حاسة اني باحلم اشكرك يارب

 

 

انتهى

 القاهرة 2019

اسامه فل